Siumup Sermersuumi periuserineqartumik taaneqartartoq 2021-imi upernaakkut isornartorsiorpaa, tassani Kommuneqarfik Sermersooq inissianut aningaasaliisartunut namminersortunut ukiunut 20-nut erniaqanngitsumik naafferartumillu akilersugassaqanngitsumik taarsigassarsititsilluni, kingornalu inissiat sananeqartut Nuummi niuerfimmi akit qaffasinnerpaat atorlugit attartortillugit.
– Inissianik iluanaarniapiluttartut nuannaaqaat, Siumup sumiiffimmi immikkoortuani siulittaasoq Inga Dóra G. Markussen ukiut pingasut affarlu matuma siornatigut kommunimi qineqqusaarnermi oqarpoq.
Siumup Sermersuumi periuserineqartumik taaneqartartoq 2021-imi upernaakkut isornartorsiorpaa, tassani Kommuneqarfik Sermersooq inissianut aningaasaliisartunut namminersortunut ukiunut 20-nut erniaqanngitsumik naafferartumillu akilersugassaqanngitsumik taarsigassarsititsilluni, kingornalu inissiat sananeqartut Nuummi niuerfimmi akit qaffasinnerpaat atorlugit attartortillugit.
PISARTAGAQARTUNUT
Allaaserisaq una Nutaarsiassaqartitsivimmi aviisit naqitat
ilaanni allaaserisaavoq.
Allaaserisat pisartagaqartunit taamaallaat atuarneqarsinnaapput.
Atuarluarna.
– Inissianik iluanaarniapiluttartut nuannaaqaat, Siumup sumiiffimmi immikkoortuani siulittaasoq Inga Dóra G. Markussen ukiut pingasut affarlu matuma siornatigut kommunimi qineqqusaarnermi oqarpoq.
Kalaallit Nunaanni kommuninik nakkutilliisut 2021-mi periuseq ilisimaneqartoq atorsinnaanngitsutut nalilerpaat, 2023-mil Ineqarnermut Attaveqaasersuutinullu Naalakkersuisoqarfiup piumasaraa Sermersuumi periuseq inatsisit atuuttut malillugit ingerlanneqassasoq.
Nuummi 2014-imiit 2018-imut inissianut ingerlatseqatigiiffinnut tallimanut pisortartigoortumik taarsigassarsinerupput, kommunillu iluarsaaqqinniarnermut atatillugu inissiat aningaasalernissaannut taarsigassarsinerit katillutik 125 million koruuniusut atorunnaarsippai erngerlugit akilerneqartussatut. (Paasisat takukkit: Attartornermut isumaqatigiissutit qulingiluat – inissianut taarsigassarsiat tallimat).
Ineqarnermut tapiissut isertuussaq 3.653 koruuni
Sermersuumi
periutsimi ineqarnermut akiliutit marluupput.
1) Ineqarnermut akiliut Kommuneqarfik Sermersuup inissianut
aningaasaliisartunut namminersortunut akiligaa.
Nuummi,
Nuussuarmi Qinngutsinnilu inissiat pillugit kommuni pigisanut
ingerlatseqatigiiffinnik inuussutissarsiornikkut attartornissamik qulingiluanik
isumaqatigiissuteqarsimavoq, tassani kommuni saniatigut ukiuni 20-ni
atuuttussamik erniaqanngitsunik naafferartumillu akilersugassaanngitsunik
inissialiornerup aningaasalersornissaanut taarsigassarsititsilluni.
Namminersorlutik
Oqartussanit kommunip piumaffigineqarnermigut pigisanut
ingerlatseqatigiiffinnut tallimanut 125 million koruuninik
taarsigassarsititsineq atorunnaarsippai. Inuussutissarsiornikkut
attartortitsineq inissialiornerup aningaasalernissaanik taarsigassarsianik
imaqartoq taamaatinneqartumi attartornerit 331 pineqarput.
Inissiat 331
kommunip niuerfimmi akit qaffasinnerpaat atorlugit attartugai
inissiaatileqatigiiffiup Iserit A/S-ip akikinnerusumik attartorteqqippai.
2) Ineqarnermut akiligassaq, attartortut
inissiaatileqatigiiffimmut Iserit A/S-imut akilertagaat.
Amigartoortoqalersarpoq kommunip kommunip
aningaasaliisartunut namminersortunut ineqarnermut akiliutaa Iserit A/S-imit
attartortut akiligaannit qaffasinnerugaangat. Kommunip karsiata nikingassut
22,7 millionit koruunit matussusertarpaa.
Pineqarputtaaq
Nuukullak 3 aamma 3E-mi attartortut 73-it.
Ineqarnermut
akiligassap assigiinngitssutaa kommunip Nuuk City Invest ApS-imut akilertagaa
ineqarnermullu akiligassap attartortut 73-it Iseritsimut akilertagaat 3,2
millionit koruuniuvoq. Amigartoorutaavoq kommunip karsiata matussusertagaa.
Taamaalillutik attartortut 73-it agguaqatigiissillugu ukiumut isertuussamik
ineqarnermut akiliummut 43.835 koruuninik taperneqartarput, imaluunniit
qaammammut 3,653 koruuninik.
