Visit Greenland siulersuisuni nutaanik ilaasortaqalerpoq
Visit Greenlandip ataatsimeersuarnerani siulersuisunut ilaasortat marluk taarserneqarput.
Internationale passagerer vil, ved ankomsten, blive budt velkommen af en hundeslædefører
Visit Greenland
Ane Lone Bagger nammineq kissaatigisaminik tunuarpoq, Allan Chemnitzilu Visit Greenlandimi siulersuisunut qinigaaqqinngilaq, takornariartitsisartut ingerlatseqatigiiffianni ileqquusumik ataatsimeersuarnermi tamanna nalunaarutigineqarpoq.
Ilaasortanik nutaanik marlunnik, nunatsinni takornariartitsinermik misilittagalinnik, Naalakkersuisut toqqaapput:
Heide Jensen Ilulissaneersoq namminersortutut inuussutissarsiuteqarluni Naleraq Sea Safari ApS-imik pilersitseqataavoq pisortaallunilu, taannalu sulinermut atatillugu angalasunut takornarianullu Targa 37+-imik angallassisarpoq. M/S Heidi, politiit angallatiginikuusaat Sisak II, aamma pigaa. 2014-imiilli Restaurant / Bar Naleraq aamma pigisimavaa.
Erik Palo Jacobsen Nuummeersoq Arctic Boat Charter A/S-imi ukiuni 16-ini pisortatut misilittagaqarpoq. Helsingør Teknikumimi umiarsuarnut ingeniøritut ilinniarsimavoq, Københavnimilu Navigationsskolemi aquttutut ilinniarsimalluni, 1999-imiilli Palo Marinemi umiarsuarnut ingeniøritut sulisimalluni.
Siulersuisunut ilaasortat allat tassaapput siulittaasoq Anette Lings, Gerth P. Olsen aamma Kattis Pauline Nielsen.
