MOTOORI
Eqalugalinnguani trafiklysi biilinik siuleriiaanik ikilisitsissasoq
Eqalugalinnguit eqqaanni trafiklysip pilersinnissaa ukiup ataatsip missaanik sivisutigissaaq. Kommunip nipiliortoqarnissaa akornusersuinerillu allat, ilaatigut bussit unittarfiata aqquserngup allap illuatungaanut taxat uninngasarfiannut nuunneqarnera ajuusaarutigaa. Sanaartornerulli kinguneriniartussaallugu aqqusinerni angallannermi biilit siuleriiaartartorpassuit ikilisinneqarnissaat.
Kommuneqarfik Sermersooq, Nukissiorfiit Tusassilu peqatigalugit Eqalugalinnguit eqqaanni aqquserngit naapiffianni trafiklysinik nutaanik sanaartortitsisuuvoq. Suliassaq 2026-mi aggustip tungaanut suliarineqassaaq.
Assi: Oline Inuusuttoq Olsen
Eqalugalinnguit eqqaanni nermallattarfik taarserlugu trafiklysimik
pilersitsinissamik sulineq aallartilluarpoq, taamaalilluni aqqusinikkut
angallannerpaaffiup nalaani biilit siuleriiaartartut ikilisinneqarnissaat
anguniarneqarluni.
Betoninik assiaqutsersuutinik inissiisoqarpoq, sanaartortut assaatillugit qaartiterinerannilu angallanneq aqqusernit naapiffiatigut pisinnaaqqullugu.
Foto: Oline Inuusuttoq Olsen
Kommuneqarfik Sermersooq, Nukissiorfiit Tusassilu peqatigalugit aqquserngit
naapiffianni nutaami trafiklysimik sanaartortuupput. Tamatumunngalu
peqatigitillugu aqquserngit nermallattarfitoqaat 1989-imeersoq
atorunnaarsinneqassalluni.
Suliassaq aqqusinikkut angallannermi angallattoqaleruttornerani
utaqqisarnerit siuleriiaartarnerillu ikilisinniarlugit suliniutini siulliusoq,
Kommuneqarfik Sermersooq tusagassiuutinut nalunaarummini allappoq.
Suliassaq juulimi 2025-mi aallartinneqarpoq aggustimilu 2026-mi
naammassineqarnissaa naatsorsuutigineqarluni.
Nuuk Entreprenøren sanaartornermut pingaarnertut sanaartortuuvoq,
tamatumalu saniatigut Brøndum aamma FJ-EL innaallagissamut tunngasunik
suliaqarlutik.
Aqqut silinnerusoq
Kommunimit oqaatigineqartut naapertorlugit aqquserngit
silinnerulersinneqassapput, sanguniartunut taamaalillutik nutaanik
aqqutissaqartitsisoqassalluni. Tamatuma saniatigut nerngallattarfiup
qeqqaniittoq soqanngitsoq peerneqassaaq. Aammattaaq imermut, innaallagissamut
attaveqarnermullu ledningit arlallit nuunneqartariaqassasut, kommuni
ilisimatitsivoq.
Betoninik assiaqutsersuutinik inissiisoqarpoq, sanaartortut assaatillugit
qaartiterinerannilu angallanneq aqqusernit naapiffiatigut pisinnaaqqullugu.
Suliassaq aqqusinikkut angallannermi angallattoqaleruttornerani utaqqisarnerit siuleriiaartarnerillu ikilisinniarlugit suliniutini siulliusoq, Kommuneqarfik Sermersooq tusagassiuutinut nalunaarummini allappoq.
Assi: Oline Inuusuttoq Olsen
Bussit unittarfiat nerngallattarfiup illuatungaanut taxat uninngasarfiannut
aamma nuunneqartariaqarsimavoq, taamaalilluni bussit illoqarfimmut ingerlaartut
taamaallaat tassunga unissinnaallutik, taamaattumillu Kangillinnguit tungaanut
ingerlaaqataaqqaartariaqarlutik.
Kommunip Nuup Bussiisa nittartagaat aamma innersuussutigisimavaa, tassanimi
aqqutit sorliit eqqorneqarnersut takuneqarsinnaammata.
Tamatumunnga peqatigitillugu aqqusinermi pineqartumi bussit
ingerlaarnerannut akornutaasinnaasut nipiliortoqarneralu kommunip
ajuusaarutigai.
