Aalup dunumiid oraasiad dammatsaalingusuppaad:
– Ugiid eerdanernganni kilaamiusuinnar oralivalernitsar ernumanarpor

Adolf Qeqe Kristiansen Aalu Dasiilar ugiatsarder naapikkaddingid ulappulitsaalernginngilar. Oralivaraliinernga aaddardingudduddor umiatsiardaaja qarinnerarditsanngermad oralivaralingiinnerpud uniddeqqaarngaddarparpud.

Initsiddarngaarmad oralivaralingiinnerpud kiisami aaddardeqqitsinnaanngorparpud. Aalu innardiilerardini tsulinermii tsaniasingid ulappulitsarardarpor. Daakkuvad ilaavaad dunumiid oraasiala dammatsaalinitsaad anginiardungu peralingiippi nulaar ugeer aaddardilardi.

- Daanna peralingiippiliarpud alerarpor “Tsaqqardiid Oraasiad”, Aalu tsiuliddaasor orarpor.

Dunumiid oraaser “Dunu” – Aalup oralidduarnernga maliddungu – nammeer oraasiliaannginnamikki “Tsaqqardiid Oraasiad” alerneratsaler orniinarniilippaa.

Aalup oralivaraliinerarnernga Podcastimi dusarnaartsinnaavad. Oraatsid dammatsaalinitsaad tsoor pingaardinnerdungu, aamma qaniiserdili dammatsaalinerarnitsaanni tsuliniilerarnerdi daddani ilaasingid eqqarderpaa. Aalup oralivaraliinerarnerngani oraatsini alerpaad.

Ordbogi franskid tsuleraliiddungud tsuliaavaa

Aalup dunumiid oraasiad dammatsaalinerarnitsaad aatsaad tsuliniilerarpiilinngilaa. Daamaaddini paasilerpaa fransker iisimaloor Pierre Robbe, dunumiid oraasianni kalertsiviler. Pierre Robbe Dunumud 1958-imi digeqqaarpor, oraatsiniddi kalertsinini 1971-imi aaddardiddungu. Kiisinniilukkud, dadda 2004-mi Aalu kalertsivinermud ilannguppor.

- Pingaardippaa iivid ardaranngitsid oraatsid alermaddi nuutsanngitsid, oraatsiddi puiinginnarneratsanngitsid.

Aalu oralivaraliingusupparpud Pierre Robbe tsianerpor, aanamadda franskiingalivardini dunumiisuinnar Aalu oralivaraliivaa.

- Malinnardarpor oralivaraliiddungu tsoordu qanga mertserdiingadda qanganitsad oralivardaasianni oralivarder, Aalu orarpor.

Ordbogip daadduma tsuliaanerngani Aalu Frankrigimugaddaardarpor, ilaanni qaammad aaddartsimalarpor. Oraatsid alaasiakkaad natsuiaaseerdarnerngad ilanngiddunu ilaanni A4-d qupperniid mardid oraatsimud alaatsimud alerdardungud natsuiaavor. Naa ugeerpaddivagajiid tsuliaangalivardungu tsuli inernaartsaarngaad.

- Tsuli uumangaddardiddula kitsarpuud tsaqqimmerditsaddungu, Aalu quujudduni orarpor.

Oraatsijud aguernginiartsii

Peralingiippi aaddardilaad ulerpeerngaardungu. Dunumiid oraasiad immikkid aguernginitsaad addaddaaseralernitsaaddi peralingiippiip angingusulaani ilaavor.

- Atsertsuuliiddungu mertserdid, mertserdid alivarpianni alivardud ilikkarniaajarnginid malerpaddivagajiid aqqusaaqqaardaajarardarpaad. Aanamadda pitsusijud addardivinnaad, Aalu orarpor.

Mertserdid kilaamiusud alivakkad alerdungud ilinniardinnerardarpud, oraatsimid tsaniasingid kilaamiusud oraatsiniddi addani ilinniaajalerngaarngamid ardertsardarpud Aalu tsoornasingid alivarpimmi tsulisimaler oralidduaavaa.

- Ilinniangatsani addani ilikkarnitsar tsukkanngikkaajuularpor.

Mertserdid oraatsili alerdungud oralivarnerminni paasilararniidduliddi paasinerarniidduli misiilardid atsertsuuliivaa. Palasi tsuaarninngoqqamilip James Ignatiussenip dunumiilud juuddiaqqami naalangiarditsinermii oraluutsinernga atsertsuuliivaa.

- Juuddiaqqami oraatsijud alerdungud oraluutsimmad damarmi dusarnaarpud paasinardimi oralivaajarmad. Nipiliordoranngilar, dusarnaarpaad eqqitsidduli. Paasisinnaalaminni oralivaajarmad. Daaminna pingaarngulerardiippud oraatsijud, Aalu oralidduarpor.

