Ataasiaannarluni isumannaallisaavikkoortalernissaq aatsaat 2025-mi piariissangatinneqarpoq

Nuummi mittarfissap nutaap novembarip 28-ani ammarnerani One Stop Security (OSS)-imik taaneqartartoq atulertussaagaluarpoq, soorluttaaq tamanna Kangerlussuarmi mittarfimmi atorneqartarsimasoq.

OSS-i isumaqarpoq ilaasut Danmarkimi Islandimiluunniit mittarfimmit timmisartumut allamut ingerlaqqittussaanermi nassataminnik aallertariaqannginnerat isumannaallisaavikkooqqittariaqannginnerallu.

AAMMA ATUARUK

Atlantikoq qulaallugu angalasunut ajorseriaat annertooq

Mittarfilli EU-mit septembarimi misissuiffigineqarnissaminut piareersimasimanngilaq, OSS-illu aatsaat 2025-mi aasakkut inissinnissaa naatsorsuutigineqartoq, Greenland Airports maanna nittartakkamini ilisimatitsissutigaa:

- OSS isumannaallisaanermut malitassaavoq, Nuummi timmisartoqarfimmi angunissaa annertuumik siunnerfilimmillu sulissutigisarput. Kisianni suliassaq ingerlaqqaartussaavoq, sulilu angorusutavut tikinngilavut. 

- OSS aatsaat 2025-mi aasakkut piareersimassasoq naatsorsuutigaarput, Greenland Airports nittartakkamini allappoq.

Timmisartuutileqatigiiffiulli erseqqissarpaa Nuummi timmisartoqarfik maannakkorpiaq security niveau 2-mut akuerisaasimasoq, tamannalu isumaqarpoq, Nuummit nunanut allanut angalassagaanni, angalasutut eqqumaffigisassaqartoq.

Greenland Airports allappoq:

• Ornitassannut tikinnermi aqqusaartut tikiffigisartagaannut (Taxfree-qarfik) isersinnaasussaanngilatit, kisianni toqqaannartumik nassatanik tunniussisarfimmukartinneqassallutit. Taamaattumik Duty free-nik pisiniarniaruit, Nuummi Duty free-nut pisiniarfittaatsinni qinigassaqarluartunik pisiassaateqartumi, ingerlaqqinnginninni pisiniarsinnaavutit.
• Tikiffissannut apissikkuit, timmisartumullu allamut ingerlaqqissaguit, nassatavit aanissai isumannaallisaavikkooqqaarnissallu pingaaruteqarpoq, taamaasillutit aqqusaartunut utaqqisarfimmukarsinnaanngussaatit timmisartumullu allamut ingerlaqqissinnaanngorlutit.