Illoqarfiit
pingaarnersaanni angerlarsimaffeqanngitsut 71-it Tasiilamilu
angerlarsimaffeqanngitsut 40-t, kiisalu inuusuttut
angerlarsimaffimminnit nuukkusuttut, containerini inissiatut
aaqqissuunneqarsimasunut nuunnissaminnik neqeroorfigineqassapput.
Angerlarsimaffeqanngitsut
inuusuttullu nalinginnaasumik inissiamik tunineqarnissaasa tungaanut
ukiup aappaa avillugu utaqqiisaasumik najugaqartinneqarnissaat
pineqarpoq.
Illoqarfiit
pingaarnersaanni angerlarsimaffeqanngitsut 71-it Tasiilamilu
angerlarsimaffeqanngitsut 40-t, kiisalu inuusuttut
angerlarsimaffimminnit nuukkusuttut, containerini inissiatut
aaqqissuunneqarsimasunut nuunnissaminnik neqeroorfigineqassapput.
Angerlarsimaffeqanngitsut
inuusuttullu nalinginnaasumik inissiamik tunineqarnissaasa tungaanut
ukiup aappaa avillugu utaqqiisaasumik najugaqartinneqarnissaat
pineqarpoq.
-
Sanaartornermik ingerlatsivimmit MT Højgaardimit containerit
pitsaasut initut aaqqissuussat pisiarigatsigik. Init tamarmik
immikkut perusuersartarfillit, uffarfillit igaffeerallillu. Tamatuma
saniatigut najugaqartut ataatsimoorussamik igaffeqassapput,
isersimaartarfeqassallutik errorsisarfeqassallutillu, Kommuneqarfik
Sermersuumi pisortaaneq Ole Jakobsen Sermitsiamut oqarpoq.
Akia: 15 millionit koruunit
Sanaartornermik
ingerlatsiviup MT Højgaardip sulisunut inissiaqarfiit pingasut
qanittukkut tunivai, containerit pineqartut 121-nik initallit
Nuummiittut kommunimut tunivai. Taakku 15 millionit koruunilerlugit
pisiarineqarput.
-
Containerit pequtaat ilanngullugit tuniniarneranni akianit 3
millionit koruuninik akikinnerusumik pisiarigatsigik, kommunimi
pisortaaneq naammagisimaarinnittoq taama ilisimatitsivoq.
Sanaartugassanik
suliakkerneqartartup Nunatsinni suliassaminik naammassinninneranut
atatillugu containerit najugaqarfiusut kommunip decembarip
aallaqqaataanni pigisarilerpai.
Inissiat
pingasunik quleriinnik initallit
Kommuneqarfik
Sermersooq taamaalilluni angerlarsimaffeqanngitsunut ininik 71-inik
pissarsivoq, taakkunannga 44-t Qinngutsinniillutik 27-llu Qeqertani
Nuuk Imiusimasup eqqaaniillutik.
-
Pisiavut tassaapput containerit oqorsarluakkat inini quleriinni
pingasuniittut. Init 71-it atorlugit Nuummi
angerlarsimaffeqanngitsunut pisariaqartitsileruttortunut
pissarsiaraavut. Angerlarsimaffeqanngitsulli pillugit suliniutinik
annerusunik suli suliaqarpugut. Inuit angerlarsimaffeqanngitsut
kisimik pineqanngillat, aammali inuunerminni qanoq
ingerlariaqqinnissaat pineqarluni, Ole Jakobsen oqarpoq.
Ingerlatsivik Kommuneqarfik Sermersuumi aningaasaqarnermut ataatsimiititaliami politikerinut saqqummiussivoq containerit sinneri 40-nik initallit Tasiilami angerlarsimaffeqanngitsunut inuusuttunullu inissianngortinneqarnissaanik siunnersuuteqarluni.
- Containerit taakku upernaaru Nuummiit Tasiilamut nassiunneqassasut siunniunneqarpoq, kommunimi pisortaaneq oqarpoq.
