Politiimut saassussisoq tigusarineqartoq

Nuummi inissiami oqqattoqartoq politiit sisamanngornermi nal. 17.00 nalunaarfigineqartut, pigaartut pisortaat Heini Jacobsen oqarpoq.

Politiit ornigupput inissiamullu isersinnaasimallutik.

- Inuit arlaqarput, taakkualu ilaata politii tigoriarlugu tilloriarpaa, Heini Jacobsen oqarpoq.

Angut tigusarineqarpoq atorfilimmullu nakuusersimasutullu unnerluutigineqarluni.

- Taamaattumik taamaaliortoqartassanngilat, Heini Jacobsen oqarpoq.

Inissiami pisup saniatigut politiit ulloq unnuarlu assigiinngitsunik ulapputeqarsimapput, soorlu angerlarsimaffinni eqqissiviilliornerit, aalakoorpallaartut inuillu kissaatigineqanngitsut pillugit.