Namminersorlutik
Oqartussat piginnittutut aamma inissiaatileqatigiiffiup A/S Inip attartortitsisutut Nuummi Blok 5-imi inissiarsuup isuani qalipakkanik
kusanartunik, inissiarsuup silataani aserfallatsaaliinermut atatillugu peerneqartumut,
siunissami qanoq pisoqassanersoq suli aalajangiunneqanngilaq.
Eqqumiitsuliortoq
qalipakkamik suliaqartoq, Australiamiu Guido van Helten, Sermitsiamut oqaraluarpoq,
2014-imi qalipakkami kusanartup qalipaqqinnissaanut atatillugu Nuummukaqqikkusussinnaalluni.
Qapipagaq tassaalluni Tunumiu piniartoq Poonojorteq, taannalu inuiaqatigiit
nagguiinik ineriartornerannillu misissuisup, lisimatuup William Thalbitzerip
1906-imi Tasiilami assilisaralugu. Inissiarsuup isua maanna
qalipanneqaqqammerpoq, qaqqorimmik, allamillu soqarani.
Namminersorlutik
Oqartussat piginnittutut aamma inissiaatileqatigiiffiup A/S Inip attartortitsisutut Nuummi Blok 5-imi inissiarsuup isuani qalipakkanik
kusanartunik, inissiarsuup silataani aserfallatsaaliinermut atatillugu peerneqartumut,
siunissami qanoq pisoqassanersoq suli aalajangiunneqanngilaq.
Eqqumiitsuliortoq
qalipakkamik suliaqartoq, Australiamiu Guido van Helten, Sermitsiamut oqaraluarpoq,
2014-imi qalipakkami kusanartup qalipaqqinnissaanut atatillugu Nuummukaqqikkusussinnaalluni.
Qapipagaq tassaalluni Tunumiu piniartoq Poonojorteq, taannalu inuiaqatigiit
nagguiinik ineriartornerannillu misissuisup, lisimatuup William Thalbitzerip
1906-imi Tasiilami assilisaralugu. Inissiarsuup isua maanna
qalipanneqaqqammerpoq, qaqqorimmik, allamillu soqarani.
Taamaalilluni
qalipaqqinnissaanut akissaqarnissaq utoqqatsissutaaginnalerluni.
Inissiarsuup isua
qalipaaffigineqassaaq – imaluunniit qalipaaffigineqassanngilaq. Inuit Ataqatigiinneersup Peter Olsenip Inatsisartut ukiakkut ataatsimiinneranni
siunnersuutiginiarpaa, Namminersorlutik Oqartussat kommunillu sanaartornermut
aningaasartuutaasa procentiat ataaseq sanaartuukanut toqqakkanut kusassaanermut
atorneqartassasut. Peter Olsenip aningaasat qanoq amerlatigissanersut naatsorsorsimavai.
Namminersorlutik
Oqartussat 2024-mi sanaartornernut aningaasaliissutaat 359 millionit
koruuniupput kommunillu sanaartukkanut immikkut ittunut soorlu kulturimut,
ilinniartitaanermut aamma atuarfiliornernut aningaasaliissutaat 91 millionit
koruuniullutik. Taakku katillugit 450 millionit koruuniupput, taakkulu
procentiat ataaseq 4,5 millionit koruuniullutik.
- Nunatsinni
anersaakkut pisuunerulersinneqassagutta, eqqumiitsuliortortavut
atorluarnerulertariaqarpavut, Peter Olsen ilaatigut taama tunngavilersuivoq.
Siunnersuut oktobarip 23-anni siullermeerlugu oqaluuserineqassaaq.
Kimiup
siunnersuut tapersersorpaa
Eqqumiitsuliortut
peqatigiiffianni Kimimmi siulittaasup, marriortup Kristine Spore Kreutzmannip,
siunnersuut, siornatigut Inatsisartuni oqallisigineqartarsimasoq,
iluatsinngitsumilli, nuannaarutigaa. – Pisortat sanaartugaannut eqqumiitsulianik pinnersaanermik akuutitsiniarneq
ajornakusoorpoq, Kristine Spore Kreutzmann Sermitsiamut oqarpoq.
Tamanna eqqumiitsuliornermut kulturimullu akerliunermik pissuteqarnavianngilaq,
immaqali ileqqutoqqanik ingerlatsiniaannarnermik aningaasaqarnikkullu
aqutsinermik pissuteqarluni.
– Inuiaqatigiilli
piitsuupput, sumiiffinnilu ulluinnarni inuppassuit ornittagaanni
eqqumiitsuliornermut kulturimullu akissaqanngilagut. Aningaasat kisimik pineqarpata
aningaasaateqarfiit arlallit Namminersorlutik Oqartussanit kommuninillu qinnuteqarfigineqarsinnaapput,
Kristine Spore Kreutzmann oqarpoq. Nuummi sanaartornerit angisuut arlallit piffissami matumani naammassineqalerput,
timmisartoqarfiup illorsuartaanik atuarfimmillu sanaartornermi, iluatungaasa
pinnersarnissaannut kalaallit eqqumiitsuliortut peqataatinneqarnissaat
eqqarsaatigineqarsimanngilaq.
- Naak
sanaartukkani angisuuni taakkunani angalasorpassuit meerarpassuillu
taakkunaniittussaagaluartut, Kristine Spore Kreutzmann oqarpoq.
