Erngup nukinganik nukissiorfik nutaaq niuernikkut atorneqarsinnaassaaq

Nunami erngup nukinganik nukissiorfiit ilisimaneqartut annersaat Qeqqata Kommuniani Sermersuumilu piviusunngortinneqarpata nunamut tamarmut pingaaruteqarluinnassaaq, ilaatigut nukissiornermut naalakkersuisoq Naaja H. Nathanielsen (IA) oqarpoq.

Naaja Nathanielsen: – Erngup nukinganik nukissiorfiit Kalaallit Nunaanni atugarissaarnermut nutaamik isertitsissutaalersinnaapput.
Saqqummersinneqarpoq

– Qilanaaraara erngup nukinganit nukissiorfinngorsinnaasunut anertuunut suliarinnissinnaasunik neqoroortitsinissap nangillugu suliarinissaa, Inuussutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisoq Naaja H. Nathanielsen tusagassiutitigut nalunaarummi qanittukkunni oqarpoq.

Naalakkersuisoqarfik naapertorlugu erngup nukinganik nukissiorfiit taakku marluk ukiumut 9.600 GWh-t sinnerlugit nukissiuuteqarsinnaappu, Kalaallit Nunaannilu erngup nukinganik nukissiorfiit ilisimaneqartut annersaattut taaneqarlutik.

– Qilanaaraara erngup nukinganit nukissiorfinngorsinnaasunut anertuunut suliarinnissinnaasunik neqoroortitsinissap nangillugu suliarinissaa, Inuussutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisoq Naaja H. Nathanielsen tusagassiutitigut nalunaarummi qanittukkunni oqarpoq.

Naalakkersuisoqarfik naapertorlugu erngup nukinganik nukissiorfiit taakku marluk ukiumut 9.600 GWh-t sinnerlugit nukissiuuteqarsinnaappu, Kalaallit Nunaannilu erngup nukinganik nukissiorfiit ilisimaneqartut annersaattut taaneqarlutik.

Taamaamat taakkua tunisassiarineqartalerpata tamanna nunatsinnut qanoq sunniuteqassanersoq Naalakkersuisoq aperaarput.

Suliniut piviusunngortinneqassappat nuna tamakkerlugu nunaqavissunullu pingaaruteqartupilussuussasoq Nathanielsenip oqaatigaa, nunamilu erngup nukinganik nukissiorfiit siullersaattut niuernermut iluaqutaassasoq erseqqissarlugu.

Aammattaaq suliniut tamanna — niueqatigiinnissamik siunniussineq — nutaaliornerujussuussaaq.

– Nunami maani aatsaat taamatut aallussisoqalernissaa naatsorsuutigaarput, taanna oqarpoq.

Maannamuugallartoq nukiup taassuma innaallagiamiit nukissiutinut allanut allanngortinneqartarnissaa nukissamilluunniit atuisupilussuarmik aluminiumik aatsitsivinngornissaa eqqarsaatigineqarpoq.

30 milliardit koruuninik aningaasaliisoqarnissaa naatsorsuutigineqartoq Namminersorlutik Oqartussat 2024-mi januaarimi tusagassiortunik katersortitsinermi nalunaarput.

Aningaasaqarneq

Asiaq naapertorlugu Tasersiaq ukiup ingerlanerani 820 megawattinik nukissiorsinnaavoq.

Assigiinngitsutigut aningaasaqarnikkut sunniuteqassaaq, Nathanielsen oqarpoq.

Ilaatigut pilersinneqarnerani, tassani nunami suliffeqarfiit sulisartullu sanaartornermi suliakkerneqarnertik iluaqutigissavaat.

Ingerlatsinermilu suliffiit ataavartut pilersuisunillu/najukkamilu suliffeqarfinnik isumaqatigiissutit aalaakkaasut pineqarput.

– Taamaammat imermik pilersuinermit akileraarutit, aatsitassarsiorfinni toqqaannartumik sulisunit imaluunniit suliffinni ataqatigiissunik suliaqartunit akileraarutit kiisalu inuussutissarsiornermut akileraarutit qaffanneqarnissaat naatsorsuutigaara.

– Sulili sukumiisumik oqaatigissallugu siusippallaarpoq, taamaammat siulittuinissara suliap ingerlasimalereerneranut utaqqissukkusuppara.