Attartornermut isumaqatigiissutit qulingiluat – inissianut taarsigassarsiat tallimat
Kommuneqarfik
Sermersuup inissiat aningaasalersornissaannut taarsigassarsiat 125 millionit
koruunit atorunnaarsippai, pigisanut ingerlatseqatigiiffinnik tallimanik
inuussutissarsiornikkut attartornissamik isumaqatigiissutinik qulingiluanik
imaqartut:
Sarfaarsuit
ApS. - 67.510.740 koruunit
Manguaraq 35 +37
Nuuk City Invest ApS - 28.495.800 koruunit
Nuukullak 3 + 3E
Inu:IT Bolig A/S - 11.893.370 koruunit
Kissarneqqortuunnguaq 8
Sandy ApS - 9.861.600 koruunit
Inissianut ingerlatseqatigiiffiit tallimat kommunip piumasaqaataanut assigiinngilluinnartumik qisuariarput.
Nuuk City Invest ApS-ip kommunimik attartortitsinissamut isumaqatigiissut atorunnaarsippaa. Inu:it Bolig A/S attartornissamut isumaqatigiissut piumasaqaatitalimmik taamaatippaa. Sarfaarsuit ApS-ip kommuni eqqartuussivilersuuppaa. Shalmi A/S Ejendomsselskabet Sermersooq A/S-ilu inissiat aningaasalernissaannut taarsigassarsiat akilerpaat.
Inissialiornermut pisortanit taarsigassarsiaqanngippat nammineq aningaasaligassaq taamaaqataanik qaffassaaq, taava aningaasaqarneq imminut atajunnaassaaq. Kommuneqarfik Sermersooq piareersimavoq akilersuinerup unitsikkallarnissaa pillugu oqaloqatigiinnissamut, tassalu ingerlatseqatigiiffinnut pingasunut suli taarsigassarsianik utertitsisimanngitsunik 108 million koruuniusunik.
Atorunnaarsitsinermi peqqutaasut pingasut
Kommuneqarfik Sermersooq pigisanullu ingerlatseqatigiiffik Nuuk City Invest ApS Nuummi Nuukullak 3-mi 3E-milu inissiat 73-it pillugit attartornissamik isumaqatigiissusiorput, taannalu decembarip aallaqqaataata 2030-p tungaanut taamaatinneqarsinnaanngilaq,
Juulip naanerani pigisanut ingerlatseqatigiiffiup piginnittuata Jackie Lyngip attartornissamut isumaqatigiissut taamaatippaa qaammatinik pingasunik piffissaliilluni oktobarip 31-ani atorunnaartussamik, taamaatitsininilu pingasunik peqquteqartippaa, isumani naapertorlugu kommunip attartornissamut isumaqatigiissummik taamaatissimasoq.
Siullertut peqqutaavoq inissiat teknikkikkut uuttortarnerat , tassalu kvadratmeterit qassiunerat, taamaalillunilu ineqarnermut akiliutissap annertussusaa.
Peqqutaasut aappaani kommunip inissiat aningaasalersornissaannut taarsigassarsiat 28.495.800 koruuniusut taamaatinniarneqarput.
Kommunip tunngavilersuutigaa, ineqarnermut suliami inatsisit assigiinngitsut marluk pineqartut:
1) Nuuk City Investimik inuussutissarsiortunut attartortitsinissamut isumaqatigiissut attartornermut isumaqatigiissummut naapertuuttoq, kisianni 2) kommunip taarsigassarsinera inissianik aningaasalersuinissami inatsimmi piumasaqaatinut naapertuutinngitsoq.
– Uagut pisussaaffipput naammassivarput, taamaattumillu inissianut taarsigassarsiap akilerneqarnissaanik piumasaqarnitsigut attartornermut isumaqatigiissummik eqquutsitsinnginnermik oqalunneq eqqunngitsuunerarlutigu, kommunaldirektøri Ole Jakobsen Sermitsiamut oqarpoq.
Jackie Lyng isumaqarpoq inatsisit marluk taakku immikkoortinneqarsinnaanngitsut.
– Inissialiornermut taarsigassarsiaq ineqarnermut akiliutip naatsorsorneranut ilaavoq, kommunillu isumaqatigiissutip aappaa tassanngaannaq allanngortissinnaanngilaa aappaali allanngortinnagu, Jackie Lyng Sermitsiamut oqarpoq.
Pineqartut pingajoraa kommunip Nuuk City Investimik attartornissamik isumaqatigiissutaata kommunaldirektørimit Lars Møller-Sørensenimit kommuneingeniørimillu Hans Henrik Winther Johannsenimillu atsiorneqartup attuussinnaanera. (Qaffasissumik atorfillit taakku marluk juulimi 2021-mi kommuni qimappaat).
Kalaallit Nunaanni kommunit nakkutilliisoqarfiata juunip 2-ani 2021-mi maluginiaqquaa, ineqarnermut isumaqatigiissut naalakkersuinikkut aalajangerneqartussatut saqqummiunneqarsimanngitsoq. Kommunaldirektørip tullersortaata Marie Fleischerip tamanna ingerlatsivimmit kukkunertut taavaa innersuussutigalugulu kingornagut Aningaasaqarnermut Inuussutissarsiornermullu ataatsimiititaliap attartornissamut isumaqatigiissut tusaatissatut tigussagaa.
Sermitsiamit Aningaasaqarnermut Inuussutissarsiornermullu ataatsimiititaliamit juunip 10-ani 2021-mi ataatsimiinnermit imaqarniliaq atuarsimavarput, attartornissamut isumaqatisiissut immikkoortutut matoqqasutut suliarineqarluni. Ataatsimiititaliap aalajangiinera pillugu allassimavoq:
Innersuussineq tusaatissatut tiguneqarpoq.
