Nukissiorfiit Kalaallit Nunaanni
nukissiornermi ullunut nutaanut piareersaleruttorput.
Utoqqarmiut
Kangerluarsunnguanni erngup nukinganik innaallagissiorfiup
allilernera
ukiumut tunisassiarineqartoq 255 gigawatt-tiiminit 660 gigawat-tiimit
missaannut marloriaat sinnerlugu annertusissavaa, tamannalu Nuummi
mingutsitsinngitsumik nukissiamik annertuumik
sinneqartoortoqartussaavoq.
Nukissiorfiit Kalaallit Nunaanni
nukissiornermi ullunut nutaanut piareersaleruttorput.
Utoqqarmiut
Kangerluarsunnguanni erngup nukinganik innaallagissiorfiup
allilernera
ukiumut tunisassiarineqartoq 255 gigawatt-tiiminit 660 gigawat-tiimit
missaannut marloriaat sinnerlugu annertusissavaa, tamannalu Nuummi
mingutsitsinngitsumik nukissiamik annertuumik
sinneqartoortoqartussaavoq.
- Allilerinissaq qilanaaraarput, pissanganartorujussuuvorlu, Nukissiorfinni nukissiornermut pisortaq Johan Danielsen oqarpoq.
Nukissiorfiit
suliffeqarfinnik qaaqqusilluni innaallagissap sinneqartoorutip qanoq
atorneqarsinnaaneranik workshopertitsiniartoq, tamannalu Nalik
Ventures, Sulisitsisut NunaGreenilu, erngup nukinganik
innaallagissiorfiup allilerneqarnissaani sanaartortitsisoq
suleqatigalugu pissasoq, taassuma nassuiaatigaa.
NUKISSIORFIIT
Pilersinneqarfia:
1990 (GTO-mit Nuna-Tekimut allanngortinneqarnerani malittaasutut,
1991-mi Nukissiorfinnik taaguuteqalersumi)
Piginnittoq:
Namminersorlutik Oqartussanit tamakkiisumik pigineqartutut
suliffeqarfik namminersortitaq
Sulisut:
Ulloq naallugu atorfiit 410-t missaat (2024)
Pilersuiffiit:
Innaallagissamik, imermik kiassarnermillu Kalaallit Nunatsinni
illoqarfinnik nunaqarfinnillu tamangajavinnik pilersuisoq
Erngup
nukinganik innaallagissiorfiit:
Nukissiorfiit tallimat (Utoqqarmiut Kangerluarsunnguat,
Qorlortorsuaq, Sisimiut, Ilulissat/Paakitsoq, Tasiilaq)
Nukissiaq
nungussinnaanngitsoq:
Kalaallit Nunaanni tunisassiap 70 procentiata missaa
mingutsitsinngitsumik nukissiameersuuvoq
Qullersaqarfik:
Nuuk
Naammassisinnaassutsimik
amikkittoornermit sinneqartoornermut
Utoqqarmiut
Kangerluarsunnguanni erngup nukinganik innaallagissiorfik 1993-p
kingornali Nuummut innaallagissamik pilersuisuuvoq. Maannakkut 45 MW
naammassinnissinnaassuseqarpoq, ukiumullu 255 gigawatt-tiimit
nukissiorfiup tunisassiarisinnaasaa illoqarfiup alliartornerani
killerpiaaniilersimavoq. Allilerinissamik pilersaarut 55 MW-nik
ilassusiisussaavoq, taamaalillunilu katillugit 660 gigawatt-tiimit
missaannik tunisassiorsinnaaneq qulakkeerneqassaaq.
–
Erngup nukinganik nukissiamik
sinneqartoorutta, taassuma isumatusaartumik atornissaa
pingaaruteqarpoq. Sinneqartoorut maangaannartinneqassanngilaq –
atorluarneqartussaavoq siuariarnermik suliffinnillu nutaanik
pilersitsisussaq, Johan Danielsen oqarpoq.
Workshopi
aqqutissiuussissaaq
Ulloq
22. oktober Nukissiorfiit Nalik Ventures, NunaGreen Sulisitsisullu
suleqatigalugit suliffeqarfinnik pisortanilu oqartussanik, tassani
Kommuneqarfik Sermersooq ilanngullugu Nuummi workshopertitsinissamut
qaaqqusivoq. Siunissami sinneqartoorutissat illoqarfiup
inuussutissarsiortullu nukittorsarneranni sumut
atorneqarsinnaaneranik suussusiinissaq siunertarineqarpoq.
–
Suliassaq kisitta
naammassisinnaanngilarput. Namminersorlutik inuussutissarsiortut
kommunillu ataatsimoorlutik sinneqartoorutip qanoq nalilinnik
pilersitsiviusinnaaneranik aallussinissaat pisariaqarpoq, Johan
Danielsen oqarpoq.
