KNR-i partiit siuttui pillugit kukkuluttortoq
KNR-ip aallakaatitassiaani ataasinngornermi ullaap tungaani aallakaatinneqartumi partiit siuttuinit arfiniliusunit marluinnaat qaaqquneqarput. Partiit sinnerisa siuttui sinneruttut aamma peqataatinniarlugit KNR immikkut ittumik aallakaatitseqqippoq.
Foto: Leiff Josefsen
KNR ataasinngornermi ajuusaarnartumik kukkusimasoq KNR-ip pisortarigallagaa Bjørk Lange Olsen tusagassiuutinut nalunaarummi allappoq.
KNR-imi radiokkut aallakaatitassiami “Ulluni makkunani”-mi, inuiaqatigiinni oqallinnermik sammisaqarfiusumi, kukkuneq pivoq.
Aallakaatitassiaq ataasinngornermi ullaakkut qulinut aallakaatinneqarmat partiit siuttui marluk qaaqqusaapput.
- Partiit marluinnaat sinnissaannik KNR-ip aallakaatittagaanut inuiaqatigiinni pisuniuk sammisaqarfiusumut qinersinissamut aqaguttoq aggersaaneq kukkuneruvoq. Kukkuneq KNR-ip ajuusaarutigaa, Bjørk Lange Olsen allappoq.
Kukkuneq aaqqiviginiarlugu aallakaatitassiaq "Ulluni makkunani" nalunaaqutaq marlunut aallakaatinneqaqqissasoq pisortaagallartoq aamma allappoq. Partiit sinneruttut oqallinnermi siullermi peqataatinneqanngitsut apeqqutini sammineqartuni qanoq inissisimanerminnik nalunaaruteqarnissamut periarfissinneqassapput.
Naleraq ataasinngornermi siusinnerusukkut sakkortuumik isornartorsiuilluni tusagassiutinut nalunaaruteqarpoq, tassani partiit aalajangersimasut qinersinissap ullumik ataatsimik sioqqullugu nittarsaanneqarnerarlugit.
KNR-illi nalunaaruteqarnera aallaavigalugu partiit tamarmik peqataasussanngorput.
