Nuummi umiarsuaq takornariartaat ukioq manna siulleq

Umiarsuaq takornariartaat 1155-inik ilaasoqarsinnaasoq, Seven Seas Mariner, Nuummut sisamanngornermi juunip 13-ianni ullaakkut tikippoq. Visit Greenlandip nittartagaani Cruise Call List naapertorlugu ukioq manna umiarsuarnik takornariartaatinik 70-inik Nuummut tikittoqarnissaa pilersaarutaavoq. Kalaallit Nunaannut tikittussat 10 procenteralugit.

Nassau - Seven Seas Mariner, umiarsuaq inuulluataarfiusoq 1155-inik ilaasoqarsinnaasoq, Nuummi umiarsualivimmi sisamanngornermi ullaakkut ualikkullutakuneqarsinnaavoq.

Kujataani Tunumilu umiarsuarnik takornariartaatinik tikittoqartalereerpoq, maannalu umiarsuaq takornariartaat siulleq, Seven Seas Mariner 1155-inik ilaasoqarsinnaasoq, Nuummut tikippoq.

Umiarsuaq sisamanngornermi juunip 13-ianni ullaakkut tikippoq, naatsorsuutigineqarlunilu ulloq taanna nalunaaqutaq 18.00 Nuummiit Paamiut tungaanut ingerlaqqissasoq.

Visit Greenlandip umiarsuarnik takornariartaatinik tikeraarnissamut allattorsimaffia Cruise Call List naapertorlugu umiarsuaq ukioq manna Nuummut tikeraartussanit 70-iusunit siullersaavoq.

Umiarsuit amerlanerusut Kalaallit Nunaannukassasut

Ukioq manna umiarsuarnik takornariartaatinik 700-t missaanniittunik tikittoqarnissaa naatsorsuutigineqarpoq. Siorna rekordi qaangerlugu.

2023-mi ilaasut 76.477-it Kalaallit Nunaannut umiarsualivinni 518-inut agguataarlugu tikipput.

Inuussutissarsiornikkut, kulturikkut aningaasatigullu takornariaqarneq inuussutissarsiutitut inuiaqatigiinnut iluaqutaasutut inunnit isigineqarnissaa pingaaruteqartoq Visit Greenlandip pisortaata Anne Nivíka Grødemip Sermitsiamut naqissusernikuuaa.

Powered by Labrador CMS