Sapaatip akunnera aalajangiiffiusoq

Arfernik illersuiniap Paul Watsonip Japanimut tunniunneqarnissaanik aalajangertoqassagaluarpat sakkortuumik qisuariartoqarsinnaaneranut Japanimi eqqartuussiveqarfik piareersarpoq. Sapaatip-akunnerata tulliani eqqartuussisoqarnissaa sioqqullugu aalajangertoqassagunarpoq.

Paul Watson Nunatta Eqqartuussiviani kingullermik eqqartuussinermi. Tassani tigummigallarneqarnera decembarip 18-iata tungaanut sivitsorneqarpoq. Taama aalajangerneq Nunatta Eqqartuussisuuneqarfiata kingorna attatiinnarpaa.

Assiliisoq: Leiff Josefsen

Inge s. Rasmussen tusagassiortoq

Saqqummersinneqarpoq 12. Decembari 2024 - 15:27

Nunatsinni Eqqartuussiviup Paul Watsonip decembarip 18-iata tungaanut tigummigallarneqarnissaanik aalajangernera Nunatta Eqqartuussisuuneqarfiata sapaatip-akunnerani kingullermi ilimagineqareersutut attatiinnarpaa.

Watsonip siunissaa Danmarkimi inatsisinik atortitsinermut ministereqarfimmit sapaatip-akunnerani matumani aalajangiiffigineqangajalermat "naak inuttaa nammineq toqqaannartumik peqataanngikkaluartoq Watsonip tapersersortai Japanip imartaani eqqissiviilliortitsisinnaasut“ Japanimi tusagassiorfiit allaaserigaat Minori Takahashi DIIS-imi (Dansk Institut for Internationale Studierimi) namminersorneq aamma arfanniarnermut politikki pillugu ilisimatusartoq oqarpoq.

Annonse

Watsonip tigummigallarneqarnera Japanimi qanoq isumaqarfigineqarnersoq ilisimatusartoq Japanimiu AG-p aperaa.

Watson pillugu suliaq innuttaasunit soqutigineqarpallaanngilaq, DIIS-imi arfanniarneq namminersornerlu pillugit ilisimatusariartortoq Minori Takahashi oqarpoq.

Japanimi tusagassiorfiit suliaq sammigaat oqarpoq, aallaqqaammut Watsonip Kalaallit Nunaanni tigusaanera breaking news-itut saqqummiuteriarlugu kingorna tigummigallarneqarnerata sivitsorneqarnera pillugu allaaserisaqartarlutik.

- Allaaserisat amerlanersaat nunanit allaneersut nutaarsiassaqartitsiviinit nutaarsiassanit naatsunit Japanimiutut nutserneqarsimasunit aallaaveqarput, Minori Takahashi oqarpoq, tusagassiortullu Japanimiut Paul Watson apersorniarlugu Kalaallit Nunaanniissimassasut taanna isumaqanngilaq, soorlu tusagassiortut allat – ingammik Kitaaneersut, aamma KNR – taamaaliorsimasut.

Arfanniarnermut akerliusunut akerliusut

Suliaq innuttaasunit soqutigineqarpallaanngikkaluarpoq.

Japanimi inuit pissutsinut malinnaasut marlunnik isumaqartoqarpasittut ilisimatusartoq nassuiaavoq:

- Japanimi arfanniarnermut tapersersuisut amerlanngitsut oqaatigineqarsinnaapput. Japanimiulli amerlasuut arfanniarnermut akerliuneq Europamiut Amerikamiullu isiginnittaasiat akueriuminaatsippaat, tamatumalu kingunerisaanik arfanniarnermut tapersersuipput — isiginnittaaseq "arfanniarnermut akerliusunut akerliusut“ taaneqartartoq.

Isiginnittaatsip aappaa tassaavoq Watsonip Japanimi arfannianut iliuuserisai sisamat unnerluutiginnissutaasut (saassussineq, inuussutissarsiummik akornusersuineq, umiarsuarmut iserneq pigisanillu aserorterineq aaqq.). Taakku eqqarsaatigalugit pisoq arfanniarnermut attuumassuteqarunnaarluni nakuusernermut tunngalerpoq. Tamanna apeqqummik uanga pilersitsivoq: Watsoni ataqqinartumik siunertaqarneraruni taava iliusai qanoq ikkaluartulluunniit naapertuuppat?

Minori Takahashi naapertorlugu Japanimi amerlanerit taakku marluk assigiinngitsunik isumaqarfigaat.

