Illoqarfimmi inissarsiortutut
allatsissimasut 195-iusut akornanni qularnanngitsumik qilanaartoqarpoq.
Ukiorpanngortunimi sanaartortoqarsimanani sanaartorpaluk tusarsaalerpoq.
Inissiat sanaartukkat qaqqami, Tasiilap
qaqqarsuinut illoqarfiup ilisarnaatigilluagaanut isikkiveqarlutik
inissisimapput. Qulimiguulimmillu tikikkaanni takusassanut siullernut
ilaallutik.
SAMMISAQ: TUNU PUIGUINNAGAQ
Sermitsiamit
Tasiilameeqqammerpugut, angalanitsinnilu suliagut piffissami aggersumi
saqqummiuttartussaallutigit.
Tasiilap eqqaani
2.500-t missaannik innuttaasoqartumi unammillernartut periarfissallu
allaaserisani ukkatariumaarpagut.
Illoqarfimmi inissarsiortutut
allatsissimasut 195-iusut akornanni qularnanngitsumik qilanaartoqarpoq.
Ukiorpanngortunimi sanaartortoqarsimanani sanaartorpaluk tusarsaalerpoq.
Inissiat sanaartukkat qaqqami, Tasiilap
qaqqarsuinut illoqarfiup ilisarnaatigilluagaanut isikkiveqarlutik
inissisimapput. Qulimiguulimmillu tikikkaanni takusassanut siullernut
ilaallutik.
- Inissarsiortut ikilinissaannut ikilisaasinnaagaangatta
Iserimmiit nuannaarutigiuaannarparput, Iserimmi teknikkikkut pisortaq Henrik
Strand taama oqarpoq.
Containerini 40-suni siulliit Tasiilamut apuunneqarsimalereerput.
Assiliisoq: Oscar Scott Carl
Containerit 40-t
Inissiat pineqartut illoqarfiup immikkoortortaani
Napparngummumi sanaartorneqaleruttortut, containerit 40-t inissaaleqisut ikilisinnissaannut
iluaqutaasussat pilersaaruteqarfigineqarput. Taakku Kommuneqarfik Sermersuup Munck
Gruppenimiit pisiarai.
- Kommuneqarfik Sermersooq containerinik
inissiatut atorneqarsinnaasunik Nuummi mittarfiliornikunit pisinikuuvoq. Taakkulu
Tasiilamukaassorneqaleruttorput. Containerit 30-t inuusuttunit
ineqarfiginissaat, qulillu angerlarsimaffeqanngitsunit inissiffigineqarnissaat eqqarsaasersuutaavoq.
2026-mi atulissasut naatsorsuutigaarput, Henrik Strand allappoq.
Inissaaleqisoqarnerani inuppassuit
najugaqatigiittariaqartarput
Tasiilami sivisuumik
inissaaleqisorpassuaqarnerani ilaqutariippassuit tattoqisaallutik
najugaqartariaqartarput. Illoqatigiillu arfineq-pingasunit amerlanerusut
katillugit 42-sut Naatsorsueqqissaarfiup kisitsisaataani erserpoq. Maniitsumut,
700-nik innuttaasoqarnerusumut sanilliukkaanni, illoqatigiit arfineq-pingasunit
amerlanerusut arfineq-marluinnaasut.
- Inissiat 14-it sanaartorneqarneritigut
Tasiilami innuttaasut amerlassusaat allanngunngippat, inissarsiortuni utaqqisut
14-inik ikilisissinnaallugit ilimagaarput, Henrik Strand oqarpoq.
Iserit Kommuneqarfik Sermersuup ataani
inissiaatileqatigiiffiuvoq. Ini A/S-ilu inissianik attartortittakkanik
Tasiilami aqutaqanngimmat, Iserit pisortat inaataannik
attartortitsisartutuaavoq.
Illoqarfimmi inissiat attartortittakkat
kingulliit sananeqartut Akitterniipput, 2019-imilu iserterfigineqarlutik.
