Kalaallit Nunaanni ATV-t UTV-llu nutaat

CF MOTO Kinami 1989-imi pilersinneqarpoq, taamanimiillu nunarsuarmi motorcykelinik, ATV-nik aamma UTV-nik tunisassiortuni annerpaanngornikuulluni. Ukiuni kingullerni suliffeqarfik Europami annertusiartorpoq, CF MOTO-lu Kalaallit Nunaanni aamma tunisaalernikuulluni.

 Arctic Star Sisimiuniittoq ATV-nik aamma UTV-nik kiisalu UTV-nik innaallagiatortunik CF Moto-meersunik tuniniaasuuvoq.

 - Piffissami matumani taakku nuannarineqartorujussuupput, Arctic Starimik piginnittoq Minik Sachse oqarpoq.

 CF Moto angallassissutinik nutaalianik atortorissaarluartunillu nioqquteqarnerminik ilisimaneqarpoq – akisuuniinnaanngitsoq, aammali nalinginnaasunik nioqquteqartarluni. ATV-it 55.000-it 110.000-illu koruunillu akornanni akeqartarput UTV-llu 99.500-t 225.000-it koruunillu missaannik akeqartarlutik.

  Ulluinnarni suliassanut 

ATV-it akikinnerpaartaat tassaapput ”CForce 450”, taakku ulluinnarni suliassanut nunakkullu aqqulluttukkoorutaasinnaalluartunngorlugit sanaajupput. 400 cc-mik motooritaqarpoq, 32,5 hk-nik sakkortussuseqarluni, taamaalilluni nukimmik oqimaaqatigiissumik atuillunilu ikummatissamik sipaaruteqarluartuulluni. Nalinginnaasumik 2500 LBS-imik amooruteqarpoq saviminermik ammallorissortalimmik, taamaalilluni oqinnerumaanik kalillunilu assartuisinnaalluni.

 ”CForce 520”-nut, 5.000 koruunit missaannik akisunerusunut saakkaanni, taakku sangualluarnerusinnaapput, saavi qajannaannerullutik, maniilattukkut ingerlasinnaapput aamma ilorrisimaarnarnerullutik. Tamatuma saniatigut motoori 495 cm3-iuvoq 38 hk-nik nukittutigivoq. Taakku aamma saviminermik ammallorissortalimmik amooruteqarput nassataasivittaqarlutillu.

 Marallummi imermilu atorneqarsinnaasut 

ATV-t CF-MOTO-meersut akisunerpaartaat atortorissaarluarnerpaartaallu tassaapput CForce 1000 MV – taakkulu ”mud version”-imik (marallummiissutitaasinnaasut, aaqq.) taaneqartarput. ATV-it taakku 110.000 koruuniniit akeqartut nunami aqitsumi atorsinnaanngorlugit sanaajupput. Assakaasui 30 tommeriupput 334 mm missaannik portussuseqarlutik. Nillusaataat qullasinnerusumiimmata marallukkoorutiginissaannut masattukkoorutiginissaannullu isumannaallisagaapput.

 963 cm3-inik V-twin-motooreqarpoq, elektroniskimik atuisuulluni CVT-millu ingerlatitseqqittartumik, taamaalilluni assakaasut sisamat tamarmik ingerlaarutaapput, angallavimmilu maniilattumi masarlummilu aqunneqarluarsinnaallutik.

 Nunalerinermi iluaqut

UTV-nut saakkaanni U-Force 600-it 99.500 koruuniniit aallartipput, taakkulu tamatigoortutut nukittunertut, ammasumik inissaqarluartumillu initaqartutut atortorissaaruteqarluartutut useqarluarsinnaasutullu oqaatigineqarput. Maskiina 30 kw-mik aamma 41 hk-mik sakkortussuseqarpoq qaalittullu EPS-imillu nalinginnaasumik peqartoq pisiarineqarsinnaapput. 680 kiilunik kalissinnaavoq.

UTV-t akisunerpaartaat atortorissaarluarnerpaartaallu tassaapput U10 Pro Highland, 225.000 koruuniniit akeqartut. Traktoritut mikinerusutut taaneqarsinnaavoq, pingasunik ulammarissulimmik 998 cm3-inik motoorilik, 90 hk-mik aamma 94,5 Nm-imik kaaviiaartitsisinnaavoq, taamaalillunilu nukissaqarnerujussuulluni. 

 U10 Pro Highland gearia CVT-mik pooqarpoq, assakaasut sisamat aqunnissaannut ikkussivittalimmik, arriinnermik ingerlatilluni kalitsissutaalluarsinnaalluni aamma Hill Descent Controlimik taaneqartartumik, pissutsini qanorluunniit ittuni nukimmik assigiimmik tunniussisinnaallutik. Aquttarfimmi atortorissaarutit pitsaasuunissaat ilorrisimaarnissarlu pingaartinneqarpoq, ilaatigut innaallagiatortumik aqunneqarsinnaalluni, 8-tommerimik toortarneqarsinnaasumik skærmeqarluni, aquut aquttullu issiavia nalimmassarneqarsinnaapput. 800 kiilut missaanniittut kalissinnaavai.