Nukissiorfiit aningaasaqarnermut pisortartaartut
Pætur Jørðdal Niclasen Nukissiorfinni aningaasaqarnermut pisortartut atorfinitsinneqarpoq.
- Nukissiorfiit aallartiffiginissaa, aamma suleqatigiligassat nutaat ilisarisimalernissaat assupilussuaq qilanaaraakka. Suliffiup iluani, aammalu suliffiup avataani ingerlatalinnik suleqatigiinnitsialak qilanaaraara, tamaani peqatigiilluta suliffeqarfik patajaatsoq isumannaarsinnaassallutigu, Nukissiorfinni aningaasaqarnermut pisortanngortoq Pætur Jørðdal Niclasen oqarpoq.
Pressefoto
Pætur Jørðdal Niclasen maajip aallaqqaataa aallarnerfigalugu Nukissiorfiit pisortaaneqarfianut ilanngulluni aningaasaqarnermut pisortanngussaaq.
Nukissiorfiit tusagassiutinut nalunaarummi allappoq.
Pisortanngortoq aningaasaliinerni
naatsorsuuserinernilu cand.merc.-itut ilinniagaqartuuvoq, Kommuneqarfik Sermersuumilu naatsorsuuserinermut pisortatut atorfimmeerpoq.
Nukissiuuteqarnermut pisortap Johan Danielsenip atorfinitsitsineq nuannaarutigaa:
- Aningaasaqarnerup
aqutsinerullu iluani nukittuumik tunngaveqarnermigut aningaasanut tunngasutigut
toqqammavigisatta nukittorsarnerani, aammalu periusissialikkatut
ineriartortitsinitsinnik tapersersuinermi qitiusumik inissisimaffeqassaaq.
Pæturip misilittagai aamma piginnaasai Kalaallit Nunaannut tamarmut
iluaqutaasussamik Nukissiorfiit piujuartitsisumik sunniuteqarluartumillu
ingerlatariuarnissaata qulakkeernissaanut ilalersuuteqassapput, Nukissiuuteqarnermut
pisortaq Johan Danielsen oqarpoq.
Nukissiorfiit pisortaaneqarfiani maajip aallaqqaataaniit 2025-mi atorfillit tassaalerput
nukissiornermut pisortaq Johan Danielsen, teknikkimut pisortaq, Filip
Sivertsen, aningaasaqarnermut pisortaq, Pætur Jørðdal Niclasen, aamma
atorfilittanut pisortaq, Sandra Husted Rasmussen.
