Arctic Importip Savalimmiuni
immikkoortortaqarfini Arctic Import Sp/f tuniniassallugu
aalajangerpoq, tamannali ingerlatseqatigiiffiup Savalimmiuni
niuernermik ingerlataminik taamaatitsineratut paasisariaqanngilaq.
Arctic
Import A/S-imi, suliffeqarfiup Nunatsinni immikkoortortaqarfianut
aamma piginnittuusumi, pisortaaneq Thomas Hjort taama oqarpoq.
Arctic Importip Savalimmiuni
immikkoortortaqarfini Arctic Import Sp/f tuniniassallugu
aalajangerpoq, tamannali ingerlatseqatigiiffiup Savalimmiuni
niuernermik ingerlataminik taamaatitsineratut paasisariaqanngilaq.
Arctic
Import A/S-imi, suliffeqarfiup Nunatsinni immikkoortortaqarfianut
aamma piginnittuusumi, pisortaaneq Thomas Hjort taama oqarpoq.
Savalimmiuni
niuerfik, niuertunut
nioqqutilik Elding
Business pisisuuvoq
– tamannalu illuatungeriinnut
iluaqutaasorujussuussasoq,
suliffeqarfissuup pisortaa isumaqarpoq.
Akigitinneqartut
pillugit unammillerneq sakkortooq
-
Elding Business suliffeqarfiit akornanni niuerfik nukittuujuvoq,
soorlu eqqiaanermut atortunik allaffimmullu atortussanik
tuniniaasarnermi. Niuertarfiit taakku akitigut sakkortuumik
unammilleqatigiikkamik, naliliivugullu Savalimmiuni niuertarfiit
taakku marluunissaat pisisussanut angivallaartut, Thomas Hjort
oqarpoq.
- Savalimmiunut
atatillugu niuernermi
atugassanik pisiniarfiit nukimmik atuiffiginiarlugit
aalajangiukkatsigu, tamatumanilu
suliffeqarfik Poul
Hansen ukiorpassuarni qanimut suleqatigisimavarput. Tassani
nioqqutissarpassuarnik
ilaatigut Rema
1000-imeersunik
Hørkramimeersunillu
pilersuivugut.
Aalborgimi qullersaqarfimmit suleqatiginninnerput taamaalilluni
Savalimmiuni suliffeqarfiup tunineqarneranit sunnerneqanngilaq.
Aalajangeruminaatsoq
-
Tuninissaanik aalajangerneq ajornaatsuinnaanngilaq. Ukiuni 25-ni
Tórshavnimi immikkoortortaqarnikuuvugut, taamaammat Arctic Importip
oqaluttuarisaanerata ilaa maanna peerneqassaaq, Thomas Hjort
nassuerpoq.
-
Naliliivugulli Elding Business pisisussatut
piukkunnarnerpaasoq –
tassa
sullitavut
sulisuvullu
eqqarsaatigalugit.
Elding annertuumik alliartornissamik pilersaaruteqarpoq,
qularinngilarpullu Savalimmiuni suliffeqarfiup nukittuumik
inissisimaffiata ingerlateqqinnissaanut ineriartortinneqarnissaanullu
periarfissaqarluartut.
Arctic
Import Sp/f-ip tunineqarneranut atatillugu
isumaqatigiissutigineqarpoq, Elding Businessip sulisut tamaasa aamma
Tórshavnimi allaffik quersuarlu tigussagai.
Arctic
Import Sp/f aallaqqaammut maannakkutut taaguuteqaannassaaq sulisuilu
allanngoratik, taamaattorli
Elding Business qanimut
suleqatigineqassalluni.
Pisiniarnermut isumaqatigiissut Savalimmiuni unammilleqatigiinnermut
oqartussanit akuerineqaqqaartariaqarpoq. Pisinermi akigitinneqartoq
tamanut
saqqummiunneqassanngitsoq, illuatungeriit
isumaqatigiissutigaat.
