Inatsisartut ukiaanerani
ataatsimiinnissaannut oqaluuserisassani, siulittaasoqarfimmit marlunngornermi
saqqummiunneqartuni, Naalakkersuisut 2026-mut aningaasanut inatsisissatut
siunnersuutaata suliarineqarnissaa ullunik aalajangersimasunik pingasunik piffissalerneqarsimavoq.
Inatsisartut aningaasanut
inatsisissaq marlunngornermi septembarip 23-anni siullermiissavaat,
ataatsimiititalianulli siunnersuisooqatigiinnullu qinersinerit
eqqaassanngikkaanniulloq naallugu oqallinnermut atorneqassaaq.
Inatsisartut ukiaanerani
ataatsimiinnissaannut oqaluuserisassani, siulittaasoqarfimmit marlunngornermi
saqqummiunneqartuni, Naalakkersuisut 2026-mut aningaasanut inatsisissatut
siunnersuutaata suliarineqarnissaa ullunik aalajangersimasunik pingasunik piffissalerneqarsimavoq.
Inatsisartut aningaasanut
inatsisissaq marlunngornermi septembarip 23-anni siullermiissavaat,
ataatsimiititalianulli siunnersuisooqatigiinnullu qinersinerit
eqqaassanngikkaanniulloq naallugu oqallinnermut atorneqassaaq.
Aningaasanut inatsisissatut
siunnersuut saqqummiunneqarmat aningaasaqarnermut akileraartarnermullu
naalakkersuisup Múte B. Egedep siullermeerisoqarnissaanut ullualuit
sioqqullugit partiit oqaloqatigiissutiginissaannut qaaqquniarlugit
naatsorsuutigalugu Sermitsiamut oqarpoq.
Aningaasaqarnermut
Akileraartarnermullu Ataatsimiititaliap septembarip 23-ani oqallinnerup
kingorna aningaasanut inatsisissatut siunnersuut sungaarumik aappaluaartumik
qalipaatilik kalaallisut 774-inik qallunaatullu 638-nik quppernilik
atuaqqissaarpaa. Nunatta Karsia aningaasartuutit 8.415 million koruunit
isertitat 8.403 million koruunit ilanngaatigineqareerpata 11,8 million
koruuninik amigartooruteqassasoq maannakkut missingersuutigineqarpoq.
Aningaasanut inatsisissatut
siunnersuut allanngortittariaqartoq Múte B. Egedep isertuutinngilaa.
Ukiorpassuarni innuttaasunut iluaqutaasunik nuannarineqarluartunik,
akisoorujussuusunilli, aalajangiisoqartareerpoq, maannali nunatta karsia
aningaasaataatutilerpoq.
Ataatsimiinnissamut ullunik kisitsineq
Inatsisartut siulittaasuata Kim
Kielsenip Inatsisartut ukiaanerani
ataatsimiinnissaat tallimanngornermi septembarip 19-ianni nalunaaqutaq 11.30
sianeq sølviusoq nipiliortillugu nalunaarutigissavaa. Tamanna sioqqullugu
politikerit Hans Egedep Illuaniit Inatsisartut ataatsimiittarfianut
ingerlaaqatigiissapput — Annaassisitta oqaluffiani unillatsiassallutik.
Marsip 11-ani qinersisoqarnerata
kingorna inatsisartut siullermeerlutik nalinginnaasumik ataatsimiissapput.
ilaasortalli taakku 31-t apriilip 7-ani inissititerillutik ataatsimiinnissamut
periarfissaqarsimapput.
Ataatsimiinnissaq aasit marlunnut
avinneqassaaq.
Ataatsimiittarneq siulleq
septembarip 19-ianniit novembarip 14-iannut ingerlanneqassaaq.
Ataatsimiittarnerit aappaat
januaarip 26-annit februaarip pingajuannut ingerlanneqassaaq.
Ataatsimiittarnerit taakkua
marluk akornanni sapaatip-akunnera 5/2026 ataatsimiititaliat
ataatsimiinnerinnaannut immikkoortinneqarpoq.
Oqaluuserisassani ilaasortat
siunnersuutaat nutaat 51-it aamma Naalakkersuisut siunnersuutaat nutaat 30-t
ilanngunneqarput.
Ataatsimiinnerit nalunaaqutaq 11.00-miit 16.00-ip tungaanut ulloqeqqanut
unillatsiarnertaqanngitsumik ingerlanneqartartut politikkimik soqutiginnittunut
paasissallugu pitsaasuuvoq.
Pingasunngornermi nalunaaqutaq
10.00-mit 11.00-ip tungaanut apeqqarissaartoqartarpoq.
kurt@sermitsiaq.gl
Taamaakkaluartorli
annikitsualutsigut pitsanngorsaasinnaavugut.
Timmisartut siulliit 2026-ip qiteqqunnerani Qaqortumut missapput, Kujataanili
angalasussat mittarfiup ammarnissaata tungaanut umiarsuarmik helikopterimillu
suli angalasarallassapput. Aningaasanut inatsisissami 22 millionit koruunit
kiffartuussinissamut isumaqatigiissusiornissamut immikkoortinneqarput.
Uumassusilerisut innersuussutaat politikkerinit qaqutikkut
tusarniarneqarneqartaraluartut 5 millionit koruunit Pinngortitaleriffiup
ilisimatusarnermut kilisaataataanut »Tarajoq«-mut atugassatut
immikkoortinneqarput.
Sipaarniartoqassasoq
Aningaasaqarnermut naalakkersuisup Múte B. Egedep 2026-miit 2029-mut ukiunut
sisamanut sipaarniutissat isertitassallu nutaat 864 million koruuniussasut naatsorsuutigaa.
