Kardinaali: Pavi qimarngusunut piitsunullu ammasumik uummateqarpoq
Pavip suiaassuseqatiminoortut imaluunniit avissimasut inuluuginngilai immikkoortikkumanagillu. Fransip oqaluffia tamanut angerlarsimaffiuvoq, oqalugiaammi oqaatigineqarpoq.
Kardinali Giovanni Battista Re ilagiit Fransip ilisaanerani arfininngornermi Romimi Piitap oqaluffissaarsuaqarfiani naalagiarneq aqutsisuuvoq. Oqalugiaammini ilaatigut Fransip qimaasunut, nunasinianut piitsunullu suliniutai nersualaarpai.
Assiliisoq: Remo Casilli/Reuters
Pave Frans tassaavoq "pave inuit akornanniittoq, ammasumik uummateqarluni", ilagiit katolskit isumassuinerusut sulissutinnissimasoq, kardinali Giovanni Battista Re arfininngornermi oqalugiaammini pavip ilisaanerani oqarpoq.
- Inuttut kissalaassuseqarluni ullumikkut unammilligassanut qamuuna misiginneqataasoq, pave Fransip ullumikkut piffissap ersiutaaanik, erloqissutinik neriuutinillu avitseqatigalugit.
- Inunnut ataasiakkaanut toqqaannartumik attaveqaqateqartarpoq, kikkunnut tamanut qanillattorniarluni pissuseqarluni, immikkut maluginiarlugu ajornartorsiuteqartunut, kardinaali oqarpoq.
Pave Frans, suiaassuseqatiminoortartunut katuullinullu avissimasunut immikkoortitsiumasuunngilaq, taassumalu qularnaarusuttuuaa ilagiit katolskit kikkunnut tamanut inissaqartitsissasut.
Fransip sulissutigiuarpaa "ilagiit kikkunnut tamanut angerlarsimaffiusut, angerlarsimaffiullu matui ammasuusut", kardinaali oqarpoq.
- Ilagiit inunnut tamanut, upperisaannik inuunerminnilluunniit atugaannik apeqqutaatitsinani, ikiinik mamisaaqataasussaapput, kardinaali oqalugiaammini nangippoq.
Pave "amerlasoorpassuariarluni" qimaasunut, nunasisunut piitsunullu ikiuiniarpoq, Giovanni Battista Re oqarpoq.
- Piumasaqaatitaqanngitsumik imminut tunniuttuuvoq, pingaartumik erloqissuteqartunut, akornatsinni ersippianngitsunut.
Kardinaliip oqalugiaammini eqqartormagu Pavip qimaasunut nunasinianullu isumassuinera, eqqissinissamik kaammattuinera silallu pissusaanut tunngatillugu iliuuseqarnissamik tamaviaarutiginnittuunera, Romami Peterspladsenimi ersaattaannersuaqarpoq, Giovanni Battista Re oqalugiarmat.
Inuit titusindilikkaat Pave Fransip naggammik qaniornerani katersuupput.
Taakkununnga akuuvoq USA-p præsidentia, Donald Trump, Paavi Fransip qimaasunut nunasinianullu isumaginninnera pillugu isumaqatigiinngissuteqarsimasoq.
Trump tusarnaarpoq, Re-llu oqalugiaammini ilaatigut oqaatigigaa Pave Fransip inuit kaammattorsimagai ikaartarfilioqatigiittoqassasoq "qarmarsualiortoqarani".
Frans ataasinngornermi napparsimanermini kingorna toquvoq. 88-inik ukioqarluni.
