- Spiralilersuineq Kalaallit Nunaanni innuttaasut amerliartornerannik killiliiniarneruvoq, tamannalu inatsisinut naapertuulluinnarpoq tunngavissaqarluarlunillu, Thorkild Kjærgaard TV2-mi apersorneqarnermini oqarpoq, Donald Trump Jr.-ip qallunaat kalaallinut ammip qalipaataanik immikkoortitsineq pillugu oqaaseqarsimaneranut tunngatillugu.
Taanna nassuiaavoq nakorsaatitigut ilisimatuussuseq nutaaliaq inuunerullu sivisunerulernera pissutigalugit inuit amerliartupiloornissaat ilimanaateqartoq.
- Spiralilersuineq Kalaallit Nunaanni innuttaasut amerliartornerannik killiliiniarneruvoq, tamannalu inatsisinut naapertuulluinnarpoq tunngavissaqarluarlunillu, Thorkild Kjærgaard TV2-mi apersorneqarnermini oqarpoq, Donald Trump Jr.-ip qallunaat kalaallinut ammip qalipaataanik immikkoortitsineq pillugu oqaaseqarsimaneranut tunngatillugu.
Taanna nassuiaavoq nakorsaatitigut ilisimatuussuseq nutaaliaq inuunerullu sivisunerulernera pissutigalugit inuit amerliartupiloornissaat ilimanaateqartoq.
- Taamaattumik Kalaallit Nunaanni naartunaveersaatinik atuisarneq pillugu paasititsiniaanermik ingerlatsineq tunngavissaqarluarpoq. Nakorsat atorfillillu eqqaassutissalerneqartariaqarput, Kalaallit Nunaammu ikiorujussuarpaat.
Aniguisoq: - Danmarkip aningaasaqarniarnera pillugu nalikkaagut pilliutigaagut
Naja Lyberthip, niviarsiaqqat akuersiteqqaarnagit spiralilersorneqarsimasut ilaasa, Thorkild Kjærgaardip oqaasii isumaqatiginngilluinnarpai.
Taanna isumaqarpoq tamanna Kalaallit Nunaannut ikiuutaanngitsoq, akerlianilli Danmarkip aningaasaqarnikkut soqutigisai siuarsarniarlugit aalajangernerusoq.
- Danmarkip aningaasaqarnini nammineq ikiorniarlugu nalikkaagit pilliutigaat, Naja Lyberth oqarpoq, taassuma ilanngullugu nassuiaatigaa arnarpassuit timikkut tarnikkullu kingunerlutsitsisimaqisut.
- Ilaqutartaarnissatsinnut namminerlu meeqqiornissatsinnut kiffaanngissuseqarnitsinnut atorfillit akuliuttussaanngilluinnartut akuliupput.
Taassuma aamma nassuiaatigaa niviarsiaqqat allaat 12-inik ukiullit angajoqqaavi ilisimateqqaarnagit akuersiteqqaarnagillu aspiralilersorneqarsimasut.
- Taamani spirali suunersoq, qanoq sunniuteqarsinnaanersoq ilisimatinneqanngilagut, aamma naaggaarsinnaatitaanitsinnik ilisimatinneqanngilagut.
Akerlianilli qallunaat niviarsiarartai akerlerluinnaanik periarfissinneqartut, soorlu nassuiaanneqarlutik toqqaasinnaatitaallutillu.
Danmarkip aningaasaqarniarneranut peqqutaasoq
Naja Lyberthip oqaasii naapertorlugit Danmarkimi aningaasaqarneq pillugu iliuuserineqarsimasut. Danskit naalakkersuisuisa aningaasanik sipaarniarlutik Danmarkimilu atugarissaarneruniassammata Kalaallit Nunaanni inunngortut ikilisippaat.
- Danmarkip atugarissaarnissaanut ikiuuppugut, nalikkaagut pilliutigalugit. Meeqqiorsinnaanerput pilliutigalugu. Tamanna eqqaassutissalerneqartariaqanngilluinnarpoq.
Thorkild Kjærgaardip oqaasii Naja Lyberthip misigittaannerarpai, kalaallinulli tunnganngitsoq namminermut tunngasuusoq oqaatigalugu.
Akà Hansen: - Annernarpoq
Aká Hansen nunatsinni pisunut malinnaallunilu oqalliseqataasartoq oqallittuni malinnaavoq, Kjærgaardillu oqaasii sakkortuumik isumaqatiginngilai. Nassuiaatigalugulu oqaaserineqartut kamannarlutillu annernartuusut.
- Oqaasii isumaqatiginngilluinnaqqissaarpakka. Nalunngilara taanna kalaallinut qanoq isiginnittariaaseqartoq, kisianni tulluarsorinngilara Trumpimut tunngatillugu apersorneqarnissaa, Aká Hansen oqarpoq nangillunilu:
- Nakorsat atorfillillu spiralilersuinissamut sunneeqataasimasut pillugit eqqaassutissalerneqarnissaat isumaqatiginngilluinnarpara, taamatut oqartoqarsinnaanera kamannaqaaq.