Ordbogiliar naammatsiiarpad oraatsilud agiverngisaalernitsaad anginiardungu Naalakkertsuisuni tsiunnertsuuleratsamaardili Aalup oralidduaavaa.

- Tsiunnertsuulerangusuppuud : “Uguad nakkueralisi iivid aguernginiartsii immikkid oraaserarpud. Immikkid addatsinnaappud”, Aalu orarpor.

Dunumiid oraasiad aamma addanngiarderpud

Kilaamiusud oraatsid addamiid oraasianni aguungaadduliddi oraatsid nulaad pippitsap eerdanerngani alerneralerdardid dusardivaannarparpud. Qanganisalaanngerdud inuusunniiluni naqqiilakkaajunngorpud. Dunumiisuddaar oraatsi aamma addanngiarderpud.

- Immimiddinni tsoorngunami naqqiddarpuud Facebook aqquliiddungu, Aalu orarpor.

Dunumiid oraasiala addanngiardernerngad piddungu oraatsid dammatsaalineratsappala peralingiipimminngaaniid iliuuserardaajaratsadduli Aalu orarpor.

- Kulturiddinni alivilid atsertsuuliiddungu inngerdardid, uaajeerdardid, divalardid, oralidduardardid, daakkuvad aqquliiddungud tsuuvartsaaralaatsavuud, Aalu orarpor.

Ileqqid ilanngiddungud dammatsaaliinitsar daamaaleernitsamud tsiunerdaavor. Dunumiid oraasiad kilaamiuninngaaniid aamma tsunnernerartsimaraad. Nunap atsinga qiviarngaanni oraatsini kilaamiisud dunumiisud oraasiinngitsini naddaardarpud.

- Kilaamiud oraasiinngisaad uangiddi oraasiinngisavud. Naritsimalarpud ippinnardimi. Damakkivad aamma iluartsiniarditsaavarpud. Tsiunnertsuulerarditsaavuud, Aalu orarpor.

Kilaamiusuunnar oralivarderaqqaardaannaleraar

Dunumiid oraasiala addanngiardernerngad kilaamiuddu oraasianni agunerarngaliddivinnarnerngad peqquliiddungu dammatsaaleeralaanitsar pilaajaravidder Aalup ertseqqitsarpaa.

- Dammatsaaliianngikkiddingid ilanginnaannardungud tsoorngunami tsukkakkaajummi oraatsid atsingiitsiardivinnarditsaappud, ugiid eerdanernganni kilaamiisuinnar oralivalernitsar ernumanarpor.

Raadiukkud addalingiddi kilaamiuloorduni dusarnaardarnerminni kilaamiud oraasiad addanngiardernerngad dunumiid oraasianni tsaniddiiddungu addaaniilor Aalup malingisinnaavaa.

- Uangid oraatsijud tsukkakkaajudduagajimmi addanngiarderpud, kilaamiid oraasianni aguuviniddingid oraatsini nulaani pilerditsilarpuud. Aalu orarpor atsertsuulerardinili.

- Tsoordu mertserdid kamaatsimaajarngini oraditsaangalivarpud: Ulunaraar.

Damaddakkid orardarpud: Erianaraar.

Daaddad aamma aqquliinerartsinnaappud

“Diisar, diisar, diisar, diisarnaar” alivaannardungu erinartsortsinnaarngiarngikki kia daddani erinartsornertser eqqartsaaliisinnaatsavad. Erinartsordor daddaavor Aalu. Erinartsukkami daadduminnga addanili dunumiisoorduni erinartsordalernitsap nalinginnaalernitsaani aqqud dagijor. 1970-ikkunnimi dunumiisud daaddani dusardaleqqaarngamid ippiilartsimaddungud oralidduarpor.

- Uangid oraatsijud alerdungud erinartsuulerannginnadda ippinnaqqaarngalivarpor. Ugiiddi eerdanernganni tsuviiddijardivaardungu damaddakkid daaddeerdarpuud uangid oraatsijud alerdungud, Aalu orarpor.

Oraatsid dammatsaalineratsappala daaddad erinartsungatsaddi aqqulitsaaddivartsinnaappud Aalup qularnginngilaa.

Dunumiilud inngerdid tsuviidisimangalivardungud nipilertsukkad erinartsukkad dusaalaleqqaardungud dudduardinnangid quujunnardartsimappud.

- Ilaanni daaddad alianarngalivid, uangid oraatsijud alerdungud daaddiad dusaqqaardungud quujuuliilartsimangalivarparpud, Aalu quujudduni orarpor.