KL

DK

Anorersuarujussuartoq: Royal Greenlandip qaliata ilaa tingitaavoq

Royal Greenlandip Nuummi qullersaqarfiani eqqaanilu innuttaasut mianersoqquneqarput. Suliffeqarfiup qaliata ilaa anorersuarnerani teqqartoq, politiit nalunaarput.

Nuummi Royal Greenlandip allaffeqarfiata qaliata ilaa marlunngornermi unnukkut anorersuarneranit teqqarpoq. Politiit qatserisartullu sumiiffimmi suliaqarput.
KASSAALUK KRISTENSEN
Digitalredaktøri
Saqqummersinneqarpoq

Anorersuaq Kalaallit Nunaata kitaata sineriaani marlunngornermi unnukkut sakkortuvoq 50 m/s tikillugu anoraasuartarluni anorersuarlu 40 m/s sinnerlugu sakkortutigaluni.

Kalaallit Nunaanni Politiit Facebookimi nalunaarput, politiit qatserisartullu marlunngornermi unnukkut Nuummi Royal Greenlandip qullersaqarfianukaasut, sulisoqartorlu.

Anorersuup kingunerisaanik, Royal Greenland-ip allaffeqarfiata Qasapi-mi, qaliaata ilaa tingerarput.

- Silaannakkut teqqarput, ulorianartorsitsisinnaanermik pisinnaasumik. Ukunaniissaguit umiarsuarmi imaluunniit assigisaani - Isersimaannarit, politiit Facebookimi allapput.

Qasigiannguani aamma anorersuarneranit inissiani qalissiat ilaat tingitaasimasoq tamat attaveqatigiiffiini saqqummiunneqarpoq.

Kalaallit Nunaanni Politiit Paamiuniit avannamut Qasigiannguit ilanngullugit anorersuarnerata nalaani asuliinnaq aqqusinermi angallattoqannginnissaanik kaammattuuteqarput.

politi nuuk qasigiannguit storm samfund inuiaqatigiit

ATORFIIT Se alle jobs

Powered by Labrador CMS