395 millionit koruunit
aningaasartuutinit inatsisitigut piumaffigineqanngitsunit 2 ½ procentit
missaanniittunik sipaarniuteqarnermit pissarsiarineqarput.
469 millionit koruunit ilaatigut
akit akissarsiallu qaffanneqartarnerisa unitsinneqarnerannit aamma nunap
karsianut isertitassanit nutaanit pissarsinermit pissarsiarineqassapput.
Akit akissarsiallu
allannguutissaat 2,34 procentiusussatutnaatsorsorneqarpoq. Aappaagu
qaffaanissaq matussuserniarlugu aningaasat immikkoortinneqartut taama
amerlatigisunik qaffanneqassapput; taamaanngippat aningaasat
immikkoortinneqartut nungussapput. Taamaalillutillu sipaarneqartutut
taaneqarsinnaapput.
469 millionit koruunit
amerlanersaat akit akissarsiallu qaffanneqarnissaata taamaatiinnarneqarneranit
pissarsiarineqassapput. Peqqinnissaqarfilli tatineqartoq akit akissarsiallu
affarmik, tassa 1,34 procentimik qaffanneqassapput. Inatsisartut siulittaasoqarfiatattaaq
akit akissarsiallu tamakkiisumik 2,34 procentimik qaffanneqarnissaat
kissaatigaa. Siulittaasoqarfiup aningaasaliissutini nassuiarneq ajorlugillu
isumaqatigiinniutigineq ajorpai, Inatsisartunilu qaffaaneq 2 ½ millionit
koruuninik naleqassaaq.
Qisuariaatit siulliit
Naalakkersuisooqatigiinni partiit siuttuisa sisamaasut ilaat marluk
Naalakkersuisuni ilaasortaanngillat: Aleqa Hammond Siumumeersoq aamma Aqqalu C.
Jerimiassen Atassummeersoq.
Siumup Atassutillu siulittaasuisa
Naalakkersuisut 2026-mut aningaasanut inatsisissatut siunnersuutaat
isumaqatiginngippassuk tamanna paatsiveerutsitsisinnaavoq.
Qisuariaatit siulliit
aallaqqaammut isumaqatigiinngissutaangaarpasinngillat.
Siumup siulittaasua Aleqa Hammond
2026-mut aningaasanut inatsimmi sipaarniuteqaannarani nutaanik
isertitassarsiorniarpoq.
- Angisuumik eqqarsarnissamut piffissanngorpoq.
Aleqa Hammond
inuussutissarsiornerup tunngaviata nukittorsarneqarnissaanut
aalajangersimasunik siunnersuutissaqarpoq: Aalisakkap tamarmiusup
atorluarnerunissaa, attaveqaasersuutit sumiiffimmi innuttaasunut
takornarianullu iluaqutaasumik pitsaanerusut kiisalu umiarsuarnut
takornariartaatinut ilaasunullu akitsuutit qaffanneqarnissaat.
- Siunnersuutit pingasut taakku
isertitaqartitsingaarlutillu innuttaasunut ulluinnarni inuunermik
oqilisaataapput, Aleqa Hammond oqarpoq.
Partiit allat aningaasanut
inatsisissatut isumaqatiginninniarnermi nunatta karsianut
isertitaqarnerulersitsisunik isumassarsiaqassasut Siumup siulittaasuata aamma
neriuutigaa.
Taamaalilluni Aleqa Hammond Múte
B. Egedemut, nunatta karsianut sipaarfiusumut nutaanik isertitaqarnissamik
piumasaqartumut, tapersersueqataalluinnarpoq.
Atassutip siulittaasuata Aqqalu C. Jerimiassenip siunnersuut akerleriissutaasoq
tapersersorpaa, tassalu naalagaaffiup ataatsimoortumik tapiissutaasa
aningaasaqarnikkut siuariartuutaasussamik ukiuni 20-25-ni
marloriaatinngortinneqarnissaat, tamatumalu kingorna
atorunnaarsinneqarluinnarnissaat. (naalagaaffiup ataatsimoortumik tapiissutai
2026-mi 4 ½ milliardit koruuniussapput – eqqorluartumik 4.453.560.000
koruunit).
– Aningaasat naalagaaffiup
ataatsimut ataatsimut tapiissutai marloriaatinngortinneqarunik peqqinnissamut,
attaveqarnermut, sanaartornermut, isumakkut katsorsaariaatsinut, pisortat
inissiaataasa iluarsaannissaannut, nunaqarfinni umiarsualiviit talittarfiillu
pitsanngorsarnissaannut minnerunngitsumillu inuit suliumanerulerniassammata
akileraarutinik appartitsinermut atorneqassapput Aningaasaliissutit taakku
namminiilivinnissatsinnut iluaqutaassapput, Aqqalu C. Jerimiassen oqarpoq.
Naalagaaffiup ataatsimoortumik
tapiissutaasa marloriaatinngortinneqarnissaat neriuutissaalluarpoq, Múte B.
Egedeli Danmarkimit aningaasaqarnikkut pilersorneqarnerulernissamit aningaasat
nammineerluni pissarsiariumanerungaarpai.
Naalakkersuisut aningaasanut
inatsisissatut siunnersuummik siullermeerlutik oqaluuserinninnerisa kingorna
Aningaasaqarnermut Akileraartarnermullu Ataatsimiititaliaq ima ilaasortalik
aallartissaaq: Siulittaasoq Erik Jensen, Siumut, siulittaasup tullia Pele
Broberg, Naleraq, kiisalu Jørgen Rosbach, Demokraatit, Mariane Paviasen Jensen,
Inuit Ataqatigiit, aamma Margrethe Thårup Andersen, Demokraatit.
Aappassaanik oqaluuserinninnissaq oktobarip
24-ani pissallunilu pingajuattut oqaluuserinninnissaq novembarip 14-ani pissaaq
