Royal Greenlandip kilisaataa nutaanerpaaq Nuummi atserneqarpoq
Atsiineq ingerlatseqatigiiffiup umiarsuaataasa nutarterneqarnerisa naammassineratut aamma malunnartinneqarpoq, nutarterinerup 2019-imiit aallartinneqartup malitsigisaanik klisaataatit kilisaatinik nutaanik tallimanik ilaneqarput, Royal Greenland ilisimatitsivoq.
Ane Lynge, ukiuni 35-ni ingerlatseqatigiiffimmi suleqatasoq Royal Greenlandip kilisaataataanik nutaanerpaamik kuisivoq, kilisaallu atserneqarpoq "Kaassassuk".
Assiliisoq: Emil Stach
Royal Greenland-ip sisamanngornermi septembarip 25-ani ingerlatseqatigiiffiup kilitaasaataa nutaanerpaaq ,Kaassassuk, Nuup umiarsualiviani malunnartitsinertalimmik atserpaa.
Sila atoruminaalluinnaraluartoq inuit amerlasuut takkupput, taakkununnga ilaalluni Naalakkersuisut siulittaasuat, Jens-Frederik Nielsen.
Umiarsuup illersortigiligaa (gudmor) tassaavoq Ane Lynge, Royal Greenlandimi ukiuni 36-nngulersuni sulisuusoq.
Atsiineq ingerlatseqatigiiffiup kilisaataatiminik nutarterinermut pilersaarutaanut naggasiinerusoq aamma malunnartinneqarpoq, nutarterineq 2019-imiit aallartinneqarsimasup malitsigisaanik ingerlatseqatigiiffiup kilisaataatai kilisaatinik nutaanik tallimanik ilaneqarput.
Kaassassuk immap nillertup raajaanik aalisartinneqassaaq ukiumullu 10.000 tonsit tikillugit qaloorsinnaassavai.
- Kaassassuup aningaasaliiffigineqarnera umiarsuarmut aningaasaliineriuinnanngilaq, kisianni siunissatsinnut tamarmut aningaasaliineruvoq, Bodil Marie Damgaard, Royal Greenlandimi Executive Vice Presidentiusoq, malunnartitsinermi oqaaseqarnermini erseqqissaavoq.
Kilisaat Bilbaomi, Spaniami sananeqarpoq, inuttanullu 22-24-nut inissaqarluni.
