Suluusalinnut
mittarfiliassat pillugit suliniutissaq 2015-imi Inatsisartut ukiakkut
ataatsimiinneranni akuersissutigineqarnerpoq, tassungalu atatillugu ilaatigut
nunap immikkoortuani Qasigiannguani, Qeqertarsuarmi Kangaatsiamilu
mittarfiliassanut misissuinerit aallartinneqarput, periarfissallu pillugit sukumiisumik
misissueqqaarnernut inernerugallartut 2020-mi saqqummiunneqarput.
Illoqarfinni
pineqartuni suluusalinnut mittarfinnik sanaartornissaq imminut
akilersinnaanngitsutut nalilerneqaraluartoq, misissuinerit nutaat 2027-p
tungaanut ingerlanneqartussat naammassippata nutaamik naliliisoqarumaartoq,
Ineqarnermut Attaveqaasersuutinullu Naalakkersuisoq, Hans Peter Poulsen,
Siumut, aasaq Sermitsiamut oqarpoq.
Suluusalinnut
mittarfiliassat pillugit suliniutissaq 2015-imi Inatsisartut ukiakkut
ataatsimiinneranni akuersissutigineqarnerpoq, tassungalu atatillugu ilaatigut
nunap immikkoortuani Qasigiannguani, Qeqertarsuarmi Kangaatsiamilu
mittarfiliassanut misissuinerit aallartinneqarput, periarfissallu pillugit sukumiisumik
misissueqqaarnernut inernerugallartut 2020-mi saqqummiunneqarput.
Illoqarfinni
pineqartuni suluusalinnut mittarfinnik sanaartornissaq imminut
akilersinnaanngitsutut nalilerneqaraluartoq, misissuinerit nutaat 2027-p
tungaanut ingerlanneqartussat naammassippata nutaamik naliliisoqarumaartoq,
Ineqarnermut Attaveqaasersuutinullu Naalakkersuisoq, Hans Peter Poulsen,
Siumut, aasaq Sermitsiamut oqarpoq.
Kommune
Qeqertalimmi piffissami maajip 15-ianiit septemberip 15-ianut Disko Line A/S
imaatigut ilaasunik angallassisarpoq, piffissallu sinnerani Air Greenland A/S
qulimiguullit atorlugit angallassisarluni. Kisiannili ukiakkut immap silallu
unerisimajunnaarfiani Disko Linep angalanissamut pilersaarutai annertuumik
kalluarneqartarput, qulimiguullillu ukiuunerani silarluttumi angalasinnaaneq
ajornammata angalanissat amerlasuut taamaatinnarneqartarput.
Kommune
Qeqertalimmilu ukiukkut aasakkullu ilaasuniik angallassinermi nassatanillu
assartuinermi unammilligassat annertoqimmata Qasigiannguani, Qeqertarsuarmi
Kangaatsiamilu suluusalinnut mittarfiliornissamut periarfissat pillugit
qulaajaaneq suli sukkanerusumik ingerlanneqartariaqartoq, Ane Hansenip sakkortuumik
piumasaraa.
Inuussutissarsiorneq
eqqorneqartoq
Kommune
Qeqertalimmi angallannikkut ajornartorsiutit pissutaallutik sumiiffinni
assigiinngitsuni inuussutissarsiorneq, minnerunngitsumillu takornariaqarneq,
annertuumik eqqugaaqqasoq, borgmesteri oqarpoq.
- Kommune
Qeqertalimmi Qeqertarsuaq takornariaqarfiit annersaraat, tassanilu
takornarialerisut nutaat ukiut kingulliit aallartisaleruttorput. Taamaakkaluartoq
ukiuunerani illoqarfiup qulimiguulimmik taamaallaat tikinneqartarnera
pissutaalluni, taakkununnga atugassarititaasut ilungersunartorujussuuginnaratik
aammali ineriartortitsisinnaanerat killilersorneqarpoq.
- Illoqarfinni
nunaqarfinnilu ineriartortitsineq pitsaasumik ingerlassappat angallannikkut
pissutsit pitsaasuunissat pinngitsoorneqarsinnaangilaq, taamaakkaluartoq nunap
immikkoortuani tamaani suluusallit atorlugit angallassineq politikkikkut
pingaarnersiuinermi pingaaruteqannginnerusutut isigineqarpoq, tamannalu
akuersaarneqarsinnaanngilaq, taanna oqarpoq.
Piaartumik
mittarfiliortoqartariaqartoq
Illoqarfinni
mikinerusuni innuttaasut ikiliartorput, tamannalu killilersimaarneqassappat
angallannikkut inuussutissarsiornikkullu inerisaasoqarnissaa
avaqqunneqarsinnaanngitsoq, borgmesteri isumaqarpoq.
- Kommune
Qeqertalimmi innuttaasut ikiliortornerat angallannikkut periarfissat
pitsaasuunginnerannik ilaatigut peqquteqarpoq, tamannali illuatungaanut
saatinneqassappat Qasigiannguani, Qeqertarsuarmi Kangaatsiamilu suluusalinnut
mittarfiliornissaq qinersivimmi tullermi anguneqartariaqarpoq, Ane Hansen
oqarpoq.
Kommune
Qeqertalimmi angallannikkut iluarsartuusseqqinnissamik piumasaqarnissaq
piffissami aggersumi Inatsisartunut kommuninullu qinersisoqarnissaanut
atatillugu sukumiisumik eqqartorneqartariaqartoq, taanna isumaqarpoq.
Imminut
akilersinnaanngitsut
Ittoqqortoormiini,
Tasiilami, Narsami, Nanortalimmi, Qeqertarsuarmi, Qasigiannguani, Kangaatsiami
Uummannamilu suluusalinnut mittarfiliornissamut periarfissat pillugit
misissueqqaarnernut inernerugallartut 2020-minngaanneersut naapertorlugit,
tamaani mittarfinnik mikinerusunik sanaartornikkut silaannakkut angallassinerup
pitsaanerulernissaanik ilimagineqarsimasut naatsorsuutigineqarsimasullu ilaat
allarluinnaasut, misissueqqaarnerit takutippaat.
Qeqertarsuaq,
Qasigiannguit, Kangaatsiaq, Narsaq aamma Nanortalik 799 meterinik takitigisunik
mittarfiliorfigineqarnissaannut periarfissaqartoq misissuinerit
takutikkaluaraat, inuit angalasartut ikippallaarmata sumiiffinni pineqartuni
suluusalinnut mittarfiliornissaq imminut akilersinnaassanngitsoq misissuinerit
ersersippaat.
