Uumasut nakorsiartarfiannut tunissut

Mads Reimer Andersenip, Lions Club Nuummi siulittaasoq, Nuummi uumasut nakorsiartarfiata iluarsaannissaanut tapiissutit 100.000 koruunit tunniupai.

- Nuummi Uumasut aamma Donnas Dyreklinik Nuummi uumasut atugarissaarnissaannut pingaarutilimmik inissisimaffeqarput. Lions Club Nuuk-mi uumasunut, uumasunik piginnittunut najukkamilu innuttaasunut tamanut suliniutit iluaqutaasut tapersersornissaat pingaarnertut suliassaraarput. Aammattaaq Lions Club Nuup kiserliornermik akiuiniarnissamut suliniutit iluaqutaasut tapersersornissat pingaartitaraa. Tamatumunnga atatillugu uumasut pingaaruteqarput. Init nutaat alloriarnerupput pingaarutillit, Lions Club Nuummi siulittaassoq Mads Reimer Andersen oqarpoq.

Tamanna peqatigiiffimmiit Nuummi Uumasuniit nuannaarutigineqarpoq. Taakkua Donnas Dyreklinik ingerlallugulu ineriartortitaraat, Nuummilu uumasut nakorsaqarnissaa pitsaasumillu katsorsaasoqarsinnaanissa anguniarlugu ukiorpassuarni suliniuteqartuarsimapput.

- Lions Club Nuup tapersersuinera uagutsinnut pingaaruteqarluinnarpoq. Init nutaat iluarsaanneqarnissaat suliniutaavoq annertooq, taamatullu tapiissuteqarneq naammassinissaanut uumasunut sulisunullu pitsaanerusunik atugassaqartitsinissamut aalajangiisuulluinnarpoq, Nuummi Uumasutip siulittaasua Tom Amtoft oqarpoq.