Applep oqarasuaatit nutaat silassorissuusiallit saqqummiutilerai
iPhonet atortorissaarutaasa nutaat ilaat EU-mi digitalimik niuernermut inatsit pissutigalugu suli atorneqarsinnaassanngillat.
Applep iPhone 16 ataasinngorpat saqqummiutissagaa naatsorsuutigineqarpoq - iPhone 15-ip tullia (assimiittoq). (Toqqorsivimmit)
Aly Song/Reuters
Amerikami elektroniskimik tunisassiorfissuup Applep iPhonet nutaat arlallit immikkut ittumik silassorissuusiamik piginnaasallit ataasinngornermi saqqummiutissavai.
Amerikami
elektroniskimik tunisassiorfissuup Applep iPhonet nutaat
arlallit immikkut ittumik silassorissuusiamik piginnaasallit
ataasinngornermi saqqummiutissavai.
Nutaarsiassaqartitsivik
AFP allappoq.
Oqarasuaatit taakku Apple
Intelligencemik atserneqartumik atortorissaaruteqassapput —
silassorissuusiaq Applep ineriartortissimasaa.
Teknologi nutaaq juunimili
ilimasaarutigineqareerpoq. Apple Intelligence assinik
suliarinninnermut, nutserinermut allannermilu atorneqarsinnaavoq.
Tassa iPhone 16
ataasinngorpat saqqummiunneqartussaq.
- iPhone 16
saqqummersinneqartussat pingaarnerit ilagaat.
- Isikkua pissutaanani
piginnaasaali pissutaallutik — ingammik Apple Intelligence,
teknikkimut tunngasunik misissuisartoq misissuisarfimmilu
Forresterimi pisortap tullia Dipanjan Chatterjee oqarpoq.
Apple ataasinngorpat
Californiami pisussaq "Glowtime“-mik qulequtalik pillugu
annertunngitsumik paasissutissiivoq.
Tamannali Applep
nalinginnaasumik oqarasuaatinik nutaanik saqqummiussisarnerani pivoq.
Applep atortorissaarutit
ineriartortitaasa ilaat EU-mi innuttaasunut atuutilernissaat
aallaqqaammut ilimagineqanngilaq.
EU-p Digitalimi niuernermi
(DMA) piumasaqaataasa ilaat Applep maannamut
naammassisinnaasimannginnerat pissutaavoq.
- EU-mi atuisunut ukioq
manna atuutilersisinnaanissaat ilimaginngilarput, Apple juunimili
nalunaarpoq.
DMA-p digitalimik
nittartakkatigut attaveqaatit unammilleqatigiinnerat aaqqissuussaraa
teknologiikkullu suliffeqarfissuarnut arfiniliusunut, ilaatigut
Applemut, aalajangersimasunik piumasaqaateqartarluni.
Digitalimik
kiffartuussinerit internetikkut niuertarfiit aqqutigalugit
pineqarsinnaanissaat, internetikkut niuertarfiit avataatigut
isumaqatigiissuteqartoqarpat, piumasaqaatit qulakkeertussaavaat.
Aamma teknologiimik
nioqquteqartut nittartakkani taakkunani nioqqutitik
salliutinngisaannassavaat.
/ritzau/
