Kommuneqarfik Sermersuumi Siumup
siulittaasuata, Dorthe-Marie Mogensen-Fontainip, borgmesteritut
qinigassanngortitartik Martha Abelsen, kommunimi inatsisinik
aqutsinermillu ilisimasaqarluartoq qinersisartut
tatiginnilernissaannut ikiuutaassasoq oqaatigaa.
- Kommunimut qinersinissamut piukkunnaatilinnik qinigassanngortitaqarpugut, eqqarsaatigilluareerlugulu Martha Abelsen borgmesteritut qinigassanngortinnissaa tapersersorniarlugu aalajangerpugut, ilaatigut kommunimut inatsisinik ilisimasaqarluarmat aqutsinermillu misilittagaqarluarluni.
Kommuneqarfik Sermersuumi Siumup
siulittaasuata, Dorthe-Marie Mogensen-Fontainip, borgmesteritut
qinigassanngortitartik Martha Abelsen, kommunimi inatsisinik
aqutsinermillu ilisimasaqarluartoq qinersisartut
tatiginnilernissaannut ikiuutaassasoq oqaatigaa.
- Kommunimut qinersinissamut piukkunnaatilinnik qinigassanngortitaqarpugut, eqqarsaatigilluareerlugulu Martha Abelsen borgmesteritut qinigassanngortinnissaa tapersersorniarlugu aalajangerpugut, ilaatigut kommunimut inatsisinik ilisimasaqarluarmat aqutsinermillu misilittagaqarluarluni.
Ukiorpassuarni Nuummi najugaqarsimavoq, isumaqarpugullu borgmesteritut qinigassanngortinnera piukkunnaateqartoq, Dorthe-Marie Mogensen-Fontain oqarpoq.
Martha
Abelsen Isumaginninnermut, Suliffeqarnermut Nunamullu Namminermut
Naalakkersuisoqarfimmi pisortatut atorfeqaqqammerpoq, aamma
Kommuneqarfik Sermersuumi Meeqqanut Ilaqutariinnullu Ingerlatsivimmi
pisortatut misilittagaqarluarpoq.
Sulianik
kukkusanik torersaassineq
Qinigaaffimmi
kingullermi borgmesteri Charlotte Ludvigsen Inuit Ataqatigiinneersoq
Kommuneqarfik Sermersuumi borgmesteriujunnaarmat Avaaraq Olsen
borgmesterinngorpoq. Tamatuma kingorna kommunimi suliat
torersaanneqarput, ilaatigut ineqarnermut suliamut tunngatillugu.
Kommune namminersortunut inissianik attartortitsisartunut
isumaqatigiissuteqarnermigut Iserit aqqutigalugu inissianik
attartortitseqqittarpoq, taamali periuseqarneq Namminersorlutik
Oqartussat nakkutilliisuutitaasa kommunip
isumaqatigiissuteqarsinnaanera unitsippaa. Siumup
kommunalbestyrelsimi ilaasortaatitaasa suliaq
isornartorsiortuaannarsimavaat apeqquserlugulu ineqarneq pillugu
suliami kommunip pisinnaatitaaffiinik unioqqutitsisoqarsimanersoq.
- Ineqarneq pillugu suliami aaqqiissutissanik nassaarniarluta suleqatigiippugut, Siumumulli pingaaruteqarpoq isornartorsiuinitta tusaaniarneqarnissaa. Inatsisinik unioqqutitsisoqarnera nilliaatigaarput, isornartorsiuinerpullu eqqortuusoq paasinarsivoq. Borgmesteri innuttaasunut tusarnaarsinnaasoq pisariaqartipparput, aamma ineqarneq pillugu suliami aaqqissuussinermut aamma tunngatillugu aaqqiiniarnermi, Dorthe-Marie Mogensen-Fontain oqarpoq.
Maannakkut
borgmesteriusoq nammineq partiimi kukkussutaanik aaqqiiumaartoq
qularivaa.
- Kukkussutigisimasatik namminneq iluarsiniarsarisannaanngilaat. Martha Abelsen borgmesteritut qinigassanngortipparput isumaqaratta aqutsisut akornanni eqqissisimanermik toqqissisimanermillu pilersitsisinnaasoq ataavartumillu aaqqiissutissanik nassaarsinnaasoq, Dorthe-Marie Mogensen Fontain oqarpoq, nassuiarlugulu Martha Abelsen taamanikkut kommunit kattuffianni KANUKOKA-mi siulittaasuusimasoq.
Inuussutissarsiornermut
Siunnersuisooqatigiit suleqqilissasoq
Siumut
Kommuneqarfik Sermersuumut 21-nik qinigassanngortitsivoq, ilaatigut
aalisarnermut piniarnermullu naalakkersuisuusimasoq Kim Kielsen,
Inatsisartunut ilaasortat Doris Jakobsen Jensen aamma Mala Høy Kuko,
kiisalu maanna kommunimi politikerit Peter Davidsen aamma Storm
Ludvigsen. Inuussutissarsiornermut Siunnersuisoqatigiit
suleqqilernissaat aamma Kuanninnguini Nuup eqqaaniittumi
inuussutissarsiorfissanik pilersitsinissaq qineqqusaarutigaat.
Martha
Abelsen aviisimut piffissaliussap killigata iluani
oqaaseqartissinnaasimanngilarput.
