Toqutsisoqarneranut suliami killiligaanngitsumik pineqaatissiissoqassasoq piumasarineqartoq

Qaqortumi inissiarsuarmi februaarimi 2023-mi toqutsisoqarneranut tunngasoq Eqqartuussisoqarfik Kujallermi sapaatip-akunnerani tullermi suliarineqassaaq.

Angut unnerluutigineqartoq killiligaanngitsumik pineqaatissinneqarnissaa unnerluussisussaatitaasup piumasarigaa unnerluussummi atuarneqarsinnaavoq.

Unnerluutigineqartoq februaarip pingajuani 2023-mi nalunaaqutaq 19.30-p aamma februaarip sisamaanni 2023-mi nalunaaqutaq 07.00-p akornanni toqutaasup — angut 53-inik ukiulik — niaquatigut timaatigullu tilluarlugulu isimmittarlugu toqussimagaa unnerluutigineqarpoq.

Toqutaasoq persuttarneqarnermini niaqumigut innarlerneqarpoq kingorna toqqutigisaminik.

AAMMA ATUARUK:

Qaqortumi toqutsisoqarneranut atatillugu suliaq: Angut 34-nik ukiulik tigusarineqarpoq unnerluutigineqarlunilu

Angutip unnerluutigineqarnini qanoq isumaqarfigineraa ilisimaneqanngilaq.

Eqqartuussineq aggustip 19-ianniit 23-anut ingerlanneqassaaq.