Aqqusinermi
eqqumiitsuliorneq - imaluunniit street
art tunngavimmigut allanngorartuaannarpoq, kisianni Australiamiup
graffitiliortartut ilaata Guido van Heltenip Nuummi Blok 5-imi qalipagai
qallerlugit qalipanneqariataartut Sermitsiami atuaramiuk aliatsaatigaa.
– 2014-imi
suliniut pingaarutilimmik puigunaatsuusumillu misigisaqarfigivara, Guido van
Helten Sermitsiamut oqarpoq.
Aqqusinermi
eqqumiitsuliorneq - imaluunniit street
art tunngavimmigut allanngorartuaannarpoq, kisianni Australiamiup
graffitiliortartut ilaata Guido van Heltenip Nuummi Blok 5-imi qalipagai
qallerlugit qalipanneqariataartut Sermitsiami atuaramiuk aliatsaatigaa.
– 2014-imi
suliniut pingaarutilimmik puigunaatsuusumillu misigisaqarfigivara, Guido van
Helten Sermitsiamut oqarpoq.
Qalipakkap
annaaneqartup aliasuutiginerani tunumi piniartup Poonojortip ukiuni qulini
illoqarfimmiunit tikeraartunillu nuannarineqarsimanera Guido van Heltenip
nuannaarutigaa.
– Aamma qalipagaq
atortussanik ullumikkut atortartakkanniit pitsaanerusunik atuillunga
qalipaqqinniarlugu Nuummukarsinnaavunga, Guido van Helten oqarpoq.
Islandimiu Stefán
Òli Baldursson Australiamiulu Guido van Helten 2014-imi aqqusinermi
eqqumiitsuliorniarlutik suleqatigiilerput, taamaalillutillu Ineqarnermut
Attaveqaasersuutinullu Naalakkersuisoqarfimmit tamarmik immikkut Narsarsuarmi
iigarsuarmik qalipaaffissaminnik tunineqarput.
Stefán Òli
Baldurssonip Blok 10-mi arnaq nanorlu qalipappai, Guido van Heltenillu
ilisimatuup William Thalbitzerip 1906-imi Tasiilami assilisaa
isumassarsiorfigalugu Blok 5-imi inuup assinga qalipappaa.
Sermitsiap
qalipagaq taanna suli takuneqarsinnaanersoq qulakkeerniarlugu Blok 10
sanioqquppaa.
Piginnittoq
attartortitsisorlu naapittut
Blok 5 Namminersorlutik Oqartussanit pigineqarpoq, inissiaatileqatigiiffiullu
Ini A/S-ip ingerlallugulu aserfallatsaaliorpaa.
Qalipagaq blokkip
silataani aserfallatsaaliinermut atatillugu qallerlugu qalipanneqarpoq. Inip
neqeroorutaa naapertorlugu iigarsuaq qalipanneqartussaavoq . qalipaasullu
taamaaliorput...
Ullumikkut
Ineqarnermut Attaveqaasersuutinullu Naalakkersuisoqarfik
inissiaatileqatigiiffillu iigarsuup siunissaa eqqartorniarlugu naapissapput.
Qalipakkap uterteqqinnissaa oqaloqatigiissutigineqartunut ilaasoq Inimi
pisortaq Henrik Rafn Sermitsiamut oqarpoq.
Nammineq
qularinngilaa:
– Qalipakkap
uterteqqinnissaaq eqqortuliornerussaaq, taava ukiunnginnerani
naammassisinnaanerlugu aappaagumulluunniit utaqqissanerluta takussavarput,
Henrik Rafn oqarpoq.