Assersuutigalugu suliniutit assigiinngitsut qanoq amerlatigisunik sulisussaqartinneqarnersut assigiinngilluinnartuusut, tamannalu naatsorsuinermi inuiaqatigiinnullu sunniuteqarnerannut sunniuteqartartoq, erseqqissarpaa.

Pissarsiassat annerulissasut

Tatsit Tasersiaq aamma Tarsartuup Tasersua, nunami erngup nukinganik nukissiorfiusinnaasut ilisimaneqartut annersaat, Qeqqata Kommunianiillutillu Kommuneqarfik Sermersuumiipput.

Namminersorlutik Oqartussat soqutiginnittunut paasissutissiissutigisaminni Tasersiaq 820 megawattit missaannik nukissiornissamut periarfissaqartoq, Tarsartuullu Tasersua 280 megawattit missaannik nukissiornissamut periarfissaqartoq paasissutissiipput. Tamanna naalakkersuisoqarfik sinnerlugu Asiamit nalilerneqarpoq.

 Tasersiaq ukiup ingerlanerani 950 megawattimik nukissiorsinnaasoq, Alcoallu taamanikkut 500 megawattimik naliliisimasut norskit suliffeqarfiutaata Statkraftip Greenland Investment Group sinnerlugu naatsorsorpaa.

– Inuussutissarsiornikkut suliniutit nutaat nunatta karsianut nutaanik isertitaqalersitsisut tamarmik uannut nutaarsiassatsialapput, Nathanielsen Sermitsiamut oqarpoq.

– Nunatta karsiata aningaasanik pissarsisarnera iluaqutaasarpoq, aammali aningaasat nunatta karsianit pissarsiarineqartut atorlugit inuunitsinni pisariaqartut akilerneqartartut eqqaamasariaqarparput.

– Aningaasallu akiligassatsinnut maannakkut atuuttunut siunissamilu akiligassatsinnut pisariaqartippagut.

– Innuttaasut atugarissaarnerulernissaq naatsorsuutigilluinnarpaat, tamannalu akisuvoq. Taamaammat inuussutissarsiornermik nutaamik pilersitsinissamut suliniuteqarnissaq uannut naalakkersuisoqarfinnullu pinngitsoorani pisussaaffiuvoq.

– Taamaammat aap, pissarsiassat annerulertussaassapput.

Attaveqaasersuutit pitsaanerusut

Ukiuni makkunani inuussutissarsiornikkut suliniutit ilarpassui inoqarfiit ungasissuanni ingerlanneqartarput. Taamaammat attaveqaasersuutit taakkununnga atortussat innuttaasunut toqqaannartumik iluaqutaavallaarneq ajorput.

– Suliniutigineqartulli inuttalersorneqartariaqarmata, najukkami attaveqaasersuutit pisariaqartinnerulerput, tamannalu piffissap ingerlanerani akulikinnerusunik tamatsinnullu angalanissamut periarfissanik amerlanerusunik tunngaviliissasoq ilimagaara.

– Taamaammat takornariartitsinerup, aatsitassarsiornerup, erngup nukinganik nukissiorfiliornerup niuernerullu iluani suliniutit allat nunap attaveqaasersorneranut pitsanngorsaataassapput.

Qaaqqusineq oqaloqatiginninnerlu

Naalakkersuisoqarfiup soqutiginnittut erngup nukinganik nukissiorfiit atorluarnissaannut periarfissanik takusinnaasaminnik aamma pisiortornissamut periarfissanik, kiisalu neqerooruteqartitsinermut atatillugu piumasaqaatinik oqaaseqaqqullugit maanna qinnuigai. Peqataanissamut qaaqqusissut naapertorlugu aggustip 22-ata tungaanut periarfissaqarput.

– Tamanna tunngavigalugu soqutiginninneq periarfissallu nalilersinnaavagut, Nathanielsen oqarpoq.

Naalakkersuisup pilersaarusiorneq pillugu ukiup aallartilaarnerani Naalakkersuisut isummerfigeqqullugit saqqummiussassaminik tuniumaarlugit naatsorsuutigaa, taamaalioreerpallu aatsaat naalakkersuisoqarfik suliamik ingerlatsisinnaassaaq.

– Suli suliassarpassuaqarpoq. Suliamulli isumalluarpunga, erngullu nukinganik nukissiorfiit soqutigineqarluarnerat malugisarpara, taanna Sermitsiamut oqarpoq.

Suliffeqarfiilli qassit peqataanersut suminngaanneernersullu oqaatigiumanngilaa.

