”Utoqqatserpunga.
Danmark sinnerlugu, utoqqatserpunga”.
Danskit
ministeriunerat Mette Frederiksen Katuami pingasunngornermi septembarip 24-ani
taama oqarpoq, tamannalu arnarpassuit Katuami utoqqatsernermi
inersuarmeeqataasut isumaliutersuutigaat, taakkununnga ilaalluni Regine
Nikolajsen. Taanna misigisissutsitigut ukiorpassuarni
naqisimasimasarpassuaminik ulloq taanna qaffakaatitsisimavoq.
”Utoqqatserpunga.
Danmark sinnerlugu, utoqqatserpunga”.
Danskit
ministeriunerat Mette Frederiksen Katuami pingasunngornermi septembarip 24-ani
taama oqarpoq, tamannalu arnarpassuit Katuami utoqqatsernermi
inersuarmeeqataasut isumaliutersuutigaat, taakkununnga ilaalluni Regine
Nikolajsen. Taanna misigisissutsitigut ukiorpassuarni
naqisimasimasarpassuaminik ulloq taanna qaffakaatitsisimavoq.
– Taamanikkummi
15-iinnarnik ukioqarpunga ukiorpaalunnilu anniartaqalunga, tusaaneqanngisaannarlungali.
Taamanikkummi nakorsat tatiginartutut isigaavut, naartulinnginniassagamalu
spiraleqartariaqartunga anaanama taamani aamma oqarfigaanga. Oqartussanut
taamanikkut aamma akuersaaginnarpallaarujussuarpugut, Sisimiuni inunngorlunilu peroriartortoq
Regine Nikolajsen oqarpoq.
- Niviarsiaqqat tamatta spiralilerneqarnissarput atuarfigisatsinni taamani ataatsimiissutigineqarsimavoq.
Angajugali taamani Danmarkimiimmat spiralilerneqanngilaq.
Illissami
paavatigut naartusimasoq Regine Nikolajsen 18-inik ukioqarluni spiralilersippoq, tamatumali
kingornatigut anniartarpoq 22-nillu ukioqarluni illissami paavatigut
naartulersimanini pissutigalugu mannissaqarfimmi aappaa
peerneqartariaqarsimalluni.
– Angajoralu marluulluta taamani naartoqatigiippugut, aliasuutigeqisatsinnilli
marluulluta meerartaanngitsoorpugut. Regine Nikolajsen tamatuma kingornatigut meerartaarsinnaajunnaarpoq, jorngumili
ernera uinilu meeravissiartaaraat.
– Ernertaarnerput nuannaarutigaara, taamanikkut annassutigaara, namminermi
meerartaarsinnaannginnama aliasuutigeqigakku. Ernerat 21-nik ukioqarluni imminut toquppoq, tamannalu ukiorpassuarni
artorsaatigaa. Taava Regine Nikolajsen tarnip pissusianik ilisimasalimmik ukiut
arfineq-marluk qaangiuttut oqaloqateqartalerami ukiut artorsarfini
iliuuseqarfigalugit aallartippoq. Oqaloqateqarneq
artorsaateqarujussuarunnaarnissamut aaqqiissutissatuaasoq taassuma maanna
qularinngivippaa.
Man er nødt til at tale om det, der er svært. Ved at tale om det svære, kan vi komme igennem det, siger Regine Nikolajsen.
Foto: Trine Juncher Jørgensen
– Nipangiusimaannannginnissaat pingaaruteqarpoq. Ernerigaluara
taamaallunga qissatigileruttorinni eqqartussanngikkiga ataatama oqarfigimmanga
kamaammerfigerujussuarnikuuara. Kamaffigerujussuarpara oqarfigalugulu artorsaativut
eqqartortanngikkutsigit inuunermi ingerlariaqqinnissarput ajornakusuussaqisoq.
Kingornatigut oqiliallattoq Regine Nikolajsenip utoqqatsernermut tunngatillugu pisimasut ammasumik
eqqartorneqarnerat pitsaasuunerarpaa.
– Suut tamarmik saqqummiunneqartariaqarput, arnarpassuusugummi eqqorneqaatigaarput.
Ilarpassuisa isummamikkut eqqississutigaat. Uanga aamma kingornatigut
oqiliallappunga. Ilumikkernermi angusaqaataaneq ajorpoq.
Ukiorpassuarni
narrutsassimaarnikuuvunga, anigornikuulluguli. Regine Nikolajsen nakorsiarnermini nalunaarsuiffinnik takunnissinnaatitaanissamut
qinnuteqalersaarpoq. Illissami paavatigut naartunikuunini kingornatigullu
naartusinnaajunnaarnini sumik peqquteqarnersut ulloq manna tikillugu
paasitinneqarnikuunngilaq. Spiralersinneqarsimaninili peqqutaasoriuaannarpaa. Saammaateqatigiinnissamik aningaasaateqarfik arnanullu eqqugaasunut
taarsiissuteqartoqarsinnaanera Regine Nikolajsenip pingaaruteqarnerpaatut
isiginngilai.
– Suut tamarmik taarserneqarsinnaanngillat. Aliasuuteqarneq qamannga
uummammeersuusarpoq.
