KABELIMIK SULIAQARNEQ
Internetsi sapaatiuppat unnukkut attaveerutissaaq
Internetsimik atuineq sapaatiuppat apriilip 28-ani nalunaaqutaq 21.00-imiit ataasinngornerup unnuaanut nalunaaqutaq 03.00 tungaanut arriinnerussaaq.
Tusass
Tusassip atuisuisa nuna
tamakkerlugu sapaatiuppat apriilip 28-aniit internetsimik atuinerat
arriinnerulissasoq naatsorsuutigisinnaavaat.
Europamut attaveqaatit
tamarmik sapaammi unnukkut qulingiluat missaanniit ataasinngornerup
unnuaani pingasut tungaanut attaveerutissasut Tusass
paasissutissiivoq.
- Isumaqarpoq nittartakkap
ingerlaarnera arriinnerulissasoq. Illoqarfinnilu qaammataasakkut
attavilinni atassutaarukkallassapput piffissap taakkartukkap iluani,
Tusass tusagassiutinut nalunaarummi allappoq.
Ajuusaarutigigaat
Illoqarfinni
sakkortusaavinni imaatigullu kabelini attavilinni attaviit
eqqorneqassapput, illoqarfinnilu qaammataasatigut attaveqarfiusuni
internetimut attaveqarneq tamanut arriinnerulissaaq.
- Ulloq 28. april 2024
Danmarkimi kabelinik TDC suliaqarnissaanut atatillugu Europamut
attaveqaatigut sapaatip ullaassaani atassutaarutissapput. Tamanna
pissutaalluni attaveqaatigut Europakkut ingerlaartut Canadamut
nuunneqarallassapput.
Imaatigut kabelit marluk
atorlugit attaveqaatit aappaa ajornartorsiuteqalerpat aappaanut
nuunneqarsinnaapput,. Soorlu matumani taamaattoqassasoq.
- Tusassip ajuusaarutigaa
tussiarfissuup nalaani tamanna kingusissukkut nalunaarutigimmagu.
Erseqqissarusupparput suliaq ingerlanneqartussaq annerusumik
sunniuteqarfigisinnaannginnatsigu.
