USA-p præsidentiata tulliaJ.D. Vance nulialu Usha Vance Pituffimmut marsimi tikeraarput.
Nuliata Avannaata Qimussersua Sisimiunut isiginnaariarnissaralua taamaatiinnarlugu Pituffik Space Basemut tikeraartoqarpoq.
USA-p præsidentiata tulliaJ.D. Vance nulialu Usha Vance Pituffimmut marsimi tikeraarput.
Nuliata Avannaata Qimussersua Sisimiunut isiginnaariarnissaralua taamaatiinnarlugu Pituffik Space Basemut tikeraartoqarpoq.
Amerikamiut tikeraarneranni politiit aningaasat qanoq amerlatigisut atorsimaneraat Folketingimi inatsisit atuutsinneqarneranut ataatsimiititaliaq inatsisit atuutsinneqarneranut ministerimit Peter Hummelgaardimit (S) maanna akissutisivoq.
Naalagaaffiup politiivisa naatsorsuinerat naapertorlugu aningaasat 5.032.058 koruunit atorneqarsimapput.
Naalagaaffimmulli akiligassaq suli anneruvoq. Timmisartut illersornissaqarfiup ataaniittut inniminnerneqarnikuupput. Taakkununngalu aningaasartuutit politiit aningaasartuutaasa naatsorsorneqarnerannut ilaanngillat.
Aningaasat atorfissaminnut atunngitsoortut
Danmarksdemokraterne sinnerlugit Folketingimi ilaasortap Peter Skaarupip inatsisit atuutsinneqarnerannut ministeri apeqquteqarfigaa.
- Akiliisussaatitaanerput naapertuutinngitsoq ingasattajaarnerusorlu isumaqarpunga. Akileraartartut ajorsartuupput, isumaqarpungalu aningaasarpassuit kukkusunut eqqumiitsunullu atorneqartut, BT-mut oqarpoq.
Politiit tikeraarnermut atatillugu nalunaaquttap-akunneri qassit suliffiigisimaneraat Peter Skaarupip aamma paaserusuppaa, tamannali akissummi allassimanngilaq. Suliassanut assigiinngitsunut politiit qanoq amerlatigisut sulisorineqarsimanersut Politiinit paasissutissiissutigerusunneqanngilaq.
- Tamanna politiit periaasaannut paasiniaasarnerannullu tunngaveqarmat, ilaatigut suliap suliarineqarnera eqqarsaatigalugu minnerunngitsumillu sulisut isumannaatsuunissaat eqqarsaatigalugit, paasissutissiissutigineqassaanngilaq, naalagaaffiup politiivi allapput.
