Tyskit illersornissamut ministeriata tullersortaa Kalaallit Nunaannut tikeraassasoq

Ataasinngorpat Vivian Motzfeldt Troels Lund Poulsenillu tyskit illersornissamut ministeriata tullersortaa Nils Schmid Nuummut tikilluaqqussavaat.

Siusinnerusukkut Vivian Motzfeldtip Troels Lund Poulsenillu ataatsimiinnerannit assilisaq.

Assi: Leiff Josefsen

Morten Okkels Morten Okkels Morten Okkels Tusagassiortoq

Saqqummersinneqarpoq 16. Aggusti 2025 - 12:51

Annonse

Tyskit illersornissamut ministeriata tullia Nils Schmid Nuulialerpoq. Tassani illersornissamut ministeri Troels Lund Poulsen (V) nunanullu allanut naalakkersuisoq Vivian Motzfeldt (S) naapissavai.

Taakku pingasuullutik sinerissamut nakkutilliissummi Tritonimi ataasinngorpat ualikkut tusagassiortunik katersuutsitsissapput.

Danmarkip juunimi Tysklandimik kiisalu Canadamik Norgimillu imaani illersornissaq pillugu isumaqatigiissummut ilanngupput.

Suuleqatigiinneq ataatsimoorluni ilinniartitsinermik, sungiusarnermik Atlantikullu avannaa aallullugu sungiusarnernik suliaqarnermi ilaanissamut periarfissiisoq, Illersornissamut ministereqarfik ilisimatitsivoq.

Tyskit umiarsuaat pilersuisoq FGS Berlin aamma ullualunni Nuummiissaaq, sapaammilu aggustip 17-ani ataatsiniit sisamat tungaanut tamanit takuniarneqarsinnaassaaq.