Imarisassat attuumassuteqartut
Qaqortup Mittarfiani aqutsisoq: Ulloq pingaaruteqartoq
Kujataanut ulloq pingaaruteqarluinnarpoq, minnerunngitsumik Bo Olsenimut.
Taanna Qaqortup mittarfiani siornali aqutsisunngorpoq.
– Sisimiut mittarfiata ammarneqarneranut aamma peqataanikuuvunga, uannullu isumaqarluinnarpoq Qaqortumi sullarilluinnartut peqatigalugit ammaanersiornissap tungaanut sulisimanerput maanna inerneqarmat, Bo Olsen oqarpoq.
Nangippoq:
– Ulaperulukkunnaaratta ulloq aamma ajunngilluinnarpoq. Arlallit aperipput taava kinguaattoortarunnaassanersugut. Maannali angusassarput anguvarput, tassa ammarneqarpoq, taava ulluinnaat tullinnguutissapput, tassanilu mittarfiup pitsaanerulertuarnissaa sulissutigissavarput.
Assi: Oscar Scott Carl Innuttaasut nuannaartut: Aqqutit ajornannginnerulerput
Kirsten Nielsen Qaqortumi ukiuni 70-ini najugaqarsimavoq. Taassuma nuannaarutigilluinnarpaa illoqarfik suluusalinnut mittarfeqalernera.
- Pingaaruteqarluinnarpoq. Nuummiit Qaqortumut, Narsarsuarmi unnueqqaanngikkaluarluni, angalasoqarsinnaalerpoq. Islandikkut angalallunga kiattunukarsinnaalernissara qilanaaraara, oqaluttuarpoq.
Kirsten Nielsen Qaqortumi ukiuni 70-ini najugaqarsimavoq. Foto: Oscar Scott Carl Sofus Davidsenip mittarfiup eqqaani qaqqamit timmisartoq siulleq mittoq tulluusimaarluinnarluni malinnaavigisimavaa:
- Ernera ullumi Marshaliuvoq, timmisartullu minnissaa isumagaa. Tulluusimaarutigeqaara.
Sofus Davidsen tulluusimaarluinnarpoq. Foto: Oscar Scott Carl Air Greenland tunissuteqarpoq: Tissaluttuliaq katersuuffittut takussutissaavoq
Air Greenlandip mittarfimmut tunissutaa tassaavoq tissaluttuliaq. Tissaluttuliaq Qaqortup 1932-mili ilisarnaatigilluarpaa. Maannalu tissaluttuliaq mikininngorlugu sanaaq mittarfimmi aamma ilisarnaataalerpoq.
Tissaluttuliap ilisarnaatigilluagaa tassaavoq illoqarfiup qeqqani katersuuffittut atorneqartarnera.
Air Greenlandip attaveqatigiinnermut pisortaata Inga Dora G. Markussen aamma niuernermi pisortaata Chris Shern tunniussinermi tamanna oqaatigaat.
Tissaluttuliaaraq Anda Peter Egedemit sananeqarsimavoq.
Air Greenlandip mittarfittaamut tunissutaa. Foto: Morten Okkels 
Tissaluttuliaaraq mittarfimmut tunniunneqarpoq. Foto: Morten Okkels Timmisartoq siulleq Qaqortumiit qangattarpoq
Qaqortup Mittarfianit timmisartoq siulleq nal. 10.39 aallarpoq, taamaalillunilu Qaqortup Nuullu akornanni timmisartuussinerit ammaanersiornermi angallassissutigineqartut siulliit naammassipput.
Qaqortup Mittarfianit timmisartoq siulleq sisamanngornerup ullaap tungaani qangattarpoq. Foto: Oscar Scott Carl Mittarfimmi nuannattoqarpoq
Mittarfimmi ullaap nuannattunnguaqarpoq. Qitittoqarpoq, erinarsortoqarpoq hurraartuuttoqarlunilu.
Mittarfiup ammaanersiorneqarnerani erinarsortoqarlunilu qitittoqarpoq. Foto: Oscar Scott Carl 
Qaqortup Mittarfiata ammaanersiorneqarneranit. Foto: Oscar Scott Carl 
Erinarsoqatigiit ammaanersiornermi tusarnaartitsipput. Foto: Oscar Scott Carl Qaqortumiit timmisartoq aallartussaq siulleq piareersarneqarpoq
Qaqortup Mittarfianit aallartussat siulliit nal. 10.00 missaani ikiartoqquneqarput.
