Upalungaarsimasuni ukiuni 40-nngortorsiortoq

Martin Olsen Kullorsuarmiu ukiuni 40-ni aalajaatsumik kiffartorsimanini pillugu ukioq manna Kullorsuarmi nalliuttorsiornermi Dronning Margrethe Aappaata nersornaasiuttagaanik nersornaaserneqarpoq.

Avannaata Kommunia tusagassiutitigut nalunaarummi taama allappoq.

Avannaata Kommuniani borgmesterip Lars Erik Gabrielsenip nersornaat tunniuppaa, taamatuttaarlu ilaqutaasut ikinngutaasullu nalliuttorsiornermi peqataapput.

Bjarne Markussen qatserisartut siulittaasuat nersorneqartoq pillugu ima allappoq, oqaasertailu borgmesterimit atuffassissutigineqarlutik:

- Brandformand qatserisartoq suliaminut tunniusimasoq ilakkuminartorlu, Martin suliakkeraanni nassuiaallugulu suliassani naammassilluartarpai, ukiut taamak ikatsigisut qatserisartutut sulissagaanni soorunami aamma ilaquttanniik tapersersorneqarnissaq pinngitsoorneqarsinnaanngilaq minnerunngitsumik nuliaasoq aamma qutsavigisariaqarpoq ukiut taamak amerlatigisut tapersersuisinnaammat, Bjarne Markussen, Upernavimmi upalungaarsimasuni inspektøri, taama oqarpoq.