Neriniartarfimmi tillinniarsimasumik takunnittussarsiorneq

Qinngutsinni neriniartarfimmi Sunset Boulevardimi sapaatiummat nalunaaqutaq 11.00 missaani ujajaasoqartarpoq.

Pigaartut pisortaat Poul Kreutzmann oqarpoq pinerluttoq kiinappaqarluni neriniartarfimmut isersimasoq pisiniartitsisorlu savimmik sioorasaarsimallugu.

Aningaasanik tiguseriarluni pinerluttoq qimaasimavoq.

Politiit maanna pinerluuteqarsimasoq ujaaraat, takunnissimasinnaasunillu aamma ujaasillutik.

Politiit angutip ilisarnaatai ima nassuiarpaat:

Angut kalaalerpasissoq, tuattoq 170-180cm-it missaanni atsigisoq. Qernertunik Lacoste tracksuitinik atisaqarpoq, kamippaat qernertut, qernertunik aaqqateqarluni, qernertumik teqqiaqarluni aammalu qernertumik kiinarpaqarluni.

Pineqartoq takusimagukku, imaluunniit pineqartup sumiinneranik paasissutissaateqaruit, politiit tusagaqarfigerusuppaatsit.

Paasissutissaateqaruit, assinik immiussanilluunniit, politiit ikiortiseraatsit, politiit Facebookiminni allapput. Politiit oqarasuaataannut sianersinnaavutit uunga: 70 14 48.