Timmisartoq pilersaarutit malillugit nal. 10.30 aallassaaq. Nal. 10.20 ikiartortussat kingulliit ikiartorput.
Mittarfik pisortatigoortumik ammarneqarpoq
Qaqortumi Mittarfik ammarlugu nukappiaqqap allunaasaq nal. 09.40 kipivaa.
Nukappiaraq Sulunnguaq Raaschou, aqqanilinnik ukiulik, kørestolerpoq, taassumallu sanianiipput borgmester Malene Vahl Rasmussen aamma kommunalbestyrelsemi ilaasortaq Simon Simonsen.
Borgmester Malene Vahl Rasmussen, Sulunnguaq Raaschoulu ammaanersiornermi qiorsisuusoq. Foto: Oscar Scott Carl 
Mittarfik ammarneqarpoq. Foto: Oscar Scott Carl Politikerit eqitaarneqarlutik tikilluaqquneqarput
Naalakkersuisut Siulittaasuat, Jens-Frederik Nielsen (D), aamma Inatsisartuni siulittaasoq, Kim Kielsen (attaviitsoq), mittarfimmut tikeqqaartunut ilaapput.
Qaqortumut timmisartumi siullermi taakku ilaapput.
Kim Kielsen og Jens-Frederik Nielsen modtages med kram i den nye lufthavn. Foto: Morten Okkels Timmisartoq siulleq Qaqortumut tikippoq
Timmisartoq siulleq ilaasoqarluni Qaqortumut tikimmat nuannannersuaqarpoq. Illoqarfiup mittarfeqalernera ullumi sisamanngornermi nalliuttorsiutigineqassaaq.
Ilaasut, sulisut takunninniartullu erfalasulisaartut tikittut iserfissaanni nuannapput. Timmisartoq siulleq ilaasoqarluni Qaqortumut mippoq.
Air Greenlandip timmisartuutaa Dash-8 Nuummeersoq Qaqortup mittarfianut nutaamut 1.500 miiterisut takitigisumut nal. 09.03 mippoq.
Timmisartumi ilaapput pisortatigoortumik qaaqqusat innuttaasullu angalasut. Qaqortumut tikittooqqaarneq timmisartuussinermi oqaluttuarisaanermut ilannguppoq.
Mittarfimmi ullaap tungaani persuarsiortoqassaaq, qullermillu ikitsisoqassalluni. Oqalugiartoqassaaq tunissutinillu tunniussisoqassalluni. Air Greenland tunissuteqartuussaaq.
Qatserisartut aamma piareersimapput
Qaqortumi mittarfiup ammarnissaanut qatserisartut aamma piareersimapput. Taakku ajutoortoqassagaluarpat sillimasuusussaapput.
Qaqortumi mittarfissami qatserisartut aamma piareersimapput. Foto: Oscar Scott Carl Pissanganeq - Timmisartoq siulleq aallareerpoq
Qaqortumi mittarfimmi pissamaartoqarpoq, sulisullu innuttaasullu timmisartup siulliup tikinnissaanut piareersaleruttorput.
Meeqqat erfalasunik tigummiarput, sulisullu tikittoqarnissaanut piareersarneranni Greenland Airports ullaakkorsiortitsivoq.
Nuummiit timmisartoq qangattareerpoq, ilaasullu tassaapput politikkimi inuussutissarsiornermilu suliaqartut kiisalu innuttaasut angalasut.
Naatsorsuutigineqarpoq Naalakkersuisut Siulittaasuat Jens-Frederik Nielsen (D) tikereernermi oqalugiassasoq. Borgmester Malene Vahl Rasmussen (D) aamma oqalugiassaaq, Greenland Airportsimiik Air Greenlandimiillu, tunissummik nassartumik, aamma oqalugiartoqassaaq.
Mittarfimmi ullorsiortoqaannassanngilaq, aammali innuttaasut kaffillerfigineqassapput unnugulu qaaqqusaasut nerersuartinneqassallutik.