Lars Poulsenip (S) Tunumi ineriartortitsisoqarnissaa qulakkeerumallugu
Inatsisartunut Kommuneqarfik Sermersuumilu kommunalbestyrelsimut qinikkat allat
Inatsisartut ukiaanerani ataatsimiillutik tallimanngornermi septembarip 19-iani
aallartitsinnagit oqaloqatigalugillu ataatsimeeqatigai.
Taamaaliorniarluni ukioq
aalajangerpoq, tassa Tasiilami innuttaasut politikkikkut iliiuseqaqqusillutik
akerliussutsimik takutitsinerisa kingorna.
Lars Poulsenip (S) Tunumi ineriartortitsisoqarnissaa qulakkeerumallugu
Inatsisartunut Kommuneqarfik Sermersuumilu kommunalbestyrelsimut qinikkat allat
Inatsisartut ukiaanerani ataatsimiillutik tallimanngornermi septembarip 19-iani
aallartitsinnagit oqaloqatigalugillu ataatsimeeqatigai.
Taamaaliorniarluni ukioq
aalajangerpoq, tassa Tasiilami innuttaasut politikkikkut iliiuseqaqqusillutik
akerliussutsimik takutitsinerisa kingorna.
- Ikaartarfik pilersittariaqarparput Tunumut – assilianngorlugu oqassagaanni.
Tasiilami, Ittoqqortoormiini nunaqarfiinilu siuarsaanissamut politikkikkut
iliuuseqarnissaq aningaasaliinissarlu piffissanngorpoq.
- Ajornartorsiutit
pillugit qangali oqallinneq naammalerpoq. Ineriartortitsinissamut
aningaasaliinissaq aaqqiissuteqarnissarlu aningaasanut inatsimmi
tigussaasunngortinneqartariaqarput, Inatsisartut ukiaanerani ataatsimiinnissaat
sioqqullugu ataatsimiititaliaanni ataatsimeeqqammertoq Lars Poulsen oqarpoq.
Qinikkat Tunumeersut suleqatigiittut
Qinikkat
Tunumeersut tassa Iddimanngiiu Bianco (IA), Justus Hansen (D), Gerth Mikaelsen
(N) taavalu kommunalbestyrelsimi ilaasortat Laura Taunajik (S) aamma Peter
Utuange (N) partiit tunulequtatik akimorlugit arlaleriarlutik
ataatsimeeqatigiipput.
Tassalu politikkikkut suliniutit
oqaloqatigiissutiginissaat Tunumilu ajornartorsiutinut aaqqiissutissat pillugit
isumaqatigiinnissaq siunertaralugit ataatsimeeqatigiipput.
- Taakkuulluta assiaqatigiilaarsimavugut – partiit tunulequtavut
pivallaanngikkaluarlugit – tamannalu iluatsilluarpoq. Tamarmiulluta Tunumi
immikkut iliuuseqartoqartariaqarsorinninnerput alloriarneruvoq siulleq
pingaarutilik, Lars Poulsen oqarpoq.
Inatsisartut ataatsimiititaliaanneersut angalanertik pingaarutilinnik
paasisaqarfigigaat
Inatsisartut
Aalisarnermut, Piniarnermut Nunalerinermullu Ataatsimiititaliaanneersut
aggustimi Tunumiipput. Tasiilaq nunaqarfiilu tikippaat, taakkunaniinnerminnilu
aalisartut, piniartut, inuussutissarsiornermut siunnersuisoqatigiit,
nunaqarfinni aqutsisut susassaqartullu allat ataatsimeeqatigaat.
Angalanertik
Tunumi makkununnga tunngasuni ajornartorsiutit periarfissallu paasisaqarfigaat:
- Inissaaleqinerujussuaq, allaat inoqutigiit 15-20-t najugaqatigiittariaqartarlutik.
- Nussortut amerliartuinnarnerat, nioqqutissat akisuallaarujussuarnerat suliffissaqartitsikinnerlu pissutigalugit.
- Nunaqavissut suliffiinik matusinerit, kingullertut iffiorfik, Tusass filatelialu inuit 20-t tungaannut amerlatigisut suliffeerunnerannik kinguneqartumik.
- Inuussutissarsiornermi ineriartortitsisoqarnissaanik namminerlu suliniuteqarnermi pitsaanerusunik sinaakkuteqarnissamik pisariaqartitsineq.
- Innuttaasut
toqqaannartumik paasissutissiipput pingaarutilinnik. Ineriartornissaq
kissaatigaat, aamma ineriartornissamut piumassuseqarput – sinaakkutilli
ajornartitsipput. Taamaammat politikkikkut suliniuteqarnissaq aningaasanut
inatsimmi tigussaasunngortinneqartariaqarpoq, Lars Poulsen oqarpoq.
Inuuniarnikkut
ajornartorsiutit iliuuseqarfigineqartariaqartut
Aningaasassaaleqineq
Tunumi kisimi ajornartorsiutaanani inuuniarnikkut aamma
ajornartorsiortoqangaatsiarpoq makkunani tunngasutigut: imminut toqunneq, nakuuserneq,
meeqqanik atornerluineq piitsuussuserlu. Meeqqat qaammat qiteqqukkaangat
kaallutik innartartut, nalunaarusiami aamma allassimavoq.
- Pissutsit
ilungersunarput, tamannalu nalunaarusiami erseqqissarneqarpoq. Tamatuma
politikeritut iliuuseqarnissatsinnut pisussaaffilerpaatigut. Ajornartorsiutit
oqaluttuariinnarnagit iliuuseqarfiginissaannut aningaasaliisoqarnissaa aamma
qulakkeertariaqarparput, Poulsen erseqqissaavoq.
Oqaluinnarnermiit timitaliinermut
Inatsisartut
aningaasanut inatsisissaq piffissami aggersumi isumaqatiginninniutigilerpassuk,
Tunu tamatumani qitiutinneqartunut ilanngunneqartariaqartoq, Lars Poulsen
oqarpoq.
- Tassa
partiivut akimorlugit suleqatigiippugut, tamatta soqutigisaqaqatigiinnerput
malugivara, tamannalu neriuuteqalersitsivoq. Oqaluinnarnani timitaliinissaq
piffissanngorpoq. Aningaasanut inatsit ikaartarfimmik Tunumut
pilersitsinissamut alloriarnerussaaq siulleq, Lars Poulsen naggasiivoq.
Danskit naalakkersuisuinut maanna isumaqatigiissusiortoqarsimalerpoq, Ittoqqortoormiini mittarfiliornissamut aningaasaliissutit ilaatigut qulakkeerneqarlutik.
