Arctic Import Sikuiuitsumi kujallermi dieselimik pilersuisoq

Suliffeqarfiup Kalaallit Nunaanni misilittakkat immikkut ittumik suliamut atorpai.

Sikuiuitsumi kujallermi sikup killeqarfiata sinaani nassiussat umiarsuarmit kivinneqartut. Toqqortaasivimmit assi 2021-meersoq.

Assi: RAL

Jesper Hansen freelance journalist

Saqqummersinneqarpoq 17. Decembari 2024 - 17:31

Arctic Import, Kalaallit Nunaanni Issittumilu sumiiffinni allani nalinginnaasumik suliaqartartoq, Sikuiuitsumut kujallermut pilersuinermi aamma peqataasinnaavoq.

Maanna umiarsuaq containerinik assartuut Silver Mary Norgemiut ilisimatusarfissuannut Trollimut pilersuiniarluni Aalborgimi Grønlandshavniusimasumiit Sikuiuitsup kujalliup tungaanut ingerlavoq.

Annonse

Arctic Import, Kalaallit Nunaanni Issittumilu sumiiffinni allani nalinginnaasumik suliaqartartoq, Sikuiuitsumut kujallermut pilersuinermi aamma peqataasinnaavoq.

Maanna umiarsuaq containerinik assartuut Silver Mary Norgemiut ilisimatusarfissuannut Trollimut pilersuiniarluni Aalborgimi Grønlandshavniusimasumiit Sikuiuitsup kujalliup tungaanut ingerlavoq.

Ilisimatusarfissuaq ukiumi ataatsimi ingerlasinnaaqqullugu pisariaqartut tamaasa usigai – assartuutinit dieselimut liiterinut millioninut.

Dieseli Arctic Importimiit pilersuutigineqarpoq.

Ilisimatusarfik Troll

Ilisimatusarfik Troll Sikuiuitsumi kujallermi Norgep naalagaaffigisaani Dronning Mauds Landimiippoq, nunatami 1270 meterinik portutigisumi sinerissamit 235 kilometerit missaanni ungasitsigisumi. Ilisimatusarfik Norgep naalagaaffianit pigineqarlunilu Norsk Polarinstituttimit ingerlanneqarpoq. Ilisimatusarfik 1989-imi pilersinneqarpoq.

Ukiumut agguaqatigiissillugu 25 gradinik issittarpoq, aasakkullu decembarimi, januaarimi februaarimilu agguaqatigiissillugu 0 gradinik issittarluni. Sumiiffimmi ukiukkut minus 50 gradit tikillugit ississinnaasarpoq.

Troll ukiukkut arfinilinnik inuttaqartarpoq, aasakkullu ilisimatuut 70-it tikillugit issittumi ilisimatusarfimmiissinnaasarput. Timmisartunut Hercules-itut ittunut mittarfeqarpoq, nassiussalli amerlanersaat sinerissamit sikkullu sinaanit assartorneqartarput.

Tigulaariffigisaq: Wikipedia

53 gradinik issitsigisumiissinaasoq

- Dieseli immikkut ittoq 53 gradimut qerititsinissamut allaat illersugaasoq pineqarpoq, taannalu aamma Kalaallit Nunaanni pisisartunut assigiinngitsunut pilersortarparput, Arctic Importimi pisortaq Thomas Hjort oqaluttuarpoq.

- Dieseli containerini 20 fodsiusuni immikkut ittuni assartorneqartarpoq, taakkulu aappaagumut Sikuiuitsumi kujallermiiginnassapput. Illuatungaanilli Silver Maryp siorna pilersuutaasimasut nassarlugit Aalborgimut utissaaq.

- Issittumi pissutsit pillugit immikkut ilisimasaqaratta dieselimik Trollimut pilersuineq ukiorpassuarni suliarisarparput – taamaammallu tunisassiaq immikkuullarissoq tamanna avatangiisinut uppernarsaatinik tamanik, dieselip issittumi atornissaanut pisariaqartunik, peqartillugu pissarsiarisinnaavarput.

- Ukiuni qulikkuutaani ilaatigut Kalaallit Nunaanni niuerfimmut tunngatillugu ilungersorluta suliniuteqarnitsigut qanoq iluatsilluarsimanitsinnut assersuutissaalluarpoq, Norgemiummi namminneq pissarsiarisinnaanngisaannik tunisassiaqarpugut.

Antarctic Import

Thomas Hjortip suliffeqarfiup aqqa Antarctic Importinngortissallugu pilersaaruteqanngilaq.

- Ha, ha. Naagga, tamannali allat suliarisinnaanngisaannik Arctic Importimi suliaqarsinnaanitsinnut assersuutaalluarpoq. Tamanna tulluusimaarutigeqaarput.

Ilisimatusarfik Troll nunap qaavani 1270 meterisut portutigisumi sermersuup killinganiit 235 kilometerisut ungasitsigisumiippoq.

Arctic Import ilaatigut Kalaallit Nunaanni, Savalimmiuni Islandimilu immikkoortortaqarfeqarpoq. Aalborgimi qullersaqarfik Grønlandshavniusimasumut, Royal Arctic Linemit ingerlanneqarsimasumut, maannali RAL-ip Danmarkip Kalaallit Nunaatalu akornanni atlantikukkut angallanneq Aarhusimut nuummagu Port of Aalborgimit ingerlanneqalersumut, qanittuararsuuvoq.

Umiarsuaq Silver Mary aamma Nunatsinni amerlanernit ilisimaneqarpoq. Siornatigut Mary Arcticamik taaguuteqarsimagaluarpoq, siornali RAL-imit Norgemiut umiarsuaatileqatigiiffiannut Silver Linemut tunineqarpoq, ukiullu tamaasa Sikuiuitsumi kujallermi angalasarpoq. Aasaanerani Royal Arctic Linemit attartorneqartarpoq, taamaammallu suli nunatta imartaani takuneqarsinnaavoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

Sermitsiaq.gl-imi allaaserisat tamakkiisumik atuarsinnaalissavatit
Qaammammut kr. 59.00
Ukiumut kr. 650.00

Pisigit

Sermitsiaq - E-aviisi

Sermitsiaq e-aviisitut tallimanngornerit tamaasa saqqummersartoq atuarsinnaalissavat
Sermitsiaq.gl-imi allaaserisat tamakkiisumik atuarsinnaanngussavatit
Qaammammut kr. 191
Ukiumut kr. 1.677

Toqqaagit

AG - Atuagagdliutit E-aviisi

Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
Sermitsiaq.gl-mi allaaserisat tamakkiisumik atuarsinnaanngussavatit
Qaammammut kr. 191
Ukiumut kr. 1.677

Toqqaagit

Sermitsiaq.AG+

Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
Sermitsiaq e-aviisitut tallimanngornerit tamaasa saqqummersartoq atuarsinnaalissavat
Sermitsiaq.gl-imi allaaserisat tamakkiisumik iserfigisinnaalissavatit
Arnanut e-magasinatut atuarsinnaalissavat
Nutserisoq.gl atorsinnaanngussavat
Soqutiginnikkuit abonnement@sermitsiaq.gl-imut allagaqarsinnaavutit

Toqqaagit

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.