Naalungiarsuk arnaaniit peerneqarmat Nuummi GUX-imi ilinniartut akerliussutsimik takutitsiniarput
Nuummi GUX-imi ilinniartut sisamanngorpat akerliussutsimik takutitsinissamik pilersaaruteqarput, tamannalu pivoq 18-inik ukiullip Ivana Nikoline Brønlundip paniata inoorlaap inunngornermi kingorna nalunaaquttap akunnera ataaseq qaangiuttoq pinngitsaalineqarluni peersitaaneranut atatillugu.
Assi: Leiff Josefsen
Naalungiaq alla Danmarkimi inunngornermi kingorna nalunaaquttap-akunnera ataaseq qaangiummat arnamit kalaallimit 18-inik ukiulimmit peerneqarpoq.
Tamanna akuerineqarsinnaanngitsiq, Nuummi GUX-imi ilinniartut isumaqarput.
Akerliussutsimik takutitsinissamik aaqqissuisut naapertorlugit oqartussat isumaqarmata anaanaasoq „qallunaajummat“ – naak kalaaliullunilu Kalaallit Nunaanni ilaqutaqaraluartoq, meeraq arnanimit peerneqarpoq. Taamatut Facebookimi allassimavoq, tassanilu ilinniarnertuunngorniartut pisussamik aaqqissuussipput.
Ilinniartut sisamanngorpat ualikkut nal. 15.30-mit akerliussutsimik takutitsissapput.
Aaqqissuisut aamma tikkuarpaat suliaq akuersissuteqarani iliuuseqartitsinissamik aalajangiinertut (FKU) suliarineqarsimasoq, qallunaat inatsisaat L139 atuutilertinnagu.
- Tamanna naapertuilluanngitsuliorneruvoq. Tamanna akuerineqarsinnaanngilaq, aaqqissuisut Facebookimi allapput.
Akerliussutsimik takutitsinissaq Nuummi GUX-imi ilinniarnertuunngorniartunit aaqqissuussaavoq.
- Naapertuilluarneq, meeqqat toqqissisimanissaat kalaallillu ilaqutariit ataqqineqarnissaat piumasaraarput.
