- Sulisup
suliffeqarfik pillugu kajumissaarilluartartup sulisorpassuarnillu
siuarsaallunilu attassisarsimasup inimut, nammineq inigivilersinnaanngisaminut,
akiliutip qaffasippallaarnera pissutigalugu atorfimminit soraartariaqarsimanera
tusaamavara. Sulisoq taanna Danmarkimi piginneqatigiilluni illuutilinni
akikinnerungaatsiartumik illutaarsinnaasimallunilu suliffittaarsimavoq.
PISARTAGAQARTUNUT
Allaaserisaq una Nutaarsiassaqartitsivimmi aviisit naqitat
ilaanni allaaserisaavoq.
Allaaserisat pisartagaqartunit taamaallaat atuarneqarsinnaapput.
Atuarluarna.
- Sulisup
suliffeqarfik pillugu kajumissaarilluartartup sulisorpassuarnillu
siuarsaallunilu attassisarsimasup inimut, nammineq inigivilersinnaanngisaminut,
akiliutip qaffasippallaarnera pissutigalugu atorfimminit soraartariaqarsimanera
tusaamavara. Sulisoq taanna Danmarkimi piginneqatigiilluni illuutilinni
akikinnerungaatsiartumik illutaarsinnaasimallunilu suliffittaarsimavoq.
Anna
Wangenheim (D) taama AG-mut oqaluttuarpoq.
Peqqinnissaqarfiup
Nuummi Qatserisuni inissiaatai nutaat akerleriissutaaqisut pillugit
Naalakkersuisunut apeqquteqarpoq – maannalu akissutisivoq.
Peqqinnissamut
naalakkersuisumit Agathe Fontainimit akissummi Naalakkersuisut
inissiaatileqatigiiffik Illuut ukiuni 18-ini ukiumut 3 millionit koruuninik,
tassa katillugit 54 millionit koruuninik, atukkinniaraat taamaalillutillu
inissiani nutaani inissianut akiliut appartinniaraat atuarneqarsinnaavoq.
Akit
appartinnissaannut nalunaarsuiffik akissummi ilaavoq. Tassani aningaasanik
atornikkut kvadratmeterimut 167 koruuninik akikinnerulissasoq allassimavoq.
Tassami inissiani assigiinngitsunik angissusilinni inissiaq marlunnik initalik
1200 koruuningajannik akikinnerulissagami 11.171 koruuniniit 10.006 koruuninik
akeqalissaaq, inissiarlu pingasunik initalik 14.804 koruuniniit 13.261
koruuneqalersoq sisamanik initalik 17.496 koruuneqarunnaarluni 15.673
koruuneqalissaaq.
Pitsaanerusinnaavorli,
Anna Wangenheim oqarpoq.
- Akissutip
neriunaateqanngitsorsiortugut ersersippaa. Akimmi appartinnerat
arlaannaatigulluunniit naammaginanngilaq. Naalakkersuisut Qatserisuni inissiat
90-it attartortissinnaanissaannut isumaqatigiissusioramik inimut akiliutit
aallaqqaataaniilli ersarissumik ilisimatitsissutigisimanngikkaat uggornarpoq,
oqarpoq.
Apeqqutit
arlallit
Nutaanik
inissialiorneq peqqinnissaqarfimmi sulisut soraakaanerannik kinguneqarmat
taamaalillunilu kalaallit namminneq peqqinnissaqarfimminni
isumagineqarsinnaanerannut kinguneqassammat Anna Wangenheimip suliaq alianartuunerarpaa.
-
Tusartakkatuut sulisut allanngorarnerujussuat, isumagineqarnissamut
utaqqisarneq maannalu pisoq pissutigalugit innuttaasorpassuit namminneq
isumannaatsuunissartik eqqarsaatigalulgu nunanut allanut nuussinnaanerat
innuttasut ilungersunarereerpaat.
Naalakkersuisut
suliaq pimoorullugulu politikkiminnik ammasumik ingerlatsissasut,
minnerunngitsumillu politikkikkut eqqartuinerminni Inatsisartunik
peqataatitsissasut pisariaqarluinnartoq isumaqarpoq.
- Tamattami
akisussaaffeqarlutalu akisussaaqataavugut, Naalakkersuisulli
amerlanerussuteqarlutillu, atorfilittaqarlutillu pissaaneqaramik suliami
pilertortumi ilungersunartumilu matumani immikkut ittumik
iliuuseqartoqarnissaanut aaqqiissutinillu allanik aallarniisoqarnissaanut
siulliullutik iliuuseqartuusariaqarput, Anna Wangenheim oqarpoq.
Taassuma
isaani suliaq suli naammasseqqajanngilaq.
- Suliaq akissutillu apeqqutinik allanik
pilersitsipput. Kukkusoqarsimaneranik kina nassuerusuppa, kukkunerillu maanna
attartortunut sulisunullu inissianik neqeroorfigitissimasunut, akilli
taamaatsillugit nuunnissaminnik itigartitsisimasunut immikkut
akuersissuteqarfiussappat, aperivoq.
