Umiarsuit takornariartaatit akitsuuserneqarnerisa takornariaqarnerup pitsanngorsarneqarnera siuarsaraa
Kommuneqarfik Sermersooq 2024-mi takornariartitsisarnermut akitsuutinit 2,6 million koruuningajannik pissarsivoq, aningaasallu taakku maanna suliniutinut assigiinngitsorpassuarnut kommunimi takornariaqarnermik nukittorsaasussanut atorneqartussaapput.
Nuummi umiarsualiviup eqqaani umiarsuarnit takornariartaatinit pisuinnaat ingerlaarfii pitsanngorsarneqartussaapput, tamannalu suliniutit arlallit umiarsuarnut takornariartaatinut akitsuummit aningaasalersorneqartussat ilagaat.
Arkivfoto: Leiff Josefsen
Umiarsuarnik takornariartaatit 2024-mi umiarsualivimmut tikinneri tamaasa ilaasut tamarmik immikkut 50 koruuninik akiliisariaqarput. Akiitsuutiniit isertitat taamaalillutik 2.595.000 koruuniupput, imalu agguataarsimapput:
- Nuuk: 1.967.750 kr
- Paamiut: 259.800 kr.
- Ittoqqortoormiit: 321.300 kr.
- Tasiiilaq: 46.150 kr.
Qanittukkut Kommuneqarfik Sermersuumi Aningaasaqarnermut Ataatsimiititaliap suliniutit 2025-mi aasakkut aallartinneqartussat allattorsimaffiannik suliaqarnermigut aningaasat qanoq atorneqarnissaannik aalajangerpoq.
Taannalu imaappoq:
Paamiut og Ittoqqortoormiit:
Tasiilaq:
Nuuk:
Nuummi talittarfimmi tidevandstrappenimi perusuersartarfimmik tamanit atorneqarsinnaasumik pilersitsineq Nuummi talittarfimmi tidevandstrappenimi perusuersartarfimmik pilersitsisoqarnissaa pisariaqartinneqartorujussuuvoq. Perusuersartarfiit maannakkut containerimut atorneqartumut, utaqqisarfittut atorneqartumut t kattunneqassapput, tamannalu pissalluni Sikuki Harbour A/S suleqatigalugu. Aningaasartuutissat 400.000 kr-it.
Illuaqqat kommunimit sulianut atugassat Illuaqqanik mikisunik pisineq ikkussuinerlu Nuuk Food Festival, Snow festival aaqqissuussinernilu assingusuni atugassatut. Aningaasartuutissat 400.000 kr-.it.
Kapisillit kangerluani qaarsumut puttasumik ikkussineq, Kangersuneq (Isfjorden) tungaanut pisummik takornarianut atugassiatut Kapisillit kangerluani qaarsumut puttasumik ikkussinissaq kissaataavoq Kangersuneq (Isfjorden) tungaanut. Ikaartarfik Visit Nuuk-p tamaani aqqutiliaanut toqqaannartumik ikaarfiusalissaaq.
Aningaasartuutissat 700.000 kr missaat
Umiarsualivimmi takornarianut allagartaliineq Takornariat umiarsuanit niunerminni pisuttuartartut aammalu tidevandstrappemut tassanngaanniillu angallanneq maannakkut ajornakusoortorujussuuvoq aammalu takornariat aqqusinikkoortartut takussaasarlutik. Tamatuma allagartalersorneqarnissaa pisariaqartinneqarpoq. Aningaasartuutissat 50.000 kr missaat
