Assartuinermut akitsuut RAL-ip qaffappaa
Uuliap akiisa aningaasallu nalingisa qaffalaarsimanerisa malitsigisaanik, uuliamut aningaasallu nalinginut tapiliuttagaq augustip aallaqqaataanit Royal Arctic Linep qaffanniarpaa.
Assiliisoq: Royal Arctic Line
Tapiliuttagaq maannakkorpiaq 10 procentiuvoq, qaammatilli tullianit 11 procentimut qaffassaaq.
Uuliamut aningaasallu nalinginut tapiliuttagaq Royal Arctic Linep iluanaaruteqarfigineq ajoraa Royal Arctic Linep erseqqissaatigaa, uuliamut akit aningaasallu nalingisa allanngoriartornerisa sunniutaannut ingerlatseqatigiiffiup qajannaarsarnissaanut tapiliut atortarmat.
CO2-mut akitsuut aamma qaffanneqassaaq
Aamma ETS-imut tapiliussaq, CO2-mut akitsuut EU-mut akilerneqartartoq, 1,54 procentimut qaffanneqassaaq.
- Ineriartorneq malittareqqissaarparput, septembarillu aallaqqaataani 2024-mi qanoq nalimmassaasoqassanersoq aggustip ingerlanerani nalilersuisoqassaaq, umiarsuaatileqatigiiffik nittartakkamini ilisimatitsivoq.
