KL

DK

Politikeri qaffasissumik inissisimasoq pineqaatissinneqarsimanera pillugu siulittaasoq: - Ilaasortat pinerluuteqarsimasut akuersaarsinnaanngilagut

Sermitsiap partiimut eqqartuunneqartup ilaasortaaffigisaanut attaveqarsimavoq. Partiip siulittaasua ilisimatitsivoq suliaq pillugu pisortatigoortumik suli paasissutissinneqarsimanatik. Eqqartuussut suliareqqitassanngortinneqarnikuummat Nunatta Eqqartuussiviata inaarutaasumik aalajangiinissaa utaqqissallugu partiip utaqqeqqaarusuppaa.

Tôrtia Reimer-Johansen
Tôrtia Reimer-Johansen Journalist
Offentliggjort

Politikeri qaffasissumik inissisimasoq kannguttaatsuliorsimasutut pisuutinneqarluni eqqartuunneqarpoq. Suliarli Nunatta Eqqartuussivianut suliareqqitassanngortippaa.

Pineqaatissinneqartup kinaassusaa avammut saqqummiuteqqusaanngimmat, pineqaatissinneqartup aqqa, partiip aqqa, siulittaasullu aqqa allaaserisami saqqummiunneqanngilaq.

Pineqaatissinneqartup partii ilaasortaaffigisaa Sermitsiap attavigaa, paasiniarlugu ilaasortartik pisuutinneqarluni eqqartuunneqartoq qanoq naliliiffigissaneraat.

Siulittaasup ilisimatitsissutigaa pisortatigoortumik suli ilisimatinneqaratik. Eqqartuussulli Nunatta Eqqartuussivianut suliareqqitassanngortinneqarmat aalajangiinnginnermi siulittaasoq utaqqimaaqqaarusuppoq.

- Suliaq pillugu paasitinneqanngilagut. Suliarlu Nunatta Eqqartuussivianut suliareqqitassanngortinneqarsimammat aalajanguusoqavinnissaa utaqqimaaqqaarusupparput, siulittaasoq oqarpoq.

Partii pinerlunnermut isumaa

Naak pineqaatissiineq oqaaseqarfiginngikkaluarlugu, siulittaasup erseqqissaatigaa ilaasortat pineqaatissinneqarsimasut partiimi akuersinnaanagit.

- Pinerluunnerit, soorlu kannguttaatsuliornerit akuerisinnaanngilluinnarpagut, siulittaasoq Sermitsiamut oqarpoq.

kannguttaatsuliorsimasoq partii politiker siulittaasoq inuiaqatigiit nunatta eqqartuussivia

Atorfiit tamaasa takukkit

– Se alle jobs

Powered by Labrador CMS