Usisaatip pequtinik assartuisarnera
aamma Usisaat Spedition Air & Ocean
pisisussarsereersut Usisaammi sulisut
sapaatip akunnerani kingullermi ilisimatinneqarput. Tunineqarnerup kingunerisaanik
sulisut nutaamik sulisitsisoqalissapput,
suliffiilli Kalaallit Nunaanniiginnarnissaat
qulakkeerneqarluni.
Edward aamma Niclas Niclasen, Nuuk
Transport A/S-imik, ilaatigut assartuinermik,
cafémik, aalisariutinik usingiaasunik anartaajaanermillu ingerlataqartoq, piginnittut
nutsernermi assartuinermilu ingerlatsinermik maanna suliaqalissapput.
PISARTAGAQARTUNUT
Allaaserisaq una Nutaarsiassaqartitsivimmi aviisit naqitat
ilaanni allaaserisaavoq.
Allaaserisat pisartagaqartunit taamaallaat atuarneqarsinnaapput.
Atuarluarna.
Usisaatip pequtinik assartuisarnera
aamma Usisaat Spedition Air & Ocean
pisisussarsereersut Usisaammi sulisut
sapaatip akunnerani kingullermi ilisimatinneqarput. Tunineqarnerup kingunerisaanik
sulisut nutaamik sulisitsisoqalissapput,
suliffiilli Kalaallit Nunaanniiginnarnissaat
qulakkeerneqarluni.
Edward aamma Niclas Niclasen, Nuuk
Transport A/S-imik, ilaatigut assartuinermik,
cafémik, aalisariutinik usingiaasunik anartaajaanermillu ingerlataqartoq, piginnittut
nutsernermi assartuinermilu ingerlatsinermik maanna suliaqalissapput.
Suliffeqarfittut namminersortutut
ingerlaannartoq
Edward aamma Niclas Niclasen Usisaatip
pequtinik assartuisarfia aamma Spedition
Air & Ocean suliffeqarfittut namminersortutut ingerlanniassagamikku pisiarissavaat.
Kattunnertut pisoqassanngilaq, pisinerli
atuisunut unammilleqatigiinnermullu
aqutsisoqarfimmit akuerineqaqqaartussaavoq. Qaammatialuit ingerlaneranni akuerineqarnissaa naatsorsuutigineqarpoq.
Usisaatip pisortaanera Kenneth Jahn Andersen sulisunut mailikkut allagaa Sermitsiap pissarsiarisimasaani ima allassimavoq:
»Nuannaarutigalugu nalunaarutigisinnaavara suliffeqarfiit Usisaatip pequtinik assartuisarfia aamma Usisaat Spedition Air &
Ocean Nuuk Transport A/S-ip piginnittuinut
tunineqarmat. Usisaatip ingerlateqqinneqarluarnisaa sulisuvut pitsaasut peqatigalugit
uannut pingaaruteqarluinnarpoq. Tamanna aamma isumaqarpoq Usisaammi ilissi
sulisarnissitut ingerlaannassasusi. Tassa
Usisaatip pequtinik assartuisarfia aamma
Usisaat Spedition Air & Ocean suliffeqarfittut namminersortutut ingerlaannassasut,
naak allanik piginnittoqalissagaluarluta.
Ulluinnarni inuunerput allanngornavianngilaq. Suliffigisassinni atugassarititaasut
aamma suli atuupput. Assersuutigalugu
SIK-mi sulisuuguit atugassarititaasut tassani
atuutiinnassapput. Isumaqatigiissutillu
sinneri aamma taamaapput.«
Sulisut ataatsimiinnerat
Piginnittut nutaat sapaatip-akunnerata
ingerlanerani sulisunik ataatsimiitsitsinissamut peqataassasut, tassanilu sulisut ilassinninnissamut periarfissaqassasut Sermitsiap
paasivaa.
Usisaatip pequtinik assartuisarfiata
aamma Usisaat Spedition Air & Oceanip
tunineqarnerat tupaallannanngilaq. Usisaat
ukiuni kingullerni Qeqertanut nuunnermi
kingorna aningaasatigut ajornartorsiuteqarpoq, pisortarlu arlaleriarluni taarserneqartarsimalluni.
Suliffeqarfiup killissani tikileraa Usisaammik pilersitsisup Hans Gerstrømip Sermitsiamut maajip aallartinnerani oqaatigereernikuuaa – suliffeqarfillu tuniniarneqassasoq.
Suliffeqarfik Usisaat tuniniarneqaraluartoq, suliffeqarfimmik pilersitsisup Hans
Gerstrømip suliffissaaleqinissani annilaanngatiginngilaa.
– Naammattumik sammisassaqarpunga.
Naatsiiverujussuaqarpunga, sermersuup
aanneranit qajuusaasanik suliniut soqutigivara Qoornumilu nuannersumik aasarsiortarfeqarluta. Ajorunnanngilaq, Hans
Gerstrøm oqarpoq.
Oqaluttuarisaanera sivisooq
Usisaatip oqaluttuarisaanera 1982-imi aallartippoq, aappariit Akisooq Poulsen aamma
Hans Gerstrøm Ilulissani suliffeqarfimmik
pilersitsimmata.
Usisaat 1991-imiilli Nuummi qullersaqarfeqarsimavoq. 100-nit amerlanerusunik
sulisulik, Ilulissani, Aasianni, Narsami
Qaqortumilu allaffeqarpoq pequtinik nutserinermik, quersuarniittunik, silaannakkut
assartuinermit, assartuinermit allanillu
neqerooruteqartarluni.
Usisaat aallaqqaammut ilaqutariit, Hans
Gerstrøm siuttoralugu, suliffeqarfiutaatigaat. 2017-imi kinguaariit nikinneranni
Nalik Capital aamma Danmarks Eksport og
Investeringsfond piginneqataalerput – 2020-
milu soraarnerussutisiassanut aningaasaateqarfik Sisa ilanngunneqarluni piginnittut
amerlineqarput.
Nutserinerup assartuinerup saniatigut
Usisaat aamma sannaveqarpoq ullumikkullu Volvo-mik, Man-imik Manitou-millu
sanaartornermi maskiinanik Kalaallit Nunaanni tuniniaasarluni.