Periarfissani
illut suliffeqarfiillu innaallagissamik aqqusernerannit soorlu
datacenterinik nukissiamik atuisorujussuit ilanngullugit
ilaatinneqarput.
Nunap akisussaaffia
Naak
Nuummi sinneqartoorneq periarfissanik nutaanik ammaassigaluartoq,
taamaattoq Nukissiorfiit Kalaallit Nunarput tamakkerlugu
pisussaaffeqarnerat, Johan Danielsenip eqqaasitsissutigaa.
Nukissiorfiit illoqarfinnut nunaqarfinnullu tamangajavinnut
innaallagissamik, imermik kiassarnermillu pilersuisuupput, tassanilu
erngup nukinganik innaallagissiorfiit tallimat illoqarfinnik
arfinilinnik pilersuipput, sinnerilu suli innaallagissiuutinik
orsussamik ikummatilinnik pilersorneqarput.
–
Nunarput tamakkerlugu
pilersuinermik qulakkeerinninnissamik pisussaaffeqarpugut
peqatigisaanillu mingutsitsinngitsunut ikaarsaarneq
ingerlateqqittussaavarput. Nukissiuutit amerlasuut ukiuni qulikkaani
ingerlareerput, iluarsartuussinerlu nutarterinerlu nutaanik
aningaasaliinertulli pisariaqartigipput, nukissiornermi pisortaq
oqarpoq.
Nukissiornermi
pisortaq nutaaq
Johan
Danielsen Uummannami peroriartorpoq, ukiunilu 23-ni kingullerni
Nuummi najugaqarpoq. 2023-mi Nukissiorfini aningaasaqarnermut
pisortanngorpoq, ullorlu 1. januar 2025 nukissiornermut
pisortanngorpoq. Ilisimatusarfimmi allaffissornermik
aningaasarsiornermilu ilinniarsimavoq, naatsorsuuserinermilu
HDR-iulluni, Air Greenlandimillu, Tusassimit maannalu Nukissiorfinnit
misilittagaqarluni, sulinerminilu attaveqaateqarneq aallutaraa.
Oktobarip naanerani Nukissiorfiit suliffeqarfinnik Kommuneqarfik Sermersuumillu Nuummi workshoppertitsilluni katerititsissaaq. Siunissami innaallagissamik sinneqartoorutip illoqarfinnik inuussutissarsiortunillu nukittorsaanermut qanoq atorneqarsinnaaneranik siunnerfiliinissaq.
Assiliisoq: Oscar Scott Carl
Nukissiornermi
pisortatut Nukissiorfiit 2030-p tungaanut periusissiaanik, sisamanik
sukalimmik: pilersuinerup isumannaatsuunera, mingutsitsinngitsumut
ikaarsaarneq, pisariitsumik pilersuineq aaqqissuussaanermilu
periutsit piginnaanngorsaanermillu attassinissaq pisortatut
aallutissavaa.
–
Utoqqarmiut Kangerluarsunnguannit
sinneqartoorut periusissiami tassani pingaarutilimmik
inissisimaffeqassaaq, taanna oqarpoq.
Innaallagiaq
mingutsitsinngitsumeersoq siuarsaatitut
Ullumikkut
Kalaallit Nunatsinni nukissiap pilersinneqartup 70 procentiata missaa
nukissiamit nungussinnaanngitsumeersuuvoq.
Utoqqarmiullu Kangerluarsunnguata allileriffigineqarneratigut taanna
suli annertuseriassaaq, peqatigisaanillu sinneqartoorutip niuernermik
periarfissat nutaat ammaatissavai.
–
Nukissiaq aalaakkaasoq
mingutsitsinngitsumillu pilersitaq suliffeqarfinni
inuussutissarsiornermi periarfissanik nutaanik ammaassissaaq,
Johan Danielsen oqarpoq.
2032-mut
piareertut
Naak
naammassinnissinnaassuseq nutaaq aatsaat 2032-mi
atulerneqalersussaagaluartoq, taamaattoq sulineq maanna
allartereerpoq.
Oktobarimi
workshoppertitsineq suliami sivisuumi alloriarnerussaaq siulleq.
–
Innaallagissap sinneqartoorutip
qanoq atorneqarnissaanut pilersaarusiornissatsinnut 2032-inngornissaa
utaqqisinnaanngilarput.
Piareersarneq maannakkut pissaaq,
qangalilili aallartippugut, taamaammallu ullormit siullermit
naleqarnerulersitsinissamut piareersimavugut, Johan Danielsen
oqarpoq.
Utoqqarmiut
Kangerluarsunnguanni erngup nukinganik innaallagissiorfiup
allilerneqarnerani Kalaallit Nunaat ukiuni kingulliunerusuni aatsaat
taamak annertutigisumik aningaasaliissaaq. Nukissiorfinnut
nunatsinnilu namminersorlutik inuussutissarsiortunut
mingutsitsinngitsumik innaallagissiaq siuariartornermut
ineriartornermullu matuersaataasinnaavoq.
