Rutte USA-p nunanut allanut ministerianik naapitsinnginnermini: Kalaallit Nunaat Danmarkip ilagaa

- Kalaallit Nunaat Danmarkip kunngeqarfiata ilagaa.

Taama oqarpoq Natop pisortaanera, Mark Rutte, tusagassiortunik katersortitsinermi Nato-p nunanut allanut tunngasunut ministeriisa ataatsimiinnerat sisamanngornermi tallimanngornermilu ingerlanneqartussaq sioqqullugu.

Oqaaseqaat takkuppoq USA-p nunanut allanut tunngasunut ministeriata, Marco Rubio, sisamanngornermi tallimanngornermilu Nato-p nunanut allanut tunngasunut ministeriisa ataatsimiinneranni Bruxellesimi peqataanissaa sioqqullugu.

AAMMA ATUARUK:

Tusagassiorfik: USA Kalaallit Nunaannik piginnittuunissaminut aningaasartuutissani misissorpai

Taamaalilluni Rutte Danmarkimik illersuisuileqqippoq.

Taamaattorli Nato-p pisortaanerata USA-p præsidentia, Donald Trump, Kalaallit Nunaata pigilersinnaanissaanik kissaatiginninnera pillugu toqqaannartumik toqqaannartumik illuatungilinngilaa.

Taamaattorli Mark Ruttep Natop issittumi isumannaallisaanermut suliassaanik samminnippoq:

- Issittumi pisut ilisimavagut. Ilisimavarput Kinap imaatigut aqqut maanna ammariartuinnartoq. Aamma Ruslandip nunarsuup immikkoortuani tassani sakkussiatigut inerisaasoq ilisimavarput.

- Tamatumunnga suleqatigiinnerput annertusarparput, Nato-lu peqataanerulerpoq. Tamanna pingaaruteqartorujussuuvoq, Mark Rutte oqarpoq.

Oqaluuserisassanut ilaanngilaq

Nato-p immikkut ittumik inissisimagaluartoq, tassa Nato-mut ilaasortap - USA-p - Natomi ilaasortaqatiminut - Danmarkimut - nunap killeqarfiinik navianartorsiortitsigaluartoq, taamaattoq Kalaallit Nunaat Nato-p nunanut allanut tunngasunut ministeriisa ataatsimiinneranni oqaluuserisassaannut ilanngunneqanngilaq.

Mark Rutte oqallinnermut ajornartoorfiusumut tunuarterneranngilaq.

- Uanga kissaatigaara sammisassassarput pingaarnerpaaq. Tassa issittup illersorneqarnissaa. Taannalu oqaluuserisassaq Kalaallit Nunaannit annertuneruvoq, Mark Rutte oqarpoq.

Taassuma tikkuarpaa, Danmarkip Kalaallit Nunaat aqqutigalugu issittup avannaarsuaniinnera nunat arfineq marluk peqatigalugit. Nunat taakkua akornanni USA, Canada assersuutigalugu Norgelu Islandilu ilaapput.

-  Pingaarutilinnik sammisassaqarpugut, ataatsimoorluta Kina, imatigut aqqutinik atuisoq pillugu oqaluuserisassaqarpugut, aammalu Rusland issittumi sakkulersornikkut annertusaasoq pillugu.

- Uanga kissaatigaara taakku sammissagigut. Tassa sammisassat taakku Kalaallit Nunaannit annertunerummata, Mark Rutte oqarpoq.

Suliassaq ajornakusoortoq

Europami nunani arlalinni pakatsisoqarpoq, Rutte Trumpimik Illorsuarmi qaqortumi ataatsimeeqatiginninnermini Trump saallugu illarasaaginnarmat, assiliissutit ingerlaartillugit Kalaallit Nunaat pillugu oqaatsiminik uteqqiimmat.

Hollandimi siornatigut ministeriunerusimasoq taanna inissisimanermini ajornartorsiulaarpoq.

Nunat 32-it illersoqatigiinneranni ataqatigiissitsiniartussaavoq, nunalli taakku nunamit ataatsimit, tassa USA-mit pingaarnerusutut inissisimanngillat, taanna annertoorujussuarmik illersornissamut aningaasaliisarmat aammalu atomip nukinga atorlugu sakkussianik peqarmat.

Nunanut allanut tunngasunut ministeri Lars Løkke Rasmussen (M) USA-p nunanut allanut tunngasunut ministerianik ataatsimeeqateqarnissamik Nato-mi ataatsimiinnermi Bruxellesimi sulissutiginnippoq.

Nunanut Allanut Ministereqarfimmit erseqqissaatigineqarnikuuvoq Kalaallit Nunaat ataatsimiinnermi matumani sammisassaanngitsoq.

Taamaattumik Løkke Rubio-lu - ataatsimiinneq piviusunngussappat - Ukrainemi pissutsit kiisalu Europami isumannaallisaaneq pillugit oqaloqatigiinnissaminnut sammisaqartussaapput, Nunanut Allanut Ministereqarfik marlunngornermi nalunaarpoq.