NAAMMAQAAQ!: Trumpip nunarput pillugu oqaaseqaqattaarneranut akerliussutsimik takutitsisoqalerpoq
USA-p præsidentiata Donald Trumpip Kalaallit Nunaannik tiguaaniarluni oqariartuuteqartuarnera akerleralugu Nuummi arfininngornermi marsip 14-ianni eqqissisimasumik akerliussutsimik takutitsinissamut piareersartoqarpoq.
Nutartigaq: Sisimiuni innuttaasut aamma akerliussutsimik takutitsiniarput. Kulturip illorsuata, Taseraliup eqqaanit nal. 13.00 aallartissapput.
Akerliussutsimik takutitsinermi, Orla Joelsenimit aaqqissuunneqartumi, arfininngornermi marsip 15-ianni nal. 13.00 Amisuniit aallartoqassaaq USA-llu Nuummi konsulateqarfiata tungaanut ingerlaartoqassalluni.
- Naammaleqaaq!, Orla Joelsen Facebookimi allappoq. Taassuma Trumpip marsip aqqaneq-aappaanni nunatsinnik tiguaanissamik oqaaseqarneranut innersuussivoq.
USA'p præsidentia, Donald Trump sisamanngornermi oqaatigaa upperalugu Kalaallit Nunaat tiguarnissaanut iluatsissasoq. Tamanna tunngavigalugu nunatsinni partiit siuttut tallimanngornermi ataatsimiipput, Naalakkersisut siulittaasuugallartup, Mùte B. Egedep iliuuseqaqqunera malillugu.
Erfalasoq nassaruk
Aaqqissuussisoq ajornanngippat erfalasunik nassaqqusivoq, oqariartuut takutinniarlugu. Akerliussutsimik takutitsineq eqqissisimasumik pissaaq:
Ifølge arrangøren opfordres deltagerne til at medbringe det grønlandske flag og bannere for at vise budskabet. Protesten skal forløbe fredeligt.
- Amisuni naaperiarluta USA konsulianut akerliusutsimik takutitsineq ingerlanneqassaaq. USA konsulianut apuukkutta inuiattut erinarsuuterput “Nunarput utoqqarsuanngoravit” atorneqassaaq. Inuiattut erinarsuut atorneqareerpat akerliussutitsimik takutitsineq naammassissaq, Orla Joelsen allappoq.