Taamaassorinninneq qularnartoq

Paul Watson sapaatip akunnerani kingullermi eqqartuussinermi isummani tusarliuteqqippaa. Tunniunneqarnissani anguniarlugu Japanip danskit anorisaatinik isumaqatigiissutaat unitsinniarlugu sioorasaarnerarpai. FN-ip 2025-mi Nicemi ataatsimeersuarnissaanik Japani peqataaniarani Frankrigimi naalakkersuisut tatigaa taanna isumaqarpoq. Ataatsimeersuarnermi tassani nunarsuup imartasa illersorneqarnissaat sammineqassammat. Taamaassorinninnera The Captain Paul Watson Foundationip nittartagaani aamma atuarneqarsinnaavoq.

Minori Takahashi naapertorlugu Japanimiunit taamatut iliorneqarnerat qularnarpoq.

- Naluara Japani tatisinninniarsimanersoq imaluunniit sioorasaarisimanersoq. Kisianni taamaaliortoqarsimassapput ilimagineqarsinnaagaluarpoq atorfilinnit arlaatigut iliortoqarsimassagaluartoq. Taamatut iliuuseqarneq qanoq sunniuteqarluartigissava? Japani tatisiniarsinnaasoq sioorasaarisinnaasorlu takorlooruminaappoq, ilisimatusartoq oqarpoq.

Japanimi inatsisartunut septembarimi qinersisoqarnerata kingorna naalakkersuisut nutaat novembarip aqqarnani ivertinneqarnissaata tungaanut isumaqatigiinniartoqartoq nassuiaavoq. Taamaattumik piffissami tassani atorfilittat arlaatigut tatisiniarsinnaanerat apeqquserneqarsinnaalluni.

Inatsisinik atuutsitsinermut ministeri Peter Hummelgaard (S). Taassuma Paul Watsonimut tunngatillugu suliamut aalajangiinissaa pissanngatigineqarpoq.

Qallunaat kunngikkormiuisa Japanimiullu kejseriisa akornanni ukiorpassuarni aallartitat aqqutigalugit attaveqatigiilluartoqartoq Minori Takahaship ilanngullugu oqaatigaa. Danmarkip Japanillu ataqatigiinnerat ukiunik 150-inngortorsiorneqarnera 2017-imi malunnartinneqarpoq.

Nunat taakkua marluk akornanni politikkikkut akerleriittoqanngimmat Japanip Watsonimut suliaq atorluarlugu tatisinissaa, soorlu niuernermik unitsitsinissamik sioorasaarilluni, piviusorsiortuunersoq apeqquserneqarsinnaavoq. Aamma Japanip FN-imi aappaagu ataatsimeersuarnissamut peqataaniarani sioorasaarinera eqqarsaatigalugu.

Arfernik illersuiniaq Frankrigimi innuttaassuseqalersinnaanersoq Frankrigimi maanna misissorneqarpoq, nunanut allanut ministeri (maanna ministeriugallartoq aaqq.) Jean-Noël Barrot nutaarsiassaqartitsivik Franceinfo naapertorlugu oktobarimi oqarpoq.

Allaaserisap matuma allanneqarnerani inatsisinik atortitsinermut ministereqarfik Paul Watsonip Japanimi oqartussanut tunniunnissaanut tunngavissaqarnersoq suli nalunaaruteqanngilaq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

Sermitsiaq.gl-imi allaaserisat tamakkiisumik atuarsinnaalissavatit
Qaammammut kr. 59.00
Ukiumut kr. 650.00

Pisigit

Sermitsiaq - E-aviisi

Sermitsiaq e-aviisitut tallimanngornerit tamaasa saqqummersartoq atuarsinnaalissavat
Sermitsiaq.gl-imi allaaserisat tamakkiisumik atuarsinnaanngussavatit
Qaammammut kr. 191
Ukiumut kr. 1.677

Toqqaagit

AG - Atuagagdliutit E-aviisi

Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
Sermitsiaq.gl-mi allaaserisat tamakkiisumik atuarsinnaanngussavatit
Qaammammut kr. 191
Ukiumut kr. 1.677

Toqqaagit

Sermitsiaq.AG+

Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
Sermitsiaq e-aviisitut tallimanngornerit tamaasa saqqummersartoq atuarsinnaalissavat
Sermitsiaq.gl-imi allaaserisat tamakkiisumik iserfigisinnaalissavatit
Arnanut e-magasinatut atuarsinnaalissavat
Nutserisoq.gl atorsinnaanngussavat
Soqutiginnikkuit abonnement@sermitsiaq.gl-imut allagaqarsinnaavutit

Toqqaagit

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.