Inuit 10.000-it missaanniittut – imaluunniit Nuummi
innuttaasut affaat illoqarfiup qeqqatigut Naapittarfikkut, Aqqusinersuup
Imanerullu naapiffiatigut, pisuttarput.
Illoqarfiup qeqqaniinnerusinnaanngilaq,
maannalu pisuinnaat aqqutaanni illu maluginiarnartoq 14 millionit
koruunilerlugu tuniniarneqarpoq.
Inuit 10.000-it missaanniittut – imaluunniit Nuummi
innuttaasut affaat illoqarfiup qeqqatigut Naapittarfikkut, Aqqusinersuup
Imanerullu naapiffiatigut, pisuttarput.
Illoqarfiup qeqqaniinnerusinnaanngilaq,
maannalu pisuinnaat aqqutaanni illu maluginiarnartoq 14 millionit
koruunilerlugu tuniniarneqarpoq.
Illu Kommuneqarfik Sermersuup illoqarfimmi kalaalimineerniarfissatut,
Kalaaliaqqatut, 2010-mi sanatitaa pineqarpoq. Aalisartut piniartullu pisanut
aalisakkanullu pisiniarfik kasseapparatilik akileraartarnermullu
naatsorsuisartoq sungiutinngiivippaat, Kalaaliararlu Nuutoqqami
tuniniaavitoqqaminut 2020-mi uterpoq.
Kingorna illu maluginiarnartoq qaarajuttumik qalialik igalaarsualillu Coronap
nalaani misissortittarfittut atorneqallatsiarnera eqqaassanngikkaanni
imaqanngilaq. Saniliata, Kalaallit Nunaanni Brugsenip, illu kommunip sanatitaa
2022-mi neqeroortitsinikkut pisiaraa, niuertarfeqatigiilli illumut atatillugu
pilersaarutaat piviusunngunngitsoorput.
Maanna illunik tuniniaasartumit Netbolig-imit tuniniarneqarpoq. Akia: quleriit
silataatigut uuttortarlugit 265 meterinut 13.990.000 koruunit, najukkami
pilersaarutit naapertorlugit ”pisuinnaat aqqutaanni avatangiisinik uummaarissunik
naleqquttunillu” pilersitseqataassagami quleriinni naqqarleq taamaallaat
uninngasuusiveqarlunilu niuertarfittut neriniartarfittullu atorneqarsinnaavoq.
Brugseni Natalie Nuussuarmiittoq juunip 30-ani ammarpoq.
Assi: Kalaallit Nunaani Brugseni
Nukissat Nuussuarmi atorneqartut
NUUSSUARMI PISINIARFIK NUTAAQ AMMARTOQ
Kalaallit
Nunaanni Brugsenip Butik Natalie 2019-imi januaarip aallaqqaataani pigilerpaa, taamanimiillu
Nuussuarmi kaaviiaartitaq qaffassimapput. Suliniut ukiup marlussuit ingerlavoq,
tassalu Brugseni Natalie nutaaq juunip 30-ani ammarpoq.
Pisiniarfik marlunnik qulereeqarpoq: Naqqa pisiniarfiullunilu, neqaarniaqarlunilu,
kissartuerniaqarlunilu viinneerniaqarpoq, qalialu uninngasuusiviullunilu,
allaffiullunilu nerisarfeqarpoq. Pisisartut akiliiffissat assigiinngitsut
pingasut toqqarsinnaavaat: Pisiniartunut pisiakitsunut aneqqipallakkumasunullu
imminut sullilluni akiliisarfiit. Kioskimi akiliisarfiit pisiniartunut
pisiaqarnerulaanut sulisumit sullinneqarumasunut. Akiliisarfillu anneq
pisinianut pisiassarpassualinnut.
Kalaallit Nunaanni Brugseni Brugseni Qinngorput 2016-imi ammarneratigut
maannalu Brugseni Nataliep nutaap Nuussuarmiittup ammarneratigut illoqarfiup
ilai marluk niuertarfeqarfigilerpai.
– Kingorna illoqarfimmi aningaasaliilissaagut; aqaguunngitsoq, ukiunili
tulliuttuni, tuniniaanermut ingerlatsinermullu pisortaq Mark Kobberrød oqaaseqarpallaanngikkaluarluni
oqarpoq.
KNB-p pisiniarfiit Kongevejimiittoq, Nuukullammiittoq pisuinnaallu aqqutaanni
Naapittarfimmiittoq ingerlappai, aammalu Powered by Brugseni innaallagiartortunik, igaffimmi
errorsisarfimmilu atortunik tuniniaavik oktobarip 18-anili ingerlatarilerpaa.
kurt@sermitsiaq.gl
Sermitsiap Kalaallit Nunaanni Brugsenimi pisortaagallartoq Kent Helberg ukiup
ataatsip matuma siorna oqaloqatigaa, taassumalu annikitsualuit oqaatiginagit
2024-p naannginnerani illumi pissanganartumik suliaqartoqarnissaa
ilimasaarutigaa. 39-65 kvadratmeterinik nutarterinissamut alliliinissamullu
pilersaaruteqartoqarpoq, sanasullu nateq piiarlugulu iikkat isaterpaat. Illup
iluani suliat inaarsagassat kiisalu ruujorilerinerit innaallagisserinerillu
kisimik amigaataapput.
Taavali Kalaallit Nunaanni Brugsenip tamanna unitsippaa.
– Brugseni Nataliemi, pilersaarutaasimasumiit anginerusumik
pisiniarfiliorfiusumi, nukissat atorniarlugit aalajangerpugut. Taamaammat
Kalaaliaqqap tuniniarneqarnera Nuummi taamaatitsiinnarnerunani Nuussuarmi
aallartitsinermut tunngassuteqarneruvoq, tuniniaanermut ingerlatsinermullu
pisortaq Mark Kobberrød Sermitsiamut oqarpoq.
– Brugsenip pisuinnaat aqqutaanni kikkut sanileriumavai?
– Pisuinnaat
aqqusernginut illoqarfiullu qeqqanut tamarmut naleqartunngortitsisumik
sammisaqalissasugut pingaaruteqarpoq. Pisisartup pitsaasumik misigisaqarnissaa
qulakkeerusupparput, tamannalu aamma uagut sanilitsinnut qaninnernut Brugseni
Nuummut aamma Powered by Brugsenimut pingaaruteqarpoq.
– Illu siunissami suneqassanersoq qaqugu paasisinnaassavarput?
– Pisiniarfiup inissisimaffia soqutiginarpoq,
maannakkullu periarfissat arlallit misissorpagut. Pisisoqarsinnaavoq
attartortoqarsinnaallunilu. Aamma illu tunineqanngippat nammineq
iliuuseqarsinnaavugut. Ukiup naannginnerani aalajangiinissamut piffissamik killiliivugut,
taamaalinnginneranilu Brugseni Nataliemi nukiit atussavagut. Sapaatit akunneri
marlussuit matuma siorna pisiniarfik nutaaq ammarnikuummat pisiniartut biilinut
inissaat pitsaanerulersinniarlugu pisiniarfitoqaq isaterneqassaaq, Mark
Kobberrød oqarpoq.
