MOTOORI
Poca nittarsaassinermi Danfishimi saqqummersitseqataassasoq
Aalborgimi aalisarnermut tunngasunik nittarsaassineq Danfish oktobarip arfineq-aappaanniit qulingiluaannut ingerlanneqassaaq, tassanilu Kalaallit Nunaanneersut saqqummersitseqataassapput. Taakkuupput umiatsialiortut Poca Både og Glasfiber, taakkulu angallat nutaanerpaaq Poca MK4 Imarmioq pisisartunut takusassiarinissaat qilanaaraat.
Aalborgimi nittarsaassineq Danfish ingerlanneqalerpat Poca Både og Glasfiberimit umiatsialiaq nutaanerpaaq – Poca 600 MK4 Imarmioq – takuniarneqarsinnaasut ilagissavaat.
Assi: Poca
Aalborgimi
Danfish oktobarip arfineq-aappaanniit qulingiluaannut ingerlanneqalerpat
nunanit 50-init amerlanerusuneersut 12.000-15.000-it missaanniittut
peqataanissaat naatsorsuutigineqarpoq. Aalborg Kongres- og Kultur Center
(AKKC), Ilulissani Polar Expo-mik aamma aaqqissuussisartut, nittarsaassinermik
aaqqissuussisuuvoq.
Kalaallit
Nunaannit peqataasoqassasoq
Kalaallit
Nunaannit peqataasut ilagaat Aalisarnermut Piniarnermullu Naalakkersuisoqarfik,
aalisartunut piniartullu siunnersuisarfik – KONFIFA, Aalisartut Piniartullu
Peqatigiiffiat KNAPK, Nalunaarasuartaateqarnermut aqutsisut, Tusass, Qalut
Vónin, Royal Arctic Line aamma Avannaata Kommunia.
Aammattaaq
suliffeqarfiit allat Kalaallit Nunaannik soqutiginnittut, soorlu Garmin og Poca
Både og Glasfiber, nittarsaassinermut peqataanissaat naatsorsuutigineqarpoq.
– Tigulluarneqarpoq, tamannalu nuannerpoq ingammik nutaamik ineriartortitsinissamut piffissamik atuisimatilluni, Betina Petersen Marker umiatsiaq nutaaq Poca 600 MK4 Imarmioq 2025-mi saqqummersinneqartoq pillugu oqarpoq.
Assi: Poca
Atissarsiornermi
Facebookikkut unammisitsineq
ArcticExpo 2026
Kommuneqarfik
Sermersooq aamma Aalborg Kongres & Kultur Center (AKKC) Nuummi ArcticExpo –
Fishing & Hunting-imik aaqqissuussinissamik isumaqatigiissuteqaqqammerput.
Nittarsaassineq siullermik 2026-mi apriilip 21-aniit 23-anut ingerlanneqassaaq,
ukiullu allortarlugit aaqqissuunneqartassalluni.
AKKC
Ilulissani PolarExpomik Aalborgimilu DanFish Internationalimik
aaqqissuussisuusarpoq. Nuummi nittarsaassineq nutaaq attaveqaqatigiinnermik
pilersitsissaaq, teknologii tunisassiallu nutaat saqqummiunneqassapput, aamma
aalajangiisartut aalisarnermillu inuussutissarsiuteqartut tamarmik
ataatsimoorfigissavaat.
Poca Både og
Glasfiberimit umiatsialiaq nutaaq, MK4 Imarmioq, pisisartunut niuernermilu
suleqatinut takutinnissaa qilanaarisaavoq.
–
Decembarimi Facebookikkut unammisitsivigut, tassani umiatsialiarput nutaaq
qanoq atserneqassanersoq inuit siunnersuuteqarsinnaapput. Imarmioq
taaneqarnerpaavoq, taamaattumillu maanna tunisassiaralutigu, Betina Petersen
Marker, 2011-mili uini Erik Marker peqatigalugu ilaqutariittut suliffeqarfimmik
aqutsisoq, oqaluttuarpoq.
Imarmioq
umiatsiani 600-nik taallugit sanaajusuni useqarnerpaasinnaavoq. Umiatsiaq
oqimaatsunik suliaqarnissamut tulluarsagaavoq, inuussutissarsiutinullu
piukkunnarluni. Umiatsialli Pocat allat assigalugit pisisartup kissaatai
malillugit nalimmassarneqarsinnaavoq.
- Imarmioq
umiatsiaatitsinnit 600-nit allanit silinnerullunilu saavata ilusaa
allaaneruvoq. Tamatumalu saniatigut assigiinngitsorpassuartigut
naleqqussarneqarsinnaalluni.
Umiatsiaq
nutaaq tigulluarneqangaartoq Betina Petersen Markerip maluginiarpaa.
Angallatillu arlallit Kalaallit Nunaata imartaani angalalereerput, ilaatigut
sungaartut aappaluaartut marluk Nuummi mittarfimmut tunineqarsimasut.
POCA 600 MK4 Imarmioq iluaqutitaqarnerullunilu silamut illersuutaasinnaanngorlugu manngersumik qaava assiaqutserneqarsinnaavoq matuneqarsinnaallunilu.
Assi: Poca
–
Tigulluarneqarpoq, tamannalu nuannerpoq ingammik nutaamik
ineriartortitsinissamut piffissamik atuisimatilluni. Pisisartut isumaat
tusassallugit nuannaarutigiuaannarparput, aamma Kalaallit Nunaannit Danmarkimut
tikeraartut Hedenstedimullu alakkapallalaartut tikilluaqqujuartarpavut. Tamanna
nuannaarutigeqaarput, Betina Petersen Marker oqarpoq.
