KL

DK

Siumup borgmesterip issiavia tiguniaraa

Qaammatini tulliuttuni kommunalbestyrelsimut qinersisoqarnissaani Kommune Qeqertalimmi borgmesterip issiavia Siumup tiguniarlugu pilersaarusiuleruttorpoq

2022-mi Kommune Qeqertalimmi kommunalbestyrelsimut qinersinermi Inuit Ataqatigiit 1.746-nik Siumullu 843-nik taaguunneqarput.
Arne Mølgaard Tusagassiortoq
Saqqummersinneqarpoq

Kommune Qeqertalik 2018-imi pilersinneqarmalli maannakkumut Inuit Ataqatigiit ukiuni 35-ni politikeriusimasoq qinersisartuniillu nuannarineqarluartoq borgmesteri Ane Hansen siuttoralugu, politikkikkut pissaanermik tigumminnittuupput. 

Maannali politikkikkut mumisitsisoqassasoq, borgmesterillu issiavia pissaaneqarluartoq Siumumiit tiguneqarnissaa anguniarlugu piareersaatit aallartisaleruttortut, kommunalbestyrelsimut ilaasortaq borgmesterillu tullersortaa siulleq, borgmesterinngornissamillu anguniagaqartoq Frantz Lundblad oqarpoq.

Kommune Qeqertalik 2018-imi pilersinneqarmalli maannakkumut Inuit Ataqatigiit ukiuni 35-ni politikeriusimasoq qinersisartuniillu nuannarineqarluartoq borgmesteri Ane Hansen siuttoralugu, politikkikkut pissaanermik tigumminnittuupput. 

Maannali politikkikkut mumisitsisoqassasoq, borgmesterillu issiavia pissaaneqarluartoq Siumumiit tiguneqarnissaa anguniarlugu piareersaatit aallartisaleruttortut, kommunalbestyrelsimut ilaasortaq borgmesterillu tullersortaa siulleq, borgmesterinngornissamillu anguniagaqartoq Frantz Lundblad oqarpoq.

2022-mi kommunalbestyrelsimut qinersinermi Peter Olsen, IA, 442-nik taaguunneqarpoq, taassumali Ilinniartitaanermut, Kultureqarnermut, Timersornermut Ilageeqarnermullu Naalakkersuisunngornissani toqqarmagu, parteeqataa Ane Hansen 387-inik taaguunneqarluni taaguunneqarpaanut tullisoq borgmesterinngorpoq, taamanilu Franz Lundblad aamma IA-mut ilaasortaasoq 54-inik taaguunneqarluni. Inuit Ataqatigiilli Ane Hansen siuttoralugu matoqqavallaartumik ingerlatsinerarlugit isornartorsiuisareerluni 2022 naalersoq taanna Siumumut nuuppoq.

2022-mi Kommune Qeqertalimmi kommunalbestyrelsimut qinersinermi Inuit Ataqatigiit 1.746-nik Siumullu 843-nik taaguunneqarput.

Allannguisoqartariaqartoq

2018-imi Kommune Qeqertalik pilersinneqarmat innuttaasut 6.533-iupput 2024-mili 6.058-it ikileriarsimallutik, tamannalu kommunip politikkikkut ajorluinnartumik aqunneqaranik annerpaamik pissuteqartoq Frantz Lundblad isumaqarpoq.

- Qitiusumik aqutsinerujussuaq innuttaasut kommunillu akunneranni qunnermik annertuumik pilersitsisimavoq, sumiiffinnilu assigiinngitsuni ineriartornerup unittoorsimaneranik peqquteqartumik innuttaasut amerliartuinnartut kommunimut allanut periarfissarissaarnerusunut nuuttalersimapput, tamannalu illuanut saatinniarlugu suliniutit ineriartuutaasinnaasut aallartinneqartariaqarput, taanna oqarpoq.

- Piffissami kingullermi bormgesteritut paarlattaaninni partiinik ataatsimoortitsisinnaallunga takutippara, taamaattumik borgmesterip issivianut ingissaguma, tamanna nammalluarsinnaallugu misigisimavunga, borgmesterip tullersortaa siulleq Frantz Lundblad, Siumut, Aasianni Ado Lyngep Atuarfiani pisortaasoq, oqarpoq.

2022-mi Folketingimut qinersinermi tupaallannartumik pisoqarpoq, tassami Aaja Chemnitz, Inuit Ataqatigiit, Aasianni 248-nik taagunneqartoq Aki-Matilda Høegh-Dam, Siumut, 322-nik taaguunneqarmat, taamaammallu qinersinermi tulliuttumi politikkikkut allannguisoqarsinnaanera upperigitsik Frantz Lundbladip oqaatigaa.

Piareersimasutut misigisimasoq

Qinersinermi taaguunneqarnerpaap borgmesterinngortinneqartarnera naliginnaasuuvoq, taamaakkaluartoq nunani allani atorneqartoq assigalugu partii sinnerlugu borgmesterissatut qineqqusaartitsisarnerup atorneqarnissaa orniginartikkini, Frantz Lundblad oqarpoq.

- Tamanna uanga nammineq inuttut kissaatigisaraluarpara, kisiannili nunatsinni sungiusimaneqanngitsoq malunnarpoq.

- Piffissami kingullermi bormgesteritut paarlattaaninni partiinik ataatsimoortitsisinnaallunga takutippara, taamaattumik borgmesterip issivianut ingissaguma, tamanna nammalluarsinnaallugu misigisimavunga, taanna oqarpoq.

Qinersisartut partii pillugu qinersisartut naliginnaasorujussuuvoq, kisiannili partii pivallaarnagu inuulli piginnaasai pillugit qinersisartut amerliartortut, tamannalu qinersinermi tullermi Siumumut iluaqutaasinnaasoq, borgmesterip tullersortaa siulleq oqarpoq.

Immaqa qineqqusaaqqissasoq

Ane Hansen 1989-imili ataannartumik qinikkatut sulinikuuvoq qinigaaffiilu pingasut borgmesteriuffiginikuullugit. Siullermik 1997-imiit 2002-mut taamanikkut Aasiaat kommunerisimasaanni borgmesteriuvoq, taassumalu ukiuni 15-ini Inatsisartuni ilaasortaanikuulluni, oqaluttuarisaanermilu siullersaalluni kisiartaallunilu arnani 2009-miit 2013-ip tungaanut Aalisarnermut Piniarnermut Nunalerinermullu Naalakkersuisuulluni.

Qinigassanngorteqqinnissamut kajumissaarneqaruni qinissanngorteqqissinnaalluni, kinguariilli nutaat politikkikkut siuttuunissaat kissaatiginerugini, kisiannili borgmesterinngornissamut kisitsisit naamattut pissarsiarissagunigit issivimmut tassunga ingeqqissaminut piareersimalluni politikkerip misilittagartuup aalajaatsunillu qinersiserpassuaqartup oqaatigaa.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
Pisigit

Sermitsiaq - E-aviisi

  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

AG - Atuagagdliutit E-aviisi

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq.gl-mi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

Sermitsiaq.AG+

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik iserfigisinnaalissavatit
  • Arnanut e-magasinatut atuarsinnaalissavat
  • Nutserisoq.gl atorsinnaanngussavat
  • Soqutiginnikkuit abonnement@sermitsiaq.gl-imut allagaqarsinnaavutit
Toqqaagit

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

samfund kommune qeqertalik ane hansen frantz lundblad siumut inuiaqatigiit inuit ataqatigiit

ATORFIIT Se alle jobs

Powered by Labrador CMS