MOTOORI
ATV innaallagiatortoq Nunatsinniilissasoq
Bifrost Motors Sisimiuniittup ATV-t innaallagiartortoq Nunatsinni siullerpaat eqqunniarpaa.
Can-Ams ATV Outlander Electric markerer det første skridt henimod en grønnere og mere effektiv offroad-kørsel med en rækkevidde på op til 80 km på en opladning. ATV’en kommer til Grønland i december.
Assi: Can Am
Sisimiuniittoq
Bifrost Motors, qamuteralannik Ski-Doonik, Lynxinik aamma ATV-nik Can Amimeersunik,
tuniniaasarpoq. Nioqqutissat taakku pingasut Canadami suliffeqarfimmit
ataatsimit Bombadier Recreational Productsimit tunisassiarineqarput,
maannakkullu ATV-nik tamakkiisumik innaallagiartortumik tunisassiaa
Nunatsinnukaarpoq.
CAN-AMIMEERSOQ OUTLANDER ELECTRIC 2026-MUT PAASISSUTISSAT
Motooria: 47 hp/53 lb-ft Rotax
E-power Sukkanerpaaffissaa: 80 km/h
Batteri: Lithium-Ion integreret batteri 8.9 kwh
Ingerlaarfigisinnaasaa: 80 km
Immiisinnerata sivisussusaa, 250 V: 50 minutsit (20-80 procent)
Immiisinnerata sivisussusaa 120 V: 3
tiimit minutsillu qulit (20-80 procent) Oqimaassusaa: 398 kg
Usisinnaassusaa: 34 Liiteri
Can-Am
naapertorlugu ATV-q Outlander Electricimik taaguutilik
mingutsitsinnginnerunissamut alloriarneruvoq siulleq. Batteriisa immiisinnerani
ataatsimi nunakkoorutigalugit 80 kilometerit angusinnaallugit.
ATV-t
innaallagiatortut benziinamut sanilliullugit avatangiisimut
mingutsitsinnginnerunerata saniatigut aamma nipikinnerullutillu
sajukulaartitsinnginnerupput. Aammattaaq innaallagiatortuunerat pissutaalluni
sukkasoorujussuarmik sukkatsissinnaapput, sekundillu ataatsip ingerlanerinnaani
tamakkiisumik ingerlasinnaallutik.
Takornariartitsisartunut
ATV
Bifrost
Motorsimi pisortaq Maannguaq Philip Lauritzen naapertorlugu ATV-t Outlander
Electricit pingasut, inniminnerneqarsimapput. Taakku Kalaallit Nunaannut
2025-mi decembarimi tikinnissaat naatsorsuutigineqarpoq.
–
Neriuppugut takornarialerisut innaallagiatortut taakku soqutigissagaat. Maani
Sisimiuni mingutsitsinngitsunik atortorissaaruteqarnissaq
pingaartinneqangaarpoq, tassanilu Outlander Electric tulluarluinnassalluni.
Immiisinnerani ataatsimi 80 kilometerit angullugit ingerlasinnaanerat
takornarianik ullormi ataatsimi angallassinermut tulluakannerpoq.
– Aammali uagutsinnut
nutaajuvoq, taamaattumillu inniminniivallaannginnissarput mianersuutigaarput,
Maannguaq Philip Lauritzen oqarpoq.