Suliffeqarfiit qulit

Naalakkersuisoqarfiup suliniutit pillugit nunanit tamalaanit suliffeqarfiit qulit missaat oqaloqatigisimallugit 2024-mi januaarimi tusagassiortunik katersortitsinermi nalunaarpoq.

Suliffeqarfiit soqutiginnittut ukiup naanerani sisamaannanngortut taamanikkut nukissiornermut naalakkersuisuusimasoq Kalistat Lund naliliivoq. Tamannali pisimarpasinngilaq.

Greenland Investment Group Jørgen Wæver Johansenimik aamma Klavs Sefeld Møllerimit siuttuuffigineqartoq Tasersiap eqqaani nukissamik erngup nukinganik nukissiorfimmeerusmik aluminiumik aatsitsivimmi atuinissamik soqutiginnippoq, kisianni inaarutaasumik piukkunnarsartinnissamut peqataaniarlutik qinnuteqassanersut suli naluarput. Taamatuttaaq franskit innaallagissiorfiat Électricité de France (EDF) peqataaniarluni soqutiginnippoq, kisianni suli soqutiginninnersoq paasisimanngilarput.

Australiamiut nukissiuutinik ingerlatseqatigiiffiat Fortescue Kalaallit Nunaanni ingerlatseqatigiiffimmik pilersitsisimavoq, qallunaallu suliffeqarfiata Ørstedip Kalaallit Nunaanni erngup nukinganik nukissiorfissuit soqutigalugit siusissukkut nalunaaruteqarsimasup ingerlatseqataajunnaarluni kingusinnerusukkut nalunaarutigaa.

Suliffeqarfiit taakku tamarmik ammoniakimik, mingutsitsinngitsumik brintiliornermut atorneqartussamik, nukimmik tunisassiornissamut soqutiginninnertik siornatigut ersersissimavaat.

Franskit Australiamiullu suliffeqarfiutaat nukik ammoniakimut atorniarlugu suli soqutiginninnersut nalunarpoq, paasissutissiilluartullu naapertorlugit niuerneq nalorninartorujussuuvoq.

Aalajangersimasunik suliariumannittussarsiuussineq

Naalakkersuisut neqerooruteqarnissamut atortussat aatsaat 2026-p naanerani piareersinnaassallugit suliffeqarfiillu soqutiginnittut akornanni piukkunnarsaasoqarsinnaassallutik naatsorsuutigaat, tamatumalu kingorna suliffeqarfiit toqqarneqartut imermik suliniutinut marlunnut neqerooruteqaqquneqassapput.

– Piffissami aggersumi niueqatigiinnissaq siunniullugu selskabinik soqutiginnittunik oqaloqateqarnerit nangissavakka. Pinngortitap pissarititaanik atorluaanissaq pillugu selskabimik suleqateqalernissaq angisuumik pisussaaffiliivoq. Taamatut aalajangiinissaq siunissamut ungasinnerusumut pingaaruteqalersussaavoq. Neqerooruteqartitsinerup siunertaraa Kalaallit Nunaannut suleqatissaqqissumik nassaarnissaq taamalu aaqqiissutissamik najukkamut nunarsuatsinnullu iluaqutaasumik nassaarnissaq, Nathanielsen oqarpoq.

– Pinngortitap pissarititaanik atorluaanissaq pillugu selskabimik suleqateqalernissaq angisuumik pisussaaffiliivoq. Taamatut aalajangiinissaq siunissamut ungasinnerusumut pingaaruteqalersussaavoq. Neqerooruteqartitsinerup siunertaraa Kalaallit Nunaannut suleqatissaqqissumik nassaarnissaq taamalu aaqqiissutissamik najukkamut nunarsuatsinnullu iluaqutaasumik nassaarnissaq. Taamaattumik qaammatini tulliuttuni niueqatigiinnissaq siunniullugu oqaloqatigiinnissamut selskabinik soqutiginnittunik qaaqqusivunga, Nathanielsen tusagassiutitigut nalunaarummi oqarpoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
Pisigit

Sermitsiaq - E-aviisi

  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

AG - Atuagagdliutit E-aviisi

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq.gl-mi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

Sermitsiaq.AG+

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik iserfigisinnaalissavatit
  • Arnanut e-magasinatut atuarsinnaalissavat
  • Nutserisoq.gl atorsinnaanngussavat
  • Soqutiginnikkuit abonnement@sermitsiaq.gl-imut allagaqarsinnaavutit
Toqqaagit

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

Powered by Labrador CMS