MEERARTAARNERMI ISUMMERSUUT

Siunissami Kalaallit Nunaanni kikkut meeqqiussappat?

Saqqummersinneqarpoq

Ernerma suli naluaa naatsorsueqqissaanermi ilaalluni.

Talinni sinippoq, kissarluni oqimaallunilu. Assamminik inuaga tigummiarpaa anersaartorneralu ima nipaatsigaaq, tusaaniarlugu nammineq anersaanngitsuungajattarlunga.

Ernerma suli naluaa naatsorsueqqissaanermi ilaalluni.

Talinni sinippoq, kissarluni oqimaallunilu. Assamminik inuaga tigummiarpaa anersaartorneralu ima nipaatsigaaq, tusaaniarlugu nammineq anersaanngitsuungajattarlunga.

Uannut inuuvoq ineriigaq. Inuiaqatigiinni Kalaallit Nunaata siunissaanut aamma ilaavoq.

Meeqqat Kalaallit Nunaanni inunngortut 2025-mi 684-iupput. Inunngortut oqaluttuarisaanermi aatsaat taama ikitsigisut. Angusaq arlaannaanilluunniit kissaatigineqanngitsoq. Inuiaqatigiillu agguataarnerisa taama ingerlaannarnissaat 2026-mi kisitsigallarnerit ersersippaat.

Inunngortartut taama ikitsigimmata, siunissaq ilungersunartutut isikkoqalerpoq. Sulisinnaasut ikinnerussapput. Inuttaasut utoqqaaneruleriartorput. Kikkut inuiaqatigiinni ingerlatitsisunngussappat.

Paasinarpoq. Inuiaqatigiinni kinguaariit nutaat pisariaqartinneqarput.

Kisianni eqqarsaatersuutiginngitsoorsinnaanngilara, meerartaanissamik aalajangerniarluni apeqqutip inummut ataasimut tunngasup, nunap aningaasaqarneranut aamma apeqqutaalersinnaanera, qanoq eqqumiitsigisoq.

2027-mut aningaasanut inatsisissami partiinit isumaqatigiissutaavoq 2028-miit ullunerani paaqqittarfiit akeerutsinneqarnissaat suliniutineqassasoq. Ilaqutariinnut meerartalinnut ikiorsiineq tigussaasoq. Piffissamilu inuuniarnermi akit qaffakkiartorneranni amerlasuunit malugineqartumi pingaaruteqarpoq.

Aningaasaqarnerli meerartaarnermut tunngasunut amerlasuunut ilaaginnarpoq.

Aamma piffissaqarpoq. Nukissaq. Inigisaq aaqqinneqarsimasariaqarpoq. Suliffik ilaqutariinnerlu ataqatigiissaartariaqarput. Aamma inuarannguamik akisussaaffeqarsinnaanermik nipaatsumik qularnartoqarpoq.

Meeqqat siunissaralugit eqqartortarpavut. Taakku ullut ilaanni nangitsisussat, sulisussat, akileraartalersussat inuiaqatigiinnillu ingerlatitseqqillutik.

Kisianni meeqqat aamma maannakkumiipput.

PIsariaqartitsipput, uatsingaatsiaq utertitsisinnaalerumaarlutik.

Ernera isigileraangakku, ullut ilaanni sulisunngorumaarnera eqqarsaatigisanngilara. Meeraaqqaanissaa eqqarsaatigaara. Alliartorneramini atugassai.

Tamaammat qanoq ililluta Kalaallit Nunaanni amerlanerusunik meeqqiornissarput kisimi apeqqutaagunanngilaq.

Kisianni inuiaqatigiit nuannersumik meeraqarfiusut qanoq ililluta pilersissinnaavagut.

Meeqqat meeraaffigisinnaasaannik, siunissatsinniilinnginnerminni.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

Powered by Labrador